كرونيك💕 " حب تحت رحمة التقاليد " 💕

50

#حب_تحت_رحمة_التقاليد💏🔫🔥
#الحلقة_50
#Mîss_Rõssįlã
_سأظل أحبك...
_وعن طال البعاد ونفي الوصال
_فذاك أهون عندي من عشرة اليأس
وجفاء الإحساس...
_نعم....سأظل أحبك❤...
           *★*★*★*★*★*★*★*★*★*★
_بدات الشمس تشرق تعلن في بداية نهار جديد...أشعتها دخلت من فراغات الريدو متاع النافذة...جهرو الضوء في عينيه قلقلو وحرم عليه النوم...يفتح في عينيه ويعاود يسكرهم...حاول يتلفت لشيرة الأخرى...يلقاها مكبشة فيه...كالقرنيطة...رجليها بين رجليه...حاشية راسها في رقبتو...نفسها السخون رهوجو...تبسم على جنب...ولزها ليه أكثر...بعدلها خصلات من شعرها قلقوها...قرب خشمو لشعرها...خذى نفس منو...طبع بوسة مرصوصة على خدها...مايعرفش علاه عزت بيه في اللحظة هذي...ميحبش يبعد عليها...يحب يخبيها من الدنيا الكل...يحشيها في وسط ضلوعو...رجع فاق على وضعو..مالازمش يضعف ويخلي احساسو يتحكم فيه...ويسيطر عليه...تنهد تنهيدة من عروش قلبو...المكتوب رماك في ثنيتي يافرخة...منعرفش شبيني...ولا اللي صايرلي...وقت نقرب منك...منحبش نبعد...منحبش نخليك...حياتي كلها ظلمة ومعتمه..انت نقطة النور اللي في وسطها...رح نحميك من الدنيا الكل وأولها أنا...فيقو على وضعو تلفون ينوقز...قام من بحذاها غير بشوية...ميحبش يفيقها...خزر للإيكرون يلقاه أشرف..
جاسر: شبي ر**** تعيطلي مع الفجاري...بايت تحلم بيا(يحكي بصوت واطي ويرص على سنيه)..
أشرف: سامحني آغا...لو موش مهم مكنتش قلقتك
جاسر:شنوا صاير على صباح ربي..
أشرف: الشرطة كبست على قيصر وجماعتو،وقت تسليم السلاح
جاسر: شدوهم..
أشرف: للأسف قدرو يهربو...ومنذر تصاوب
جاسر:كلاب الله يلعنهم...فكرت خلصت منهم..
أشرف: فما خبر يفرح...سيف رجع
جاسر: متقولش سيف الهارون؟؟
أشرف: ايه بشحموً....نظن هذي المرة رح نقضو على قيصر
جاسر:أيا باهي...عالقليل نرتاحو ..خليه يكبسهم...
أشرف: أنشاء الله آغا...يصير كل اللي تحب عليه...
سكر الخط وكبس على تلفون بإيدو ...قريب يكسرو...يحكي ويرص على سنيه...أهرب قد ماتنجم ياقيصر...وقت نشدك مش رح نرحمك أنت ومنذر الكلبً..العبو بالنار نوعدكم الا مانحرقكم بيها...مسح على وجهو بزربة...تلفتلها يلقاها تثاوب..وتحك في عينيها...
شعرها مفرعس داخل بعضو...خدودها حمرين...منظرها يضحك...كتم ضحكتو بسيف...وبدى يتكلم ويجبد عليها بالبارد...يشيخ وقت يقلقها...
جاسر:ضيعت النهار وأنت راقدة😕
جوري: الناس تقول الصباح الخير😏
جاسر: وأنت خليت فيها صباح الخير..
جوري:وأنت كنت تفصفص في الجلبانة...هاك كنت راقد بجنبي جاسر آغا،الحلال عليك ...حرام علينا😏😕
جاسر:شنوا قتلك على طول اللسان أنا...شي نهار نقصهولك...
جوري:😏😏
جاسر:برا قوم البس دبشك...بش تروح تقرى...عندي خدمة مش قاعد غير ليك
جوري: ضربت راسها...تي قول هك من الصباح..قامت تجري...راحت جبدت حوايجها بزربة من الدريسنغ..
ودخلت لبيت البانو...يتبع فيها بعينيه...مصدوم في تصرفاتها اللي كل مرة يتغيرو...
جاسر: ملا فرخة تبليت فيها...تبسم على جنب...رصاتلك تلبس حوايجك من غير ماتعمل دوش...
_نزلو مع بعض ...يلقاو الكل مجموعين على طاولة الفطور...من غير مراد وشهد...كل حد فيهم شد بلاصتو..بعدما صبحو عليهم...جاسر طلب قهوة...وهي غطست في صحنها تقول عندها عام حارمينها من الماكلة...
بقى حال فمو فيها..
خديجة: كولي بعقلك ياطفلة...تقول حد لآحقك..
جوري: جيعانة أمي...وزيد فقت روطار...خايفة نتأخر على قرايتي(تحكي وفمها معبي ماكلة)..
جاسر: كولي بعقلك...لاتغصلك وترصالك مخنوقة...وڨحرلها..وتبسم على جنب.. ردتلو الڨحرة...وكملت تاكل من غير ماتخزر فيها...نبزها وهنتلها قدامهم..
جاسر: بصحتكم ياجماعة...نطلع نشوف مراد ووقت نرجع نلقاك حاضرة...ماعملت حتى ردة فعل...بقات تاكل من غير ماتعبرو ولا تعملو حساب...زفر بقوة...ومسح على وجهو بزربة...وقام..
خديجة: همستلها في وذنها...شبيك ياطفلة..علاه مارديتش عليه..
جوري: أخطاني أمي..شفتو كيف نبزني قدامكم..
خديجة: الله يهديكم..
_دخل عليهم...يلقى شهد توكل فيه وتتعارك معاه كيف العادة...تبسم على تفوريخهم..
شهد: تي أفتح فمك يامراااد...هيا عااد بقات غير لقمة وحده
مراد: يهديك ربي ياطفلة...شبعت وزيد موش فرخ قدامك...نعرف ناكل وحدي..
جاسر: شبيكم صواتكم طالعة...شهد خلي الراجل بحالو موش حاب ياكل...خليه يموت بالجوع..
مراد: صحيتك صاحبي...تحبني نموت بالجوع..
شهد: اللطف عليك من الموت..
جاسر:😂😂 حمد لله على سلامتك ياوحش
مراد: الله يسلمك...رصاصة مقتلتنيش ...شي نهار تقتلني أختك بقسوحية راسها..
شهد:😕😑😑
جاسر: في هذي عندك حق صاحبي...بصح رد بالك تعاودها...
مراد: شي مايرخص عليك عشيري..
جاسر: حتى ولو...أنت عندك عايلة...خمم فيهم قبل كل شي...باهي
مراد: اخطانا من نصايحك يا آغا...راحت بحالها..وهاني بخير ماصار عليا شي..
جاسر:😂😂😂 احمد ربي أختي هوني...ولا وريتك النصائح ع القاعدة😉😉
مراد: 😂😂 عمرك لاتتبدل...
جاسر: أيا نخليك من بعد...وأنت شهد نقصي من قسوحية راسك...
شهد:😑😑شايفة تفاهمتو عليا انتو زووج...استنو عليا نوريكم
جاسر:😂😂 هوكا راجلك قدامك واعملي اللي تحبي عليه...عندي مانعمل ايا بسلامه..وخرج وخلاهم متعاركين...نزل الدروج...يلقاها تستنى فيه...تفرك في إيديها في بعضهم...وتاكل في شفافها(جاست نعملها وقت نعصب ولا نتوتر)..خرج قدامها ...وتبعتو من غير مايحكو مع بعض..
*★*★*★*★*★*★*★*★*★*★*★*★*★*★*
توقعاتكم وأرااائكم في ريبووووند....حبكم عسلااتي...ماكس جام على الحلقاات #Mîss_Rõssįlã