#حب_تحت_رحمة_التقاليد💏🔫🔥
#الحلقة_42
#Mîss_Rõssįlã
_لقد كان فرحتي فلماذا تركني لوحدي..
_كان بهجتي فلماذا تخلى عني...
_كان سعادتي فلماذا سلب بسمتي مني...
_لقد كان كياني فلماذا انتهك روحي..
_كنت نبضي فلماذا أوقفت قلبي...
.........................................
_مسحها بالزربة...وتنهد تنهيدة من عروش قلبو
يهدي في روحو...تحسس نبضو لقاه ضعيف...
نطق بصوت مغصور غالبتو البحة.
جاسر: مزالو عايش...هيا أشرف إيجا عاوني
جاه أشرف يجري...رفدوه وسندوه عليهم...
مدخلينو للقصر...ونساوين يجرو وراهم...ضحكة
وسط دموع...وجيعة في نصها أمل اتزرع في
القلووب...دخلوه لداخل وحطوه في غرفة..
شهد وجوري قاعدين بحذاه..كل وحده من جيهة
شادة إيدو ...
جاسر:أشرف جيب الطبيب بسرعة..
اشرف: أمرك آغا...وخرج يجري حتى هو خايف
على عشيرو...صحيح كان مغشش منو بصح
يبقى خوه اللي جابتولو الدنيا...
شهد: جاسر رح يكون لباس موش هكا تترجى فيه
بعينيها
جاسر: نشاء الله متخافش رح يقوم منها نعرفو
قوي مش رصاصة طايشة اللي تخلص عليه..
خديجة : كل شي بسبتك انت واختك...كل
شي جرايركم حياتنا تقلبت من وقت دخلتو
فيها حسبي الله فيكم ...حسبي الله فيكم..
وطاحت على القاعة دايخة موش حاسة بشي
جاتها جوري تجري...وتبكي خايفة عليها
جوري:أمي ياأمي فيق أمانك متخلنيش😭😭
تضرب فيها على خدها بكفوف خفاف لعلها
تفيق...قرب منها جاسر حملها وخذاها لغرفة أخرى
حطها على الفرش وطلب من أمو وفاطمة يهتمو فيها..
ورجع عند مراد...دخل أشرف ومعاه الطبيب...طلب
منهم يخرجو بش يخدم خدمتو براحتو...ماخرجهم
جاسر كان بسيف...
الطبيب: آغا الرصاصة قريبة من القلب برشا لازمنا
ننقلوه لسبيطار في أقرب وقت...موش رح يتحمل..
شدو من كول الفاست...ويحكي معاه ويرص على
سنيه
جاسر: أخدم خدمتك بفم ساكت...من غير ماتعصبني
موش ناقص سين وجيم أنا..اللي تحتاجو رح نأمنوهلك
في ظرف ثانية...ورد بالك تصيرلو حاجة...لازمو يعيش
ولا تعرف اللي رح يصيرلك كان يموت...ووخر الفاست
على جنب بش يشوف السلاح اللي على خصرو..
بلع ريقو بسيف خايف على حياتو...لعن النهار اللي
خلاه يخمم يولي طبيب
الطبيب: حاضر آغا..
ورجع دخل للغرفة...جابلو أشرف كل شي يحتاجو
بالمختصر حول السبيطار للقصر...الدقايق تفوت
كأنها دهر...قاعدين على جمر...يستنو فيه يخرج
على نار...جوري تروح وتجي تاكل في ظفارها
شهد من وقت ماتقوص مراد..وهي حاكمتها وجيعة
في حزامها لكنها بلعت السكينة بدمها...لازمها تطمن
عليه...صحتو أولى من كل شي...لازمها تتحمل على
خاطرو...تدعي في ربي يرجعولها بخير...
#بعد_ساعتين..
خرج الطبيب من عندو وجه يصب بالعرق...مغصور
من التعب...
الطبيب: خرجت الرصاصة ..ووقفت النزيف..عملت
الي عليا وباقي على ربي وعليه...حالتو مزالها
مخطرة...
جاسر: نعرف عشيري قدها رح يفوتها بقدرة ربي
وانت رح يوصلك أشرف ...وفلوسك يوصلوك
كاملين...
الطبيب: حمد لله على سلامتو.
شهد دخلت تجري عند حبيبها...راجلها....بو ولدها
ناسية وجيعتها...مهم تراه وتطمن عليه وطفي
نار قلبها اللي شاعلة...
_نقزت جوري في حضن جاسر...كبشت فيه
بكل ماعندها من قوة...وخر لتالي مرهوج من
قربها قلبو يدق بالقاوي...دور وجه عند راسها..
وخذى نفس من شعرها...ريحتها ردت فيه الروح
خلاتو ينسى تعب اليوم ومشاكلو...عطاتو أمل
...قوة في انو يواجه اللي جاي...فيقو شهقاتها
اللي علات...جبدها من عندو وحط إيديه على
وجها يمسح في دموعها...يحكي
جاسر: شششششش إهدى...علاه دموع هذو..مراد
بخير متخافش...نوعدك ناخذ بثاارو ونبكيه بدل
الدموع دم....المهم إنت متبكيش وأنا مزالني موجود
هزتلو براسها بمعنى باهي...ووخرت لتالي...مسحت
دموعها بالزربة ودخلت عند خوها....
_جايك يامنذر آغا...السن بالسن والبادي أظلم
رح نوريك نجوم الليل في النهار...رح تخلص كل
قطرة دم نزلت منو...رح تخلص دموعهم بدمك
ياشيبة النار ولا مانسماش جاسر...كبس بونيتو
عينيه تقدح نار...حمراء جمر...رح تحرق الأخضر
واليابس...وراح لمكتب بووه...لازمهم يحكو....
دخل عليه من غير مايدق الباب...يلقاه كيف
عادتو غاطس في كتاب يقرى فيه...موش هامو
اللي صار جملة...خلى جاسر يكرز من العصب..
نطرلو الكتاب من إيدو ورماه على القاعة
أنت تقرأ
كرونيك💕 " حب تحت رحمة التقاليد " 💕
Romanceكرونيك جديدة من نوع جديد تحكي على عشق❤ عاش وسط نيران ،الدم وعروشية💣💣💣،ووسط ناس أدمنت الكره والأنانية وتبادل المصالح🔫🔫🔪، ترعرع في حكم القوي ياكل الضعيف🚬🚬 ...قصة تحكي على اثنين كل حد فيهم يختلف على آخر من حيث ثقافة،عادات،تقاليد🎲💪🏇، ..ولكن...
