Unicode ❤️❤️
သိုးမည်းလေး ကျန်းရှန်
ဟေးမင်ပြောလိုက်တဲ့ စကားကြောင့် ဖေးစစ်ရန် မျက်မှောင်ကြုတ်ကာ ဟေးမင်အား လှည့်ကြည့်္လိုက်သည်။
"ငါ့ကို အဲ့လို မကြည့်နဲ့.. ငါ ဘာမှမသိဘူး"
ဟေးမင်ကတော့ ထိုအကြည့်မှ ရှောင်ရန်ကြိုးစားလိုက်သည်။
ဟေးမင် အကြောင်းစုံကိုသိနေတဲ့ အကြောင်းအရင်းမှန်ကတော့ ပိုင်ဟောင် အခန်းရဲ့ ဝရံတာတွင် ဆေးလိပ်သောက္နေတုံး ကန်ထဲတွင် ငါးဆင်းဖမ်းနေသော ကျန်းရှန်ကို တွေ့မိတာကြောင့်ပင်ဖြစ်သည်။
အစကတော့ ကျန်းရှန်ကို တားဆီးပြီး ဒီငါးတွေက သာမန်ငါးတွေမဟုတ်ဘူးဆိုတဲ္အကြောင်းပြောရန် ပြင်လိုက်သော်လည်း သူ လက်လွှတ်ထားတာ ပိုကောင်းလိမ့်မည်ဟု တွေးမိသည်။
ထိုသို့ စက္ကန့်ပိုင်းမျှ တွေးလိုက်ကာ သူ့အတွက် စိတ်ဝင်စားစရာကောင်းတဲ့အရာတစ်ခု ရိှလိမ့်မယ်ဆိုတဲ့ အတွေးဖြင့် သူ မတားဆီးခဲ့ခြင်းပင်။
ကျန်းရှန်က ကန်ထဲက ငါးတွေကို အပျော်သက်သက် ဖမ်းပြီး သူပျင်းသွားမှ ကန်ထဲသို့ ပြန်လွှတ်ပေးလိုက်မယ်လို့ သူ ထင်ခဲ့မိသည်။
သူ မိနစ်သုံးဆယ်ကြာတဲ့ အထိ မသိသေးပေမဲ့ ဖေးလုလု ရောက်လာပြီး တံခါးကိုခေါက်ကာ ငါးကြော်စားရန် အောက်ထပ်သို့ လာဖို့ ခေါ်မှ ဟေးမင် မျက်လုံးများကျွတ်ကျမတတ် ပြူးကျယ်သွားရသည်။ကျန်းရှန်က ထိုငါးတွေကို ကြော်စားလိုက်လိမ့်မယ်လို့ သူ ဘဟ်လိုမှ မထင်မှတ်ထားမိပေ။
ဒါ့ကြောင့် ဖေးစစ်ရန်က သူ့ကို ကျန်းရှန်နဲ့ပက်သက်ပြီး အပြစ်တင်ပြောဆိုမှာကိုကြောက်တာကြောင့် ဘာမှမသိသလိုသာ ဟန်ဆောင်နေလိုက်တော့သည်။
သို့သော်လည်း ဖေးစစ်ရန်က ကျေနပ်မှုအပြည့်ဖြင့် ငါးကို စားနေတာတွေ့တာကြောင့် သူ အူတက်အောင်ရယ်ချင်မိလာကာ သူ့ကိုယ်သူ မရယ်မိအောင် ထိန်းချုပ်ထားရသည်။
ထို့နောက် ဟေးမင် ပြောလိုက်တာက ဖေးစစ်ရန်ကို မျက်မှောင်ကြုတ်စေသည်။ သို့သော်လည်း ဟေးမင် သူ့အား လျစ်လျူရှုလိုက်ကာ ပိုင်ဟောင် ဘက်ကို လှည့်ပြီး
"အစိမ်းရောင္ အိမ်တော်မှာရိှတဲ့ အချစ်ပင်က ဘယ်လိုလဲ..? အဲ့တစ်သုတ်က ရောင်းဖို့ အဆင့်သင့်ဖြစ်ပြီလား?"
YOU ARE READING
Rebirth:တစ်ခြားကမ္ဘာမှအချစ်ခံအရုပ်ကောင်လေး(MM Translation)
Vampireကျန်းရှန်က အဆောက်အဉီးအမြင့်ကနေ ပြုတ်ကျသွားခဲ့တယ် သူ့ကိုယ်သူသေမယ်လို့ထင်နေပေမဲ့ တကယ်တမ်းသူ့ဂိဉာဉ်က တခြားကမ္ဘာတစ်ခုကို အချိန်ခရီးထွက်သွားတယ်။ ဒီထပ်ပိုပြီး အံ့သြစရာကောင်းတာက သူက ကလေးမွေးဖွားရမဲ့ လူတစ်ယောက်ရဲ့ကိုယ်ထဲ ရောက်သွားတာပဲ.... "သောက်ကျိုးနဲ.. င...
