Unicode ❤️❤️
ကျန်းရှန်ရဲ့ ထူးဆန်းတဲ့အမေ
"ကြည့်ရတာ မင်းဇနီးရဲ့ ကိစ္စက နဲနဲ ရှုပ်ထွေးမဲ့ပုံပဲ.. ဒါပေမဲ့ ငါ သူ့ကိစ္စကို ဒီတိုင်းမထားပါဘူး မင်းအတွက် သေချာတဲ့ အဖြေသိရအောင် ငါလုပ်ပေးပါမယ် အဲ့တာကိုတော့ ငါ့ရဲ့ အပိုဆောင်းဝန်ဆောင်မှုအဖြစ်ပဲ သတ်မှတ်လိုက်ပါ"
ရှုဝမ်းရှန်က လက်ဖက်ရည်အား ခွက်ထဲသို့ ငဲ့လိုက်ပြီးနောက် သူ့အင်္ကျီလက်ရှည်တို့အား ခေါက်တင်ကာ ဖေးစစ်ရန်အား လက်ဖက်ရည်သုံးဆောင်ရန် အမူအရာပြလိုက်သည်။
ဖေးစစ်ရန် လက်ဖက်ရည် သောက်ချင်သည့်စိတ်မရိှသေးသော်လည်း ရှုဝမ်းရှန်ရဲ့ ဧည့်ဝတ်ကျေပွန်မှုအား တုံ့ပြန်သောအားဖြင့် တစ်ငုံလောက်သောက်ရန် ဆုံးဖြတ်လိုက်ပြီးနောက် ဆက်မေးလိုက်သည်။
"ဒါဖြင့် ငါ့ဇနီးရဲ့ ဝိဉာဉ်ကရော"
"ငါက ရှေ့ဖြစ်ဟောသူသာသာပါပဲ.. သဘာဝလွန်စွမ်းအားတတ်မြောက်သူမှ မဟုတ်တာ"
ရှုဝမ်းရှန် လက်ဖက်ရည်တစ်ငုံအား မော့သောက်လိုက်ရင်းဖြေလိုက်သည်။ လန်ဟွမ်ရဲ့ဝိဉာဉ်ဘယ်ရောက်နေလဲဆိုတာကို ဖေးစစ်ရန်ကို မပြောတတ်သည့် ပုံစံမျိုး သူ့မျက်နှာတွင် မဖော်ပြပေ။
ဖေးစစ်ရန် စိတ်မကျေမနပ်ဖြစ်စွာဖြင့် မျက်မှောင်ကြုတ်လိုက်သည်။
သို့သော် ရှုဝမ်းရှန် ပါးစပ်ပွင့်လာကာ ငြင်သာစွာဖြင့် ဆက်ပြောလိုက်သည္။
"ဒါပေမဲ့ ကံကြမ္မာက လှည့်ကွက်တွေများတယ်.. ကျန်းရှန် သေသွားတော့ ကျန်းရှောင်က မင်းဘေးကို ရောက်လာတယ်"
သူပြောတဲ့အချိန်တိုင်းတွင် သူ့စကားများသည် ပဟေဠိကဲ့သို့ပင်။ ဂရုစိုက်ပြီးနားထောင်လေ သွယ်ဝိုက်ပြောဆိုခြင်း များလာလေဖြစ်သည်။ သို့သော်လည်း တိမ်မြှုပ်နေသော အဓိပ္ပါယ်တို့သည် မသဲကွဲပေ။
ဖေးစစ်ရန် မျက်မှောင်ပိုကြုတ်လိုက်ပြီး
'ရှုဝမ်းရှန်.. မင်း ဝေ့ဝိုက်ပြောနေတာတွေ ရပ်တန်းကရပ်လိုက်ပြီး လိုရင်းကိုပဲ ပြောပါလား'
"မင်းက လွန်ခဲ့ဲတဲ့ နှစ်တစ်ရာကအတိုင်းမပြောင်းလဲနိုင်သေးဘူးပဲ! မင်းရဲ့ ရှင်းရှင်းလင်းလင်းပြောတဲ့စကားကို စောင့်နေရတာ သေတော့မယ် "
ဖေးစစ်ရန်ဘေးတွင် ရပ်နေသော ပိုင်ဟောင်က ဝင်ပြောလိုက်သည်။
YOU ARE READING
Rebirth:တစ်ခြားကမ္ဘာမှအချစ်ခံအရုပ်ကောင်လေး(MM Translation)
Vampireကျန်းရှန်က အဆောက်အဉီးအမြင့်ကနေ ပြုတ်ကျသွားခဲ့တယ် သူ့ကိုယ်သူသေမယ်လို့ထင်နေပေမဲ့ တကယ်တမ်းသူ့ဂိဉာဉ်က တခြားကမ္ဘာတစ်ခုကို အချိန်ခရီးထွက်သွားတယ်။ ဒီထပ်ပိုပြီး အံ့သြစရာကောင်းတာက သူက ကလေးမွေးဖွားရမဲ့ လူတစ်ယောက်ရဲ့ကိုယ်ထဲ ရောက်သွားတာပဲ.... "သောက်ကျိုးနဲ.. င...
