Rebirth:တစ်ခြားကမ္ဘာမှအချစ်ခံအရုပ်ကောင်လေး(MM Translation)

Chapter-74(အကျင့်မကောင်းတဲ့ကောင်)

Unicode ❤️❤️

အကျင့်မကောင်းတဲ့ကောင်?

တစ်နာရီအကြာတွင် ဖေးစစ်ရန်ကားသည် B.O.M သို့ ရောက်ရိှခဲ့သည်။

မျက်နှာပေါ်တွင် မုတ်ဆိတ်မွှေးခပ်ရေးရေးတို့ရိှသည့် အဖြူရောင်ကုဒ်အင်္ကျီဝတ်ထားသော အသက်အလတ်ပိုင်းလူတစ်ယောကသည္ B.O.M ၏ အရှေ့ဂိတ်ပေါက်မှ ဖြတ်လာကာ သူတို့ရိှရာသို့တည်တည့်လာသည်။

ထိုလူက ဖေးစစ်ရန်ရဲ့ အင်္ကျီကော်လံစအား ဆွဲယူကာ
"ခွေးကောင်! ငါမင်းကို၁၀မိနစ်အတွင်းအရောက်လာဖို့ပြောထားတာကို မင်းက တစ်နာရီလောက်ကြာနေတယ်! မင်း ဘယ်နားသွားသေနေတာလဲ!"

ဖေးစစ်ရန်နဲ့ ဖုန်းပြောခဲ့သော 'တည်ထောင်သူ no.1 ' ဟူသောလူသော ထိုအသက်အလတ်ပိုင်းလူကြီးဖြစ်ပြီး ထိုသူ့နာမည်ကတော့ ဖေးဟောင်ပင်။

ကော်လံစအဆွဲခံထားရသော်လည်း ဖေးစစ်ရန်မျက်နှာပေါ်တွင် ခံစားမှုကင်းမဲ့နေသည်။ တည်ငြိမ်စွာဖြင့်သာ
"မြို့ပြင်ကို ရောက်နေလို့ ဒီအထိလာဖို့အတွက်က အချိန်ပေးရတယ်"

ဖေးဟောင် ဖေးစစ်ရန်အား အေးစက်သောမျက်လုံးများဖြင့်ကြည့်ပြီးနောက် လွှတ်ပေးလိုက္တော့သည်။

ဖေးစစ်ရန် သည်းခံနိုင်စိတ်ကုန်လွန်သွားသည့်အထိ သူ တွန်းအားပေးမိရင် သူကိုယ်တိုင် ပြဿနာတွင်းထဲ ရောက်တော့မည်ဆိုတာကို သိနေသည်။

ရုတ်တရက် ဖေးစစ်ရန်ဘေးနားက ကျန်းရှန်ဆီ အကြည့်ရောက်သွားသည်။ ကျန်းရှန်အား ခေါင်းစခြေဆုံးကြည့်ပြီးနောက် ကျန္းရှန်နားသို့ကပ်ကာ အနံ့နမ်းရှိုက်လိုက်သည်။

ကျန်းရှန် ကြောက်လန့်သွားတာကြောင့် ဖေးစစ်ရန်နောက်သို့ ချက်ချင်း ပုန်းကွယ်နေလိုက်သည်။

'ချီးပဲ! ဒီမကောင်းတဲ့လူက hentai လား? ဘာလို့ငါ့ကို လာအနံ့ခံနေတာတုံး!'

(Note- hentai က အကျင့်ပျက်တဲ့သူ၊ မကောင်းတဲ့လူလို့ပြောတာပါ )

ဖေးစစ်ရန်ကတော့ ချက်ချင်းပင်မျက်မှောင်ကြုတ်ကာ ဖေးဟောင်အား အေးစက်စက်မျက်လုံးများဖြင့် စိုက်ကြည့်နေသည်။