အင်ပါယာ ရဲ့ အရှင်သခင် (The Lord's Empire)
အပိုင်း ( ၄၀၀ ) ဘုရင့်ချပ်ဝတ်တန်ဆာ
Chapter 400
ဝမ်ရှောင်းရဲ့ တိုက်ခိုက်မှုနဲ့ရင်ဆိုင်ရတဲ့အခါမှာတော့ ..
ကျောက်ဖူ လက်ကို ဝှေ့ယမ်းလိုက်တဲ့အခါမှာတော့ သံချိန်းကြိုး သုံးချောင်းကို မြေပြင်ကနေ ထွက်ပေါ်လာခဲ့ပြီး၊ ဝမ်ရှောင်းဆီကို အရှိန်အဟုန်ပြင်းစွာနဲ့ ဝင်ရောက်သွားခဲ့သည်။ ဝမ်ရှောင်း သူ့ဓါးနဲ့ ခုတ်ပိုင်းလိုက်တဲ့အခါမှာတော့ ကြီးမားတဲ့ ဓါးအလင်းလှိုင်းကြီးထွက်ပေါ်လာခဲ့တာကြောင့် သံချိန်းကြိုး သုံးချောင်းဟာ လွင့်ထွက်သွားခဲ့သည်။
ကျောက်ဖူ သူ့လက်ကို ထပ်မံဝှေ့ယမ်းလိုက်တဲ့အခါမှာတော့ သံချိန်ကြိုး သုံးချောင်းက ဝမ်ရှောင်းရဲ့ နောက်ဖက်ကနေ ကြီးမားပြင်းထန်တဲ့ အင်အားနဲ့ ထိုးဖောက်ဖို့ ကြိုးစားခဲ့သည်။
ဒါပေမဲ့ ဝမ်ရှောင်း နောက်ပြန်ခုတ်ချလိုက်တဲ့အခါမှာတော့ နောက်ထပ် ဓါးအလင်းလှိုင်းတစ်ခု ထွက်ပေါ်လာခဲ့ပြီး၊ သံချိန်းကြိုး သုံးချောင်းကို ပေါက်ကွဲလွင့်စင်သွားစေခဲ့သည်။ ကြည့်ရတဲ့ပုံအရ သံချိန်းကြိုးတွေက သူ့ကို မထိနိုင်တဲ့ပုံပါ။
ဒီအချိန်မှာတော့ ဝမ်ရှောင်း ကျောက်ဖူနဲ့ ၁၀ မီတာလောက် အကွာအဝေးကို ရောက်နေခဲ့ပြီး၊ ကြည့်ရတဲ့ပုံအရ မဟာ ချင်ရဲ့ အမွေခံဟာ ထင်ထားသလောက် မစွမ်းဆောင်နိုင်ဘူးလို့ ခံစားမိသွားခဲ့သည်။ ဒါကြောင့် သူက ကျောက်ဖူကို တိုက်ခိုက်ဖို့ ပြင်ဆင်လိုက်စဉ်မှာပဲ ကျောက်ဖူ သူ့လက်နဲ့ လေထဲကို ဖမ်းဆုပ်လိုက်ခဲ့သည်။
ချွမ်
ကြီးမားတဲ့ မြည်သံကြီးတစ်ခု ထွက်ပေါ်လာခဲ့ပြီး၊ မရေတွက်နိုင်တဲ့ သံချိန်းကြိုးတွေဟာ ပြင်းထန်တဲ့ အင်အားနဲ့ အရပ်မျက်နှာ ပေါင်းစုံကနေ ဝမ်ရှောင်းဆီကို တိုးဝင်သွားခဲ့သည်။ ဝမ်ရှောင်း အတော်လေး ကြောက်လန့်သွားခဲ့ပြီး၊ ကြီးမားတဲ့ ဓါးအလင်းနဲ့ သူ့ရဲ့ အပြာရောင်အတားအဆီးကို ထုတ်ဖော်ခဲ့လိုက်သည်။
ခလွမ်
ဝမ်ရှောင်းရဲ့ ခန္ဓာကိုယ်ကို အရပ်မျက်နှာပေါင်းစုံကနေ ဝင်ရောက်လာတဲ့ သံချိန်းကြိုး တစ်ရာကျော်က ထိုးဖောက်သွားခဲ့တာကြောင့် ကမ္ဘာတစ်ခုလုံး တိတ်ဆိတ် ငြိမ်သက်သွားခဲ့ပါပြီ။ မြေပြင်ပေါ်ကို သံချိန်းကြိုးတွေတစ်လျှောက်ကနေ သွေးတွေ တစ်စက်စက် စီးကျနေခဲ့သည်။ ဝမ်ရှောင်းရဲ့မျက်နှာမှာ မယုံမကြည်နိုင်ဖြစ်နေတဲ့ အမူအရာတွေနဲ့ သေဆုံးသွားခဲ့ပါပြီ။
