အင်ပါယာ ရဲ့ အရှင်သခင် (The Lord's Empire)
အပိုင်း ( ၄၁၆ ) ဘေးဆိုးသတ္တဝါ
Chapter 416
အချိန်က မွန်းလွဲပိုင်းသာ ရှိနေသေးသည်။ ထို့ကြောင့် ပွဲတော်မစခင် ညသန်းခေါင်ယံအချိန်ထိ အချိန်အနည်းငယ်ကျန်ရှိတော့သည်။ ဒါကြောင့် ကျောက်ဖူ ဘေးဒုက္ခပွဲတော်အကြောင်း သတင်းအချက်အလက်အချို့ကို စုဆောင်းပြီး၊ ကျရောက်လာတဲ့အခါ သတိမပြုမိတာ မဖြစ်ရအောင် ပြင်ဆင်ဖို့ ဆုံးဖြတ်ခဲ့သည်။
အချိန်တွေက တဖြည်းဖြည်း ကုန်လွန်သွားခဲ့ပြီး၊ မကြာမီမှာပဲ ညသန်းခေါင်ယံအချိန်က ရောက်ရှိလို့လာခဲ့ပါပြီ။
ဘုန်းး
ပြင်းထန်တဲ့ ပေါက်ကွဲသံကြီးတစ်ခုက လေထဲမှာ ပျံ့လွင့်ထွက်ပေါ်လာခဲ့ပြီး၊ စွမ်းအင်လှိုင်းလုံးတွေဟာ လှုပ်ခတ်သွားခဲ့သည်။ အဲ့ဒီပေါက်ကွဲသံကြီးကို ကောင်းကင်ဘုံ နိုးထခြင်း ကမ္ဘာကြီးတစ်ဝှမ်းလုံးကနေ ကြားနိုင်ခဲ့ကြသည်။ အဲ့ဒီအသံကြီးက လူတွေအားလုံးရဲ့နားထဲကို ထိုးဖောက်ဝင်ရောက်သွားခဲ့တာကြောင့် နာကျင်မှုကို ခံစားလိုက်ကြရသည်။
ညရဲ့အလင်းရောင်က မှိန်ကျသွားခဲ့ပြီး၊ စိတ်ဖိစီးနိုင်တဲ့ အရှိန်အဝါတွေက ကောင်းကင်ကနေ အဆက်မပြတ်ဆင်းသက်လာခဲ့တာဟာ ကြောက်စရာကောင်းတဲ့ နတ်ဆိုးတစ်ကောင် ဆင်းသက်လာတာနဲ့တောင် ဆင်တူနေခဲ့သည်။
ကမ္ဘာကြီးတစ်ခုလုံး တိတ်ဆိတ်သွားခဲ့ပုံရပြီး၊ အတော်လေး မှောင်ကျသွားခဲ့ပါပြီး၊ ဘာကိုမှ မမြင်နိုင်အောင် ဖြစ်သွားခဲ့ပါပြီ။ သို့သော်လည်း အဲ့ဒီစိတ်ဖိစီးနိုင်တဲ့ အရှိန်အဝါက ပိုမိုအားကောင်းသထက် အားကောင်းလာခဲ့သည်။
ဝူးး
ကြီးမားပြင်းထန်တဲ့ လေပြင်းက စတင်တိုက်ခတ်လာခဲ့ပြီး၊ ပျက်စီးခြင်း အငွေ့အသက်ေတွကို ယူဆောင်လာခဲ့သည်။ ဒီကြောက်စရာကောင်းတဲ့အရှိန်အဝါတွေဟာ လူတွေအားလုံးရဲ့ ဆံပင်တွေကိုတောင် ထောင်ထသွားစေဖို့ လုံလောက်နေခဲ့သည်။
ဘန်းးး ...
အဲ့ဒီလေပြင်ရိုင်းက မည်သည့်အရာကိုမဆို တိုက်ခတ်သယ်ဆောင်သွားနိုင်ပုံ ရနေခဲ့ပြီး၊ ကြောက်စရာများသစ်တောဒေသတစ်ခုလုံးကို စတင်တိုက်ခိုက်လာခဲ့ပါပြီ။ အဲ့ဒီလေပြင်းရိုင်းက မရေမတွက်နိုင်အောင် များပြားလှတဲ့ သစ်ပင်တွေဟာ အမြစ်ကနေဆွဲနှုတ်ခံနေရသလို ယိမ်းခါစေခဲ့ပြီး၊ မရေမတွက်နိုင်တဲ့ ကျောက်တုံး၊ကျောက်ခဲတွေကို လေထဲသို့ အလွယ်တကူ သယ်ဆောင်လိုက်ခဲ့သည်။
