အင်ပါယာ ရဲ့ အရှင်သခင် (The Lord's Empire)
အပိုင်း ( ၄၅၁ ) မြို့တော်အရှင်သခင်လေးယောက်
Chapter 451
ကျောက်ဖူ သူတို့ရဲ့ အကြည့်တွေကို လျစ်လျူရှုလိုက်ပြီး၊ သူ ဆုပ်ထားတဲ့လက်သီးဆုပ်ကို ဖြည်းဖြည်းခြင်း ဖြန့်ခဲ့လိုက်သည်။ သံကြိုးတွေက မြို့တော်အရှင်သခင်ရဲ့ အလောင်းကနေ ပြန်ဆုတ်လာခဲ့ပြီး၊ အဖြူရောင်ကျောက်စိမ်းနဲ့တူတဲ့ စည်းတံဆိပ်တုံးတစ်ခုသည် မှိန်ဖျဖျအလင်းတစ်ခုနဲ့အတူ မြို့တော်အရှင်သခင်ရဲ့ အလောင်းမှ ပျံထွက်လာခဲ့သည်။
မြို့တော်အရှင်သခင်တစ်ယောက်ကို သတ်ဖြတ်တာက လွယ်ကူတာတော့ မဟုတ်ပါဘူး။ နောက်ဆုံးမှာတော့ သူရဲ့စွမ်းအားအများစုကို ကုန်ဆုံးစေခဲ့ပြီး၊ဒီသံကြိုးတွေမှာ နတ်ဘုရားချိပ်ပိတ်ခြင်းသားရဲရဲ့စွမ်းအားနဲ့ နဂါးချိပ်ပိတ်ရေတွင်းရဲ့သံကြိုးတွေ ပေါင်းစပ်ပါဝင်နေခဲ့သည်။ ဒီအခြေအနေကြောင့် သံကြိုးတွေက ပိုစွမ်းအားကြီးနေခဲ့သည်။
ထို့ကြောင့် သံကြိုးတွေက မြို့တော်အရှင်သခင်ရဲ့ ကိုယ့်ကိုကိုယ် ဖောက်ခွဲသတ်သေခြင်းက်ို ချိပ်ပိတ်နိုင်ခဲ့ပြီး၊ တစ်ချိန်တည်းမှာပဲ မြို့တော်အရှင်သခင်ကို သတ်ပစ်နိုင်ခဲ့သည်။
အခြားမြို့တော်အရှင်သခင်တွေက သူတို့တွေအနေနဲ့ အဲ့ဒီမြို့တော်အရှင်သခင်ကို မတားဆီးနိုင်ဘူးလို့ ထင်ခဲ့တာကြောင့် သူတို့က ထွက်ပြေးဖို့ ရွေးချယ်ခဲ့ကြတာပါ။ ဘယ်သူကမှ ကျောက်ဖူက အဲ့ဒီမြို့တော်အရှင်သခင်ကို တားဆီးနိုင်လိမ့်မယ်လို့ မမျှော်လင့်ထားခဲ့ပါဘူး။ မြို့တော်အရှင်သခင်တွေအနေနဲ့ ဒီသံကြိုးတွေက ထုတ်လွှတ်နေတဲ့ အရှိန်အဝါကို ကြည့်ပြီး၊ ဒီသံကြိုးတွေဟာ သာမာန်မဟုတ်ဘဲ အတော်လေး ထူးခြားတဲ့ အရာဆိုတာ ပြောနိုင်ခဲ့ကြသည်။
ကျောက်ဖူ လေထဲကို ဖမ်းဆုပ်လိုက်တဲ့အခါမှာတော့ မြို့တော်အရှင်သခင်ရဲ့ ရုပ်အလောင်းနှင့် ကျောက်စိမ်းစည်းတံဆိပ်တို့ဟာ ပျံသန်းလာခဲ့သည်။ ကျောက်ဖူ မြို့တော်အရှင်သခင်ရဲ့ ရုပ်အလောင်းကို ကြည့်လိုက်တဲ့အခါမှာတော့ အဲ့ဒီအလောင်းက SSS အဆင့်ဖြစ်ကြောင်း တွေ့ရှိခဲ့ပြီးနောက် သူ့ရဲ့ဘုရင့်လက်စွပ်ထဲကို ထည့်သိမ်းထားလိုက်သည်။
