အင်ပါယာ ရဲ့ အရှင်သခင် (The Lord's Empire)
အပိုင်း ( ၄၅၄ ) အသူရာပုံရိပ်
Chapter 454
ဘုန်းး
ကျောက်ဖူရဲ့လက်ဖဝါးက သွေးနီရောင်မှော်ဝင်္ပါကို ဖိချလိုက်တဲ့အခါမှာတော့ ကြီးမားတဲ့ ပေါက်ကွဲသံကြီးတစ်ခု ထွက်ပေါ်လာခဲ့ပြီး၊ ဝင်္ကပါဟာ ပြင်းထန်စွာ ပေါက်ကွဲသွားခဲ့ကာ သိပ်သည်းတဲ့ သွေးနီရောင်အလင်းတန်းတစ်ခုဟာ ကောင်းကင်ကို ထိုးတက်သွားခဲ့သည်။
ကောင်းကင်ဟာ အနီရောင်အဖြစ် ပြောင်းလဲသွားခဲ့ပြီး၊ အနီရောင်တွေဟာ ဖြည်းဖြည်းပြန့်နှံ့သွားခဲ့ပြီး၊ အေးစိမ့်တဲ့ မကောင်းဆိုးဝါးအရှိန် အဝါတစ်ခု ဖြစ်လာခဲ့သည်။
မြေပြင်မှာရှိနေတဲ့ သွေးနီရောင်မှော်ဝင်္ကပါဟာ စတင်လှည့်ပတ်လာခဲ့ပြီး၊ စွမ်းအားပြည့်ဝတဲ့ ပုံသဏ္ဍာန်မဲ့ အရှန်အဝါတွေ ပျံ့နှံ့လာခဲ့သည်။ အဲ့ဒီနောက်မှာတော့ ပတ်၀န်းကျင်မှာ ရှိနေတဲ့ လူသေအလောင်းတွေဟာ အရည်ပျော်သွားခဲ့ကြပြီး၊ သွေးအိုင်တွေ ဖြစ်လာခဲ့သည်။
ကစားသမား၁၅ သန်းရဲ့ အလောင်းတွေက အရည်ပျော်သွားတဲ့အခါမှာတော့ သွေးနီရောင်သမုဒ္ဒရာတစ်ခု စတင်ဖြစ်ပေါ်လာခဲ့သည်။ ဒီသွေးသမုဒ္ဒရာကြီးက ကီလိုမီတာ ၁၀၀၀ အတွင်းမှာ ရှိနေတဲ့ အရာအားလုံးကို ဖုံးလွှမ်းသွားပြီး၊ အဲ့ဒီသမုဒ္ဒရာကြီးမှ ထွက်ပေါ်လာတဲ့ အသံဟာ အလွန်အမင်းထိတ်လန့်စရာကောင်းနေခဲ့သည်။ အဲ့ဒီသမုဒ္ဒရာကနေ ထွက်ပေါ်နေတဲ့ သွေးညှီနံ့ကို အဝေးမှတောင် ရနိုင်သည်။
မှော်ဝင်္ကပါရဲ့အလယ်ဗဟိုမှာတော့ ကျောက်ဖူ သူ့လက်ကို ဆက်ဖိထားခဲ့သည်။ သူ့လက်ကနေ သွေးတွေ အဆက်မပြတ်စီးထွက်နေခဲ့ပြီး၊ အဲ့ဒီသွေးတွေက မှော်ဝင်္ကပါထဲကို စီးကျနေခဲ့သည်။ ရုတ်တရက်ဆိုသလို ကျောက်ဖူ သူ့စွမ်းအားတွေက်ု နောက်တစ်ကြိမ် ထပ်မံစုစည်းလိုက်ပြီး၊ ဝင်္ကပါထဲကို ပို့လွှတ်လိုက်သည်။
ခပ်အုပ်အုပ်ပေါက်ကွဲသံတွေ ထွက်ပေါ်လာပြီးနောက် ပုံသဏ္ဍန်မဲ့စွမ်းအင်လှိုင်းတွေ ဖြာထွက်လာခဲ့ပြီး၊ သွေးသမုဒ္ဒရာကြီးသည် စတင်ပြောင်းလဲလာခဲ့သည်။ သွေးရေတွေက စတင်ပြီး၊ ဝဲကတော့ပုံ လည်ပတ်လာခဲ့တာကြောင့် သွေးသမုဒ္ဒရာကြီးဟာ ကြီးမားတဲ့ ရေစီးကြောင်းအဖြစ်နဲ့ တဖြည်းဖြည်း မှော်ဝင်္ကပါရဲ့ အလယ်ဗဟိုကို စီးဝင်သွားခဲ့သည်။
