အင်ပါယာ ရဲ့ အရှင်သခင် (The Lord's Empire)
အပိုင်း ( ၄၈၀ ) ကောင်းကင်ဘုံကို နှစ်ခြမ်းခွဲခြင်း
Chapter 480
ဒီအချိန်မှာတော့ ကျောက်ဘီလူးဟာ ရှီဂျင်းရဲ့ ခေါင်းပေါ်မှာ ထွက်ပေါ်လာခဲ့ပါပြီ။ အဲ့ဒီနောက် သူရဲ့ ကြီးမားသောအင်အားတွေပါဝင်နေတဲ့လက်ဝါးနဲ့ ရိုက်ချလိုက်တဲ့အခါမှာတော့ ဆွဲငင်အားစက်ကွင်းတစ်ခု ဖြစ်ပေါ်လာခဲ့ပြီး၊ မီတာ ၁၀၀၀ အတွင်းမှာ ရှိနေတဲ့ အရာအားလုံးကို လွှမ်းခြုံသွားခဲ့သည်။
ရှီဂျင်း မရှောင်နိုင်ခဲ့တာကြောင့် သူ့ရဲ့ အသွားတစ်ဖက်ဓါးနဲ့ ထပ်မံပိတ်ဆို့လိုက်ရသည်။
ဘုန်းးးး
ကြီးမားတဲ့အင်အားက ရှီဂျင်းရဲ့ခန္ဓာကိုယ်ကို ရာဘာဘောလုံးတစ်လုံးလို မြေပြင်ကို ရိုက်ချသွားခဲ့သည်။ ရှီဂျင်းရဲ့ ခန္ဓာကိုယ်ကိုကထွက်ပေါ်နေတဲ့ မမြင်နိုင်တဲ့စွမ်းကြောင့် မြေပြင်ကို ပြုတ်ချသွားပြီးနောက် သူ့ဘေးပတ်လည် မီတာ ၁၀၀ အတွင်းမှာရှိနေတဲ့ မြေပြင်ဟာ ပြိုကျသွားခဲ့သည်။
သို့သော်လည်း ရှီဂျင်း ရှီဝမ်ကို အကာအကွယ်ပေးဖို့ သူ့ခန္ဓာကိုယ်ကို အသုံးပြုလိုက်ရသည်။ ပြင်းထန်တဲ့ လှုပ်ခတ်မှုလှိုင်းတွေကြောင့် ထိခိုက်ဒဏ်ရာအချို့ကို ခံစားလိုက်ရပြီးနောက် ရှီဝမ် အိမ်မက်အမွှေးတိုင်ရနံ့မှ လွတ်မြောက်ပြီး၊ တဖြည်းဖြည်း နိုးထလာခဲ့သည်။
ရှီဝမ် မျက်လုံးတွေပွင့်လာတဲ့အခါမှာတော့ သွေးတွေနဲ့ ဖုံးလွှမ်းနေတဲ့ သူ့အဖေကို အံ့အားသင့်စွာနဲ့ ငေးစိုက်ကြည့်နေရင်း မြန်မြန်ဆန်ဆန်ပဲ မေးမြန်းခဲ့သည်။
"အဖေ ဘာဖြစ်နေတာလဲ"
ရှီဂျင်းရဲ့မျက်နှာမှာ သွေးတွေ ဖုံးလွှမ်းနေခဲ့ပြီး၊ သူက တစ်စုံတစ်ရာကို ပြောပြချင်နေခဲ့ပေမယ့် ပြုံးသာပြလိုက်သည်။
ဘုန်း
ကြီးမားတဲ့ ပုံရိပ်ကြီးတစ်ခုက သူတို့ဘေးနားမှာ ဆင်းသက်လာခဲ့တာကြောင့် မြေပြင်ဟာ တုန်ခါသွားခဲ့သည်။ ရှီဝမ် အဲ့ဒီအရာကို မော့ကြည့်လိုက်တဲ့အခါမှာတော့ ကျောက်ဘီလူးက သူတို့တွေကို ရက်စက်ကြမ်းကြုပ်စွာ စိုက်ကြည့်နေတာကို တွေ့လိုက်ရသည်။ အဲ့ဒီနောက် ရှီဝမ်ရဲ့မျက်နှာပေါ်မှာ ကြောက်ရွံ့တဲ့ အမူအရာတစ်ခု ထွက်ပေါ်လာခဲ့သည်။
