အင်ပါယာ ရဲ့ အရှင်သခင် (The Lord's Empire)
အပိုင်း ( ၄၅၃ ) အသူရာနတ်ဆိုးပုံရိပ်
Chapter 453
ကျောက်ဖူ မရေမတွက်နိုင်တဲ့ ကစားသမားတွေရဲ့ အလောင်းတွေပေါ်မှာ ရပ်နေခဲ့သည်။ ကစားသမားတွေရဲ့အလောင်းတွေကို အရိုးစုတွေအဖြစ် မပြောင်းလဲနိုင်ပါဘူး။ ဒါပေမယ့် သူတို့တွေက ဘာတန်ဖိုးမှမရှိဘူးလို့တော့ မဆိုလိုပါဘူး။
ဒီအလောင်းတွေက ကောင်းကင်ဘုံနိုးထခြင်းကမ္ဘာကြီးအတွင်းမှာ ခန္ဓာကိုယ်သက်သက်သာ ဖြစ်နေခဲ့ပေမယ့် သူတို့တွေရဲ့ ကျင့်ကြံမှုနှင့် ရှင်သန်မှု အရှိန်အဝါတွေတော့ ရှိနေဆဲပါ။ ကစားသမား ၁၅ သန်းမှထွက်ပေါ်လာတဲ့ ရှင်သန်ခြင်း အရှိန်အဝါတွေကို မရေမတွက်နိုင်တဲ့ အရိုးစုတွေက သူတို့ဆင့်ကဲဖြစ်စဉ်အတွက် လောင်စာအဖြစ် အသုံးပြုနိုင်ပြီး၊ ၎င်းတို့ကို ပိုမိုအားကောင်းလာစေနိုင်သည်။
ဒီကစားသမားတွေရဲ့ ရှင်သန်ခြင်း အရှိန်အဝါတွေကြောင့် မသေမျိုးတပ်ဖွဲ့ကြီးဟာ အလုပ်အကိုင်အမျိုးအစားအသစ်တစ်ခုကို ထုတ်လုပ်နိုင်ခဲ့သည်။ အဲ့ဒီအလုပ်အကိုင်အမျိုးအစားသစ်က ဒေါသပေါက်ကွဲအရိုးစု ဆိုတာပါ။
ဒေါသပေါက်ကွဲအရိုးစုတွေရဲ့ အရပ်ဟာ လေးမီတာမြင့်ပြီး၊ မယုံနိုင်လောက်အောင်ကြီးမားကကြာ မီးခိုးရောင်ဖျော့ဖျော့လင်းလက်နေတဲ့ မာကျောတဲ့ အရိုးတွေရှိကြသည်။ သူတို့တွေက ကြီးမားတဲ့ လက်နက်ကြီးနှစ်ခုကို ကိုင်ဆောင်ထားကြသည်။ အဲ့ဒီလက်နက်တွေက များသောအားဖြင့် ဓါးကြီးတွေ၊ ရဲတင်းကြီးတွေ ဒါမှမဟုတ် သံတူကြီးတွေဖြစ်ကြပြီး၊ အဲ့ဒီဒေါသပေါက်ကွဲအရိုးစုတွေက အလွန်စွမ်းအားကြီးတဲ့ အရှိန်အဝါတွေ ထွက်ပေါ်နေခဲ့ကာ ကျင့်ကြံမှု အဆင့် ၃ မှာရောက်နေတဲ့လူနဲ့တောင် ယှဉ်ပြိုင် တိုက်ခိုက်နိုင်ကြသည်။
သူတို့တွေ တိုက်ခိုက်ကြတဲ့အခါ မယုံကြည်နိုင်လောက်အောင် ရိုင်းဆိုင်းသွေးဆာတတ်ကြသည်။ သူတို့တွေမှာ ကြီးမားတဲ့ အဖျက်စွမ်းအားတွေလည်း ရှိကြသေးသည်။ သူတို့ရဲ့ လမ်းကြောင်းပေါ်မှာရှိနေတဲ့ အရာအားလုံးကို ဖျက်စီးပစ်ခဲ့ကြပြီး၊ အတော်လေး ကြောက်စရာကောင်းကြသည်။
