အင်ပါယာ ရဲ့ အရှင်သခင် (The Lord's Empire)
အပိုင်း ( ၃၉၂ ) လျို့ဝှက်ဆန်းကြယ်တဲ့ အင်ပါယာ
Chapter 392
[ကောင်းကင်မဏ္ဍိုင် လှံ] အဆင့် - မော်ကွန်းဝင်၊ အချက်အလက္များ: သန်မာမှု (ခွန်အား) +၂၀၊ ညာဏ်ရည် +၂၀၊ ကြံ့ခိုင်မှု +၂၀၊ ဖြတ်လတ်မှု +၂၀
ဖော်ပြချက်: မူလက ဒဏ္ဍာရီအဆင့် ထိုးဖောက်ခြင်းမြွေလှံဖြစ်သည်။ ၎င်းသည် ကောင်းကင်မဏ္ဍိုင်စစ်သူကြီးကြယ်နှင့်ပေါင်းစပ်သွားခဲ့ပြီးနောက် စစ်သူကြီးအဆင်တန်ဆာတစ်ခု (ကောင်းကင်မဏ္ဍိုင်) ဖြစ်လာခဲ့သည်။
ကောင်းကင်မဏ္ဍိုင် လှံမှာ အတော်လေး ကောင်းမွန်တဲ့ အချက်အလက်တွေ ရှိနေခဲ့သည်။ ဖြစ်နိုင်ခြေကတော့ ကောင်းကင်မဏ္ဍိုင် စစ်သူကြီးကြယ်ရဲ့ ပင်ကိုယ်သဘာဝကြောင့်ဖြစ်နိုင်သည်။ တစ်ဆက်တည်းမှာပဲ ကောင်းကင်မဏ္ဍိုင် လှံ ရဲ့ အထူးသက်ရောက်မှု (၆) ခုရှိနေပြီး၊ ပထမငါးခုကတော့ အခြား စစ်သူကြီး အဆင်တန်ဆာတွေနဲ့ အတူတူပါပဲ။
ကျောက်ဖူ အဲ့ဒီစစ်သူကြီး အဆင်တန်ဆာရဲ့ 'စစ်သည်တော် အရှိန်အဝါ ဖွဲ့စည်းပုံ' အကြောင်းကို အတော်လေး သိချင်နေခဲ့သည်။ ဘိုင်ချီက လင်းယုန်ပါ။ ဝမ်ဂျင်းကတော့ ကျားဖြစ်ပြီး၊ ဝေလျောင်က ဝံပုလွေဖြစ်သည်။ ဒါကြောင့် မန်ရှန်က မည်သည့်အရာ ဖြစ်မယ်ဆိုတာကို သူ အတော်လေး သိချင်နေခဲ့တာပါ။
အဲ့ဒီနောက် ကျောက်ဖူ ကောင်းကင်မဏ္ဍိုင် လှံရဲ့ ဆဌမအကျိုးသက်ရောက်မှုကို ကြည့်ခဲ့လိုက်သည်။
[ဟန်ချက်ညီ စစ်သည်] - စစ်သည်များသည်တိုက်ခိုက်ခြင်း၊ ခုခံကာကွယ်ခြင်း၊ လျင်မြန်ခြင်း၊ ဒဏ်ရာပြန်လည်သက်သာခြင်းနှင့်ကြံ့ခိုင်မှုစွမ်းရည်မျာကို အကြီးအကျယ် တိုးမြှင့်ပေးနိုင်သည်။
ကောင်းကင်မဏ္ဍိုင် လှံရဲ့ ဆဌမအကျိုးသက်ရောက်မှုက စစ်သည်တွေရဲ့ အခြေအနေကို ဘက်ပေါင်းစုံ တိုးမြှင့်ပေးနိုင်ပြီး၊ ဒီအကျိုးသက်ရောက်မှုက တိုက်ပွဲအမျိုးမျိုးဆင်နွှဲတဲ့နေရာမှာ စစ်သူတွေကို မျှမျှတတ ဟန်ချက်ညီတိုးတက်စေတာကြောင့် အတော်လေး ကောင်းမွန်နေခဲ့သည်။ မည်သည့်စစ်ရေးအလုပ်အကိုင်မဆို အဲ့ဒီကိစ္စကို ဆန့်ကျင်လို့မရနိုင်ပါဘူး။ အဲ့ဒါကတော့ မည်သည့်စစ်တပ်မဆို ကြီးမားတဲ့ ကြံ့ခိုင်မှု ရှိဖို့လိုအပ်တာပါ။
