အင်ပါယာ ရဲ့ အရှင်သခင် (The Lord's Empire)
အပိုင်း ( ၄၉၄ ) အဖြူရောင်သစ်ရွက်မြို့တော်
Chapter 494
ကျောက်ဖူ အရောင်နှစ်မျိုးရှိတဲ့ ကြယ်ကို ဖြည်းဖြည်းချင်း ပျောက်ကွယ်သွားသည်အထိ ငေးကြည့်နေခဲ့ရင်း ခဏတာလောက် တိတ်ဆိတ်သွားခဲ့သည်။ အဲ့ဒီလူအနေနဲ့ သူ့ရဲ့ကံကြမ္မာချိပ်ပိတ်ခံထားရတာကို ဘယ်လိုဖျက်ဆီးလိုက်တယ်ဆိုတာ သူ မသိခဲ့ပါဘူး။ ဒါပေမယ့် စစ်သူကြီး အဆင်တန်ဆာကနေတဆင့် ဖျက်ဆီးလိုက်တာမျိုးမဟုတ်ဘူးဆိုတာတော့ သူ ခံစားလိုက်မိသည်။
အခြားသူတွေမှာလည်း အခွင့်အလမ်းတွေရှိနေမှသာ သဘာဝကျမှာပါ။ သို့သော် အဲ့ဒီသူက အရောင်းနှစ်မျိုး ရှိတဲ့ကြယ်ကို ပိုင်ဆိုင်ထားတာကြောင့် အနာဂတ်မှာ မဟာ ချင် အတွက်ကြီးမားတဲ့ အတားအဆီးကြီးတစ်ခု ဖြစ်လာနိုင်တာကြောင့် အဲ့ဒီပုဂ္ဂိုလ်ဟာ ဘယ်သူလဲဆိုတာကို စုံစမ်းစစ်ဆေးဖို့တော့ လိုအပ်နေသည်။
ဒီပုဂ္ဂိုလ်ဟာ ကြီးမားတဲ့အတားအဆီးကြီးတစ်ခု ဖြစ်လာနိုင်တာကြောင့် သူတို့တွေအနေနဲ့ ကြိုတင်စုံစမ်းထားနိုင်မှသာ ကောင်းမွန်တဲ့ ပြင်ဆင်မှုတွေ ပြုလုပ်နိုင်မှာပါ။
"အိုက်!"
ဒီအကြောင်းကိုစဉ်းစားလိုက်ပြီးနောက် ကျောက်ဖူသက်ပြင်းချခဲ့လိုက်သည်။ အနာဂတ်တွင် မဟယ ချင်ရဲ့လမ်းကြောင်းဟာ ပို၍ ပို၍ ခက်ခဲလာတော့မှာပါ။ ထို့ပြင် ဒီလောက် အချိန်တွေကြာမြင့်လာခဲ့ပြီးနောက်မှာတောင် စစ်သည်တွေအားလုံနီးပါးဟာ ကျင့်ကြံမှု အဆင့် ၁ ကို မ ရောက်နိုင်သေးပါဘူး။ ထို့ကြောင့် သူတို့အနေနဲ့ ဘယ်အချိန်ကျမှ အဆင့် ၉ စစ်သည်တွေကို ရနိုင်လာမှာလဲ။ ဒီလမ်းကြောင်းက မယုံနိုင်လောက်အောင် ရှည်လျားနေခဲ့ပေမယ့် မဟာ ချင်ရဲ့ တိုးတက်မှု အရှိန်အဟုန်ကတော့ နှေးကွေးလွန်းနေခဲ့သည်။
အဲ့ဒီနောက်မှာတော့ ကျောက်ဖူက ဂူဘိုင်လင်းကိုခေါ်ပြီး၊ သူတို့ရဲ့ ဒုတိယ ဦးတည်ချက်ဖြစ်တဲ့ ဗီယက်နမ်ဘက်မှ စီးဆင်းနေသောရေမြို့တော် အကြောင်း ထောက်လှမ်းရေး သတင်းအချက်အလက်တွေကို ယူဆောင်လာဖို့ အမိန့်ပေးခဲ့လိုက်သည်။
