အင်ပါယာ ရဲ့ အရှင်သခင် (The Lord's Empire)
အပိုင်း ( ၄၄၃ ) အရိုးစုမြင်းစီးသူရဲ
Chapter 443
ဝုန်းးးး ...
အကန့်အသတ်မရှိတဲ့ အရိုးစုပင်လယ်ကြီးက စတုတ္ထမြောက်ဒေသကို ဝင်ရောက်သွားတဲ့အခါမှာတော့ အသံကျယ်ကြီးတွေ ထွက်ပေါ်လာခဲ့သည်။ သူ့ရဲ့ လမ်းကြောင်းမှာရှိနေတဲ့ သစ်ပင်တွေဟာ ပြိုလဲသွားခဲ့ပြီး၊ ကျောက်တုံး၊ကျောက်ဆောင်တွေဟာ အက်ကွဲသွားခဲ့ကာ မြေပြင်ကိုအဆက်မပြတ် တုန်ခါနေစေခဲ့သည်။
အရိုးစုသမုဒ္ဒရာကြီးက ၎င်း၏လမ်းကြောင်းပေါ်မှာရှိနေတဲ့ အရာအားလုံးကို ဝါးမျိုသွားခဲ့ပါပြီ။ ဒီကပ်ဘေးက ယခင်ကထက် ပိုကြောက်စရာကောင်းလာခဲ့ပါပြီ။ တစ်စုံတစ်ခု ဖြစ်လာနေတာကို သတိထားမိတာနဲ့ တပြိုင်နက် မရေမတွက်နိုင်တဲ့ သက်ရှိသတ္တဝါတွေဟာ သူတို့ရဲ့ အသက်ရှင်သန်မှုအတွက် စတင်ပြေးလွှားခဲ့ကြပါပြီ။
ကြီးမားတဲ့ အသံကျယ်ကြီးတွေကို မြို့တော်သခင်သခင်လေးယောက်မှ ချက်ချင်းဆိုသလို သတိထားမိသွားခဲ့ကြပြီး၊ အလင်းတန်းလေးခုအဖြစ် ပျံသန်းထွက်ခွာသွားခဲ့ကြသည်။ အဆုံးမရှိတဲ့ အရိုးစုသမုဒ္ဒရာကြီးကို မြင်တဲ့အခါမှာတော့ သူတို့တွေဟာ မယုံနိုင်လောက်အောင် အံ့သြတုန်လှုပ်သွားခဲ့ကြသည်။
အဲ့ဒီနောက်မှာတော့ သူတို့တွေဟာ အရိုးစုသမုဒ္ဒရာအလယ်မှာရှိနေတဲ့ ကျောက်ဖူကို အာရုံခံမိသွားခဲ့ကြပြီး၊ သူ့ဆီကို ပျံသန်းသွားခဲ့ကြသည်။ စကားအနည်းငယ်ပြောပြီးနောက် အခြားမြို့တော်ကြီးတွေမှ မြို့တော်အရှင်သခင်တွေလို အဆင့်မြင့်စာချုပ်တစ်ခု ချုပ်ဆိုလိုက်ကြကာ သူတို့ရဲ့အဓိကမြို့တော်ကြီးတွေဆီ ပြန်သွားခဲ့ကြပြီး၊ စာရင်းမှာပါရှိတဲ့ လူတွေကို မြို့ပြင်နှင်ထုတ်ခဲ့ကြကာ ရာဇဝတ်သားအဖြစ်စာရင်းသွင်းခဲ့ကြသည်။ သူတို့တွေအနေနဲ့ ကျောက်ဖူရဲ့ တောင်းဆိုချက်တွေကို ငြင်းဆန်နိုင်တဲ့ အင်အားမရှိခဲ့ပါဘူး။
မသေမျိုးဘေားအန္တရာယ်ကပ်ဘေးက သူတို့ရဲ့ဒေသကို တိုက်ခိုက်လာနေပြီဆိုတာကို ဒေသတွင်းမှာ နေထိုင်ကြတဲ့ လူတွေအားလုံး သိရှိသွားခဲ့ကြပြီး၊ အားလုံးက စိုးရိမ်ထိတ်လန့်သွားခဲ့ကြသည်။ ချင် ဆန့်ကျင်နေမဟာမိတ်အဖွဲ့ ပါဝင်တဲ့ အဖွဲ့အစည်းတွေမှ လူတွေကတော့ ဒီအဖြစ်အပျက်က အတော်လေး ခါးသီးနေခဲ့သည်။ တကယ်လို့ ဒီလိုတွေဖြစ်လာမယ်မှန်းသာ သူတို့သိခဲ့ရင် အဲ့ဒီအဖွဲ့ထဲဝင်မိမှာ မဟုတ်ပါဘူး။ အခုအချိန်မှာဝော့ လူတိုင်းလိုလို ထိတ်လန့်လာခဲ့ကြပါပြီ။
