အင်ပါယာ ရဲ့ အရှင်သခင် (The Lord's Empire)
အပိုင်း ( ၄၃၉ ) ဘေးအန္တရာယ်ကပ်ဆိုးကြယ်
Chapter 439
အဖြူရောင်ဝတ်စုံနဲ့ အမျိုးသမီးက မြို့ရိုးပေါ်မှာ ရပ်နေခဲ့ပြီး၊ မသေမျိုးဘေးအန္တရာယ်ကပ်ဘေးရဲ့ နောက်ဆက်တွဲအခြေအနေတွေကို စောင့်ကြည့်နေခဲ့သည်။ အဲ့ဒီနောက် သူမဟာ အတော်လေး စက်ဆုပ်ရွံ့ရှာမုန်းတီးနေခဲ့ပုံရကာ လက်သီးကို ကျစ်ကျစ်ပါအောင်ဆုပ်ထားခဲ့သည်။ အနာဂတ်မှာတော့ သူမအနေနဲ့ ဒီမရေမတွက်နိုင်အောင် သေဆုံးသွားကြသူတွေအတွက် တရားမျှတမှုကို ရှာဖွေတဲ့အနေနဲ့ အဲ့ဒီနတ်ဆိုးကို ပေးဆပ်ခိုင်းဖို့ စိတ်ပိုင်းဖြတ်ထားခဲ့သည်။
ဒီဒေသမှာ ဖြစ်ပျက်သွားခဲ့တဲ့အရာတွေဟာ အစစ်အမှန်ကမ္ဘာမှာ လျင်လျင်မြန်မြန်နဲ့ ပြန့်နှံ့သွားခဲ့ပြီး၊ ဒီမသေမျိုးဘေးအန္တရာယ်/ကပ်ဘေးရဲ့ ဆိုးကျိုးရလဒ်တွေက မရေမတွက်နိုင်တဲ့ လူတွေကို သေလောက်တဲ့အထိ ကြောက်ရွံ့ထိတ်လန့်သွားစေခဲ့သည်။
ဒီမသေမျိုးဘေးအန္တရာယ်သည် ဒေသတစ်ခုလုံးကို ဖျက်ဆီးနိုင်သော ကပ်ဆိုးတစ်ခု ဖြစ်နေခဲ့သည်။ ဒီကပ်ဆိုးက ကစားသမားအဖွဲ့အစည်းပဲဖြစ်ဖြစ်၊ တောထဲမှာနေထိုင်ကြတဲ့ ဌာနေဒေသခံတွေပဲဖြစ်ဖြစ်၊ သားရဲတွေပဲဖြစ်ဖြစ် အရိုးစုသမုဒ္ဒရာရဲ့ အာရုံကို ဖမ်းစားနိုင်တဲ့အရာအားလုံးကို ပျက်စီးဆုံးရှုံးစေခဲ့သည်။
ထို့ပြင် ချင် ဆန့်ကျင်ရေးမဟာမိတ်အဖွဲ့၏ အဖွဲ့ဝင်တွေဖြစ်ကြတဲ့ အဖွဲ့အစည်းတွေကို နောက်တစ်ကြိမ် နှင်ထုတ်လိုက်ခဲ့ပြန်သည်။ ဒီအချိန်မှာတော့ ဒီအဖြစ်အပျက်ဟာ မဟာ ချင်နဲ့ ပက်သက်ဆက်စပ်နေတယ်ဆိုတာကို အရူးတွေတောင် နားလည်နိုင်နေပါပြီ။ ပထမအကြိမ်သည်တိုက်ဆိုင်မှုဖြစ်နိုင်သည်။ သို့သော် ယခုက ဒုတိယအကြိမ် ဖြစ်နေခဲ့ပါပြီ။ ဒီကိစ္စက တိုက်ဆိုင်မှုတစ်ခုလို့ဆိုရင်တော့ ဘယ်သူမှယုံကြမှာ မဟုတ်ပါဘူး။
ဒီအချိန်မှာတော့ မသေမျိုးကပ်ဘေးသည် ဒေသနှစ်ခုကို ကျောက်ဖြတ်သွားခဲ့ပြီးဖြစ်ပေမယ့် ၎င်းက အားနည်းလာတဲ့ လက္ခဏာတွေ မပြခဲ့ပါဘူး။ အမှန်တကယ်မှာတော့ ဒီအရာက ပိုပိုပြီးတောင်ကြီးထွားလာနေခဲ့ပါသေးသည်။ ဒီကပ်ဘေးရဲ့ ကြောက်လန့်စရာ နောက်ဆက်တွဲအဖြစ်အပျက်တွေကို တွေးမိလိုက်တဲ့အခါ လူတိုင်းက ကြောက်လန့်စရာကောင်းတဲ့ မုန်တိုင်းတစ်ခု ၀င်ရောက်လာတော့မယ်ဆိုတာကို ခန့်မှန်းနိုင်ခဲ့ကြသည်။
