قدر مراهقة

الجزء 02

#قدر_مراهقة
#بقلم_فريال
الجزء 2
بلا مايقولي كلمة نضت مشيت لدار علبالي لوكان نبقى واقفة قدامو يسبني وانا منقدرش نشد فمي وراح تكبر لحكاية ويتلمو الناس وهو وجهو صحيح مقزدر ميحيرش فيهم كعاد ميسكنش هنا يجي زيارة فرات. هبطت راسي ورحت نزرب لدار وصلت فتحت الباب بالمفتاح علبالي مش راح نلقى حتى واحد ماما خدامة وبابا ثاني خاوتي كل واحد وين راح(حنا نتلمو غير على طابلة لعشا من بعد كل واحد وين يروح نبانو غرباء على بعضانا). دخلت بدلت قشي صليت ورقدت كعاد فليل نبات كي لخفاش ندور فديار.
فقت على صوت عياط كي العادة ماما تعاير فينا ياعرات لبنات نتاجاتكم بولادهم وانتوما راقدين، مخلات ماقالت تعاير فيا انا وختي بصح لاحياة لمن تنادي رديت على راسي لغطا ورجعت رقدت علبالي لوكان نوض اليوم راح نتقابض انا وياها ومنيش ناقصة مشاكل انا.
فقت على 1تاع ليل كيما موالفة لقيت ختي تحكي مع بوركايب تاعها قصدي خطيبها  نضت غسلت وفت للكوزينة نشوف كشما حاجة ناكلها ومن بعد رجعت لبلاصتي هزيت تليفوني مع نفتحو لقيت بزاف ميساجات والاكثرية من رنيم صاحبتي. لقيتها باعثة بزاف وينك اسمعي نحتاجك ياااوووو ازربي ااافففففف اطفلة وينك بعثت بزاف والتطياح داير حالة انا وياها لقدر مكانش بيناتنا طيحناه. بعثتلها وش تحتاج_ولد عمي _افففف ثاني الكلب هذاك وش خصو _بغاك انت_وعلاه يشوف فيا سلعة حتى يبغي يديني_يابغلة راهو يحبك ناويك حلالو بغا يجي يخطبك ويتزوجك_يخبطوه الجنون ان شاء الله قوليلو مبغاتش روح تلعب بعيد ادي وحدة ڨدك يالشارف الهارف المدود _ايا كثرتي فيها تعرفيني نحبك ونعزك بصح توصلي ولد عمي منتفاهمش معاك_وش ولا ولد عمك الكلب هذا _متغلطيش راهو خويا لكبير وتعرفيني نحبو ونعزو بزاف _راكي قولتيها تحبيه انت ماشي انا بالنسبة ليا هذاك عدوي اللدود منحملوش ملي نلقاه يبدا يعيط ويندب على راسي _وعلاه هو يقعد وحدو ويجي يتبلاك ماشي انت توصلي روحك الراجل طول عمرو الناس تحتارمو وخاوتو لكبار ميردولوش الهدرة جيتي انت بنت البارح واقفة معاه طول بطول وتعيطي في وجهو وتزيدي تسبيه كي مضربكش راكي مليحة منعرف كيفاش ضبط اعصابو ومبردكش بطريحة _يروح يرنك الرخيس منخافو ماوالو خاوتي كبار ومنخافهمش نخاف واحد كيفو نسونجي ولد القاف_اااخلاص كثرتي على ماوصاوك وش داك ليماه ياخي مدارتلك والو_صح هي عاقلة ونحبها بصك ولدها حلوف كبير لوكان نقدر نجيفو _ايه صح انت تجيفيه عليها اليوم كي شفتيه هربتي _ماشي هربت كعاد خفتو كرهت من المشاكل وتعرفي الناس تحب توصل الهدرة فرات _المهم قوليلي جوابك باش نردلو بالخبر راهو يستنى _باينة منيش قابلة تعرفيني منخممش نرتابط حاليا مزالني صغيرة _زيدي خممي مليح وغدوا قوليلي جوابك_مكلاه نزيد نخمم رأي مش راح نبدلو نهائيا _اوك راح نقولو ونتمنى متندميش على كلامك _وعلاه نندم على واحد كيفو_ولد عمي ونعرفو مليح كي يحط حاجة في راسو يديها بالسيف _كي شغل خفتو يروح يلعب بعيد_ايا نخليك نعست ليلة تعيسة _وليلتك اتعس من التعاسة. هي رقدت وانا قعدت طالعة هابطة فالفيس الفيد قاتلني.
#فريال