قدر مراهقة

الجزء 08

#قدر_مراهقة
الجزء 8
فاتو ليام عادي مع الاختبارات وصل نهار الخميس انا فرحانة بزاف كعاد راح نخلصو ونديو العطلة ومكنتش عارفة بلي النهار هذا راح يفوت كحل عليا وراح يتبدل كلش فيه ويضيع، نهار هذا بدلني 180درجة ميرال الي تضحك وتتمسخر وتلعب وتفرح غيرها راحت وجات في بلاصتها وحدة اخرى ميتة ماتضحك ماتقصر مادير والو. نضت الصباح لبست قشي وخرجت فت على رنيم لقيتها مقلقة شوي وتخمم روحنا لليسي فوتنا مادة وخرجنا قعدنا نقصرو او بالاحرى انا نحكي وهي ساكتة عيت فيها شبيك وش صرالك والو محبتش تحكي قاعدة تخمم، راكي تخممي في فارس الاحلام تاعك_لا والله والو_اهاه في واش راكي تخممي_اليوم لخر وراح نتوحشك بزاف وجات حضنتني _اخلايا عليك وش تتوحشي فيا وحنا صيف كامل مع بعض يوم عندك ويوم عندي ههههه مكرهتيش مني_جامي نكره منك انت ختي الي مجابتهاش ماما _ياعمري حشمتيني بزاف ذوك نذوب مع سخانة هذي ميلقاونيش، ضربتني على يدي ديما انت هكا مخربة اللحظات منعرف وكتاه تبدلي طبايعك _مستحيل نبدلهم راح نبقى هكا حتى نموت_ايه فاقو نهار تتزوجي تتبدلي بالسيف عليك_راح نبقى كيما راني حتى ونتزوج(ومكانش علبالي بلي اخر يوم لضحكتي وتمسخيري ومن غدوا راح نتبدل والضحكة نشتاقها وغير لعذاب والالم الي راح يرافقوني). ميرال_وش _وعلاه رفضتي مجد_يااا ربي يعيشك متجبديليش سيرتو نسمع اسمو نتقلق_وعلاه وش دارلك كشما غلط معاك_لا جامي _وعلاه تكرهيه_هكا من عند ربي منحملوش هو ثاني ميحملنيش وين يلقاني يبدا يعيط عليا_ايه من غيرتو عليك _وش من غيرة ربي يهديك وش بيني وبينو حتى يغير عليا_الي يحب يغير _ايه كيما وائل ههههه_اسكتي متجبديش سيرتو الكلب _احم احم راني هنا متنسايش بلي هذاك خويا _شوفي تعرفيني كي نقلق نولي نخلط برك اسمحيلي_لا عادي والله احكي كيما تحبي فرغي قلبك_خلينا منو هيا ندخلو هذاك هو نزيد نفوتو المادة هذي وصاي نتهناو _ايه هيا. خلصنا اففففف هم ونزاح على قلبي جبنا جينا مروحين كيما موالفين رنيم نحسها متوترة تجي تقولي حاجة من بعد تتراجع_احكي برك متحشميش اصلا مبيناتش الحشمة_هيا تفوتي عندي والله واحد ماكان في دار راحو وخلاوني وحدي تعرفيني نخاف_هههههه هذا وين فهمت من الصباح وانت تخممي شكون يقعد معاك وعيت تقوليلي _ايه والله حشمت منك_وعلاه تحشمي متخافيش منقول لحتى واحد بلي تخافي_يا خلاص روحي تروحي _لا نجي معاك اصبري نعيطو لسلمى برك لا ديرلنا محاضرة لعشية وعلاه مقولتيليش وديري رايك ووو ياخي تعرفيها_ايه عيطيلها خير، عيطت لماما وطبعا خلاتني ،هي وام رنيم صحبة قديمة وتحبها بزاف. روحنا لدار كي قريب نوصلو عطاتلي رنيم المفتاح وقالتلي فوتي انت لولى انا نفوت على خالتي دقيقة نجيب واحد الحاجة تاع ماما وصاتني عليها ونلحڨك_هيا نروحو مع بعض _لالا فوتي برك متعبيش روحك نرو انا جيرة ونجي _اوكي روحي، حضنتيني وراحت تجري حسيت تصرفاتها غريبة بزاف اليوم ولا صرات معاها حاجة. فتحت الباب ودخلت قلبي تزير خاسة حاجة راح تصرا وانا احساسي جامي يخيب.طلعت ديراكت لفوق لشمبرتها موالفة نجي عندهم ونبات، مع نفتحها بعد وانا نحس واحد ورايا دورت تخلعت ..
#فريال