قدر مراهقة

الجزء 82

#قدر_مراهقة
الجزء 82
حنا هكاك نحكيو ويجي وائل خويا سلم عليا ويحضن عندي تقريبا شهر مشفتوش علاقتي انا وياه قوية بزاف على عكس خليل ميقعدش معانا اغلب وقتو راح مع لقراية. رنيم كي شافاتو تقول شافت ملك الموت ولات ترجف وحدها، مع يشوف فيها وفي وش لبست تبدل وجهو وعيط عليها فرد عيطة خلاتها توقف وتجي تتخبى ورايا _ منكثرش الهدرة بزاف هيا قدامي وحسابك من بعد _ وين راح تديها وش دارتلك علاه راك تعيط عليها _ لمو حوايجكم وهيا قدامي _ مزال منروحوش نستناو مجد يجي يدينا _ ميرااال قولت كلمة متتعاودش قدااامي هيااا. كي شفت الدعوة حامضة لميت حوايجي ولبست حجابي من لفوق وهي غير ترجف وواقفة في نفس لبلاصة متحركتش حتى عيط عليها وائل _ تلبسي قشك ولا نجي نفزدلك خليقتك هيااا ولا ناوية تروحي هك بنص قش ولا نقولك زيدي نحيهم واخرجي عريانة خير وخلي ن*** يتفرجو فيك ويتمتعو برزقي. كلمة مقالتهاش لبست جلابة تاعها ورفدت حوايجها ورحنا هو تقول يجري ماشي يمشي خطوة منو تجيب 4 خطوات من تاعنا، يمشي ويسب اول مرة نشوف خويا في الحالة هذي روضة مادورش معاه. وصلنا للوطو تاعو ركبت انا من لقدام ورنيم لور ، طار بينا طيارة انا قولت هذا اخر يوم ليا ومانجي نوصل لدار تطلع روحي من الخلعة، بديت نعيط عليه وهو تقول حيط مايسمع مايتكلم حتى ضربتو على يدو تخنزر فيا _ وش بيه ر** حتى انت جلدك ياكلك بغبتي طريحة انت ثاني _ نقص برك الفيتاس رايح تقلبها بينا _ خايفة تموتي _ مش خايفة الموت حق بصح على الاقل نموت في ويك داري بجنب راجلي مش بجنبك انت الي وجهك يشبه لوجه عزرائيل نتعذب قبل مايقبضلي روحي _ يعني انت متحشميش قولت كي تتزوجي تتسڨمي بصح انت والو غير ماتزيدي تكملي ربي يعينو راجلك اذا شي نهار عيطولي وقالولي ختك راهي في سبيطار وضربها راجلها والله مانتفاجأ ونوقف معاه هو مش انت لأنو نعرف فمك يخلي الحجر ينطق _ بعيد الشر على روحي لا ندي طريحة ونهليت تستشفى فيا ناس عندها خاوة يوقفو في كتافها وانا عندي عدو يستنى نهار ندي طريحة ويضحك عليا _ انت توصلي روحك فمك سباب مشاكلك لوكان تشديه مايصرالك والو ومجد نعرفو مليح مستحيل يقيسك ولا يتبلاك واذا حط يدو عليك فأكيد الموس وصل لعظم وصبرو خلاص _ شوف الحلوف باش توقف معايا خليتني ووقفت معاه خليت ختك ورحت لنسيبك _ مجد ماشي غير نسيبي او كان صاحبي قبل مايتزوجك ورانا نخدمو مع بعض _ قول والله _ والله علاه انا وكتاه كذبت عليك _ جامي كذبت عليا بصح ماقولتليش من قبل بلي انت ومجد صحاب وتخدمو مع بعض _ علاه انت سقسيتيني _ لا _ امالا بلعي فمك لا نفرغ فيك غشي _ وش من غش شكون قلقك انت ياك جيت لباس وفرحان _ سقسي هذيك الي وراك _ رنيم وش دارتلك مسكينة ياك كانت قاعدة مدارت والو _ مشفتيش لبستها كلش على برا ومفصل الشورط ماغطا والو صدرها كامل خارج وقاعدتي في وسط الن** وعاجبها الحال توري في لحمها لناس _ وش دخلك فيها ياك ماهي ختك ماهي مرتك وش دخلك ( انا بلعاني قولتلو هك باش نخليه يعتارف هو يحبها وهي تحبو بصح واحد ماعتارف لخوه ولوكان نخليهم منا على عشر سنين ومايعتارفوش) _ كيفاه هذي وش دخلني كيفاااه ياووو ارب العالي اني نحبها نت** عليها فهمتي _ مفهمتش شكون هذي _ نحكي على رنيم نحبها وناويها حلالي كنت نستنى فيها تروح من عندك ونروح نخطبها بصح هي لا عاجبها الحال وقاعدة تتعرا وتتلوهط _ ربي يكملكم ويرزقكم بالذرية الصالحة ان شاء الله تاكلو بعضاكم وانا نتفرج والله ماتلقى وحدة كيف رنيم ماشي كعاد صاحبتي نشكرها ولا بصح هي عاقلة وبغلة وحنينة والي يجي يكلحها قلبها بيض واهم حاجة هي انها صاحبتي _ مفهمتش راكي تشجعيني باش نبعد عليها ولا وش راكي ديري _ راني نشكر فيها _ ايه الله يبارك وش تعرفي تشكري والله الي يتبعك يقعد باير طول حياتو _ حرام عليكم ديما تسبوني _ بلعيه بزايدي من الهدرة الفارغة _ هاني سكت _ راجلك راهو في دار _ لا عندو خدمة قالي كي نكمل ويجي نروحكم ذوك نعيطلو نقولو متشقاش.
#فريال