قدر مراهقة

الجزء 81

#قدر_مراهقة
الجزء 81
قالتلنا دانيا بنت خالتو بلي جات هنا عندها سمانة مع حبيبها كيما تقول هي وبلي قاعدة معاه في دارو ومش اول مرة تجي معاه وبلي عندها عام ونص مع بعض وتعرفت عليه كي جات تقرا هنا والي صدمني طول خلاص خلا شعر راسي يوقف من الصدمة شوكاتني خلاص قالتلي انا وياه عايشين كي المتزوجين نديرو كلش بصح مزالو محافظ عليا ومداليش عذريتي وبلي يخاف عليا وعلى شرفي وناوي يتزوجني وقالي كي تتخرجي نجي نخطبك ونعشقو وقداش من مرة يجي يخطبني وانا منحبش قولتلو قرايتي اولى وهو قبل على جالي لانو يحبني وميبغيليش الضر. انا هنا قلقت تاع الصح ونوض ليها رخستها مخليت ماقلتلها يا الرخيسة الخامجة وش درتي محشمتيش تكذبي على والديك وتجي لهنا مع عطاي وفوقها تخليه يدير فيك وش يحب ولوكان جا يحبك مايرضى يجيبك لهنا ويخليك تتعراي والكلاب يشوفو في لحمك ويتمتعو ولوكان فيه الفايدة مايقبل يتوشيك فلحرام ويجي ديراكت يخطبك ويتزوجك وكي لقاك بغلة او يكلح فيك حتى يدي وش يحب ويرميك على طول يدو ولثم حليها بيديك. هي سكتت كلمة ماقالتهاليش ناضت ديراكت جات تنطق رنيم عيطت عليها _ بلعي انت ثاني كلمة منسمعهاش منكم ياربي وشنو هذا البغلة الخامجة تخدع في والديها وتجي لهنا معاه يشبع منها ويرميها على طول يدو الرجال ميحبوش المرا الساهلة الي تمدلهم كلش قبل الزواج اصلا علاه يتزوجها وهي موفرتلو كلش الي لقى لحليب باطل علاه يشري البقرة والفاهم يفهم _ خلاص متقلقيش روحك خلينا منها تروح تقود _ كلبة بخصت بروحها بصح اشفاي على كلامي مليح مليح تعيا تبكي الدم على عمايلها ولوكان ميديش وش حب ويرميها منيش ميرال ، وهذاك الي صرا دمرت حياتها بيديها وخسرت اغلى حاجة عندها وخسرت عائلتها كامل، اصلا الرجال كامل هك كي يلقاو مرا ساهلة ياكلولها لحمها ويرميوها وكي يبغيو يتزوجو يروحو ليماهم تخيرلهم عروس كيما يقولو هوما نديها جديدة واحد ماقاسها وتكون غير ليا بصح في دنيا هذي كل واحد يدي على حساب قلبو وكيما انت تمسخرت ببنت الناس ولعبت بيها ورميتها ممكن حتى مرتك تمسخرو بيها وكسرولها قلبها ورماوهالك كيما انت كانت عندك حبيبتك وخليتها وديت حبيبت كاش واحد وكما تديت تدان دموع لولية تشلكهم غالين ويخرجو فيك ياعن طريق ختك ولا مرتك ولا بنتك، لهذا حرم الله عز وجل العلاقات المحرمة لانها تكسر القلوب. ومن هاذ المنبر تقدم نصيحة للمراهقات ولبنات ونساء كامل العلاقات الغير شرعية سواءا علاقة حب ولا صداقة غير بعدو عليها مكانش فايدة منها والي تقول انا وياه آمي برك نخب نفهمكم بلي مكانش صداقة بين راجل ومرا وبلي مستحيل تكون بيناتهم حاجة خارج اطار الزواج حتى ويعيطلك ختي وكلش بصح مهوش من المحارم تاعك وهذا الشي حرام الاختلاط مش مليح لوكان شاف فيه ربي خير راهو ميحرموش، وثاني كنصيحة مني الي يحبك صح او يدير المستحيل باش تكوني حلالو ويقصدك من الباب الواسع مش يجيب بيك سنين وهو يتمسخر بلا فايدة ومع لخر يروح يتزوج وانت تطفر فيك.
#فريال