قدر مراهقة

الجزء 103

#قدر_مراهقة
الجزء 103
قعد سمانة في سبيطار يماه كل يوم تروح تزورو وحتى من خواتاتو جاو طلو عليه وبقاو عندي في دار مقالوليش هيا تروحي معانا لسبيطار شافو حالتي عيت نتحرك وديما نتقيا ختو قالتلي وحمك جا روطار وباين طفلة قبيحة خرجت لمجد في صغرو . خرج مجد من سبيطار جابوه رجلو مكسرة راسو مربوط بفاصما خدو مجروح منكذبش عليكم كي شفتو هكاك غاضني للحظة من بعد تفكرت وش دارلي ، حكمت الكوزينة انا وخواتاتو الحق عاونوني مع ضياف بزاف جاو كامل هنا لعجوز عيات في مجد قالتلو تروح معايا لهيت خير هنا شكون بيك قالها هاي ميرال معايا _ الطفلة ياربي ترفد روحها كرشها خرجت عيات تتحرك _ لا خليني برك اصلا مبقاليش ونحي لبلاطر ونتهنى _ براحتك انت راسك خشين خرحت لباباك . فاتو يومين جاو دارنا قعدو شوي وروحو عيت فيهم يباتو محبوش قالولي نفوتو لدارنا الي هنا وغدوا مروحين منقلقوكمش راجلك مريض اهتمي بيه بزايد منزيدولكش همنا. رنيم قعدت معايا وكي جاو دارنا مروحين داوها معاهم ، قعدت انا ومجد مع بعض انا منحكي معاه ماندور بيه اذا كشما بغا حاجة نمدهالو فرات مش محبة فيه بصح غاضني كعاد مريض. اليوم فقت صباح كيف العادة وجدت لفطور وعيطتلو يجي يفطر كي كملنا قالي حاب ندوش _ روح شكون حكمك _ اذا راكي تشوفي راني بفرد يد ولا منقولكش بكل _ المطلوب _ دوشيني انت _ اخلايا والله متحشم كيفاه هذي ندوشك عيب عليك _ نسيتي كي دوشتك انا لثم مش عيب جاتك عادي _ كثر خيرك درت فينا مزية تلقاها في آخرتك _ هيا متكثريش الهدرة نوضي عاونيني ندوش منيش حامل روحي _ روح لدوش نلم لماعن هذو ونجي . لميت لماعن غسلتهم ولحقتو لدوش عاونتو دوش وهو كل دقيقة يحط يدو فوق كرشي قلقني وتشمخت كامل _ هني روحك شوف وش درتلي هاه عجبك الحال تبليت في جرتك ذوك حتى نعاود دوش _ ايه غكرة مليحة هيا اتعراي ندوشو مع بعض _ بعيد الشر لا ندوش معاك _ علاه بعيد الشر عيب ولا حرام ياك رانا متزوجين حاجة عادية _ عندك انت عادي بصح انا لا وزيد كرشي خارجة بزاف نحشم _ علاه تحشمي ياك كنت ندوشك من قبل وكانت كرشك خارجة _ بصح مش كيف ذوك شوف، بقيت نوريلو بيدي ونقيس في كرشي حط يدو على كرشي وبقا يحرك فيها ومن بعد طبع بوسة عليها قالي هذي لبنتي وزاد باسني على خدي وهذي لمرتي باش متغيرش . بعد برك مانغير ماوالو اخطيني _ وش صرا حتى رجعتي هك ياك كنا لباس ملي درت آكسيدو تبدلتي حتى مجيتيش تزوريني _ تستاهل مليحتلك _ انت حقودة بزاف متنسايش _ هيه مننساش ولا بعمري راح ننسى هيا ذوك اخرج خليني ندوش . عاونتو لبس قشو وخرج وانا دوشت وحرجت هكاك بالمنشفة محشمت لا منو لا والو. فت لشومبرة ديت قشي وخرجت لبست شيحت شعري وبديت نطيب لغدا.
#فريال