قدر مراهقة

الجزء 61

#قدر_مراهقة
الجزء 61
حسبت بيدو دارت على كرشي ستحليتها وتمنيت مينحيهاش شعور جديد راني نجرب فيه ونعيشو، متحركتش وهو بدا يحرك فيها وبالشوي بالشوي بدا يطلعها زربت درت على ظهري ونحيتلو يدو. شبيك هبلت شد يدك عندك لا نكسرها _علاه وش درت _شوف انت وين كنت حاط يدك  او عيب عليك _ علاه وينو العيب حطيت يدي برك مدرتش حاجة خلاف واذا حابة ندير ماشي مشكل انا جاتني على خاطري متحشميش مني اذا عينك في حاجة قوليلي نديرها كيما قبيل على البوسة انت حطيتي فمك على فمي وانا كملت كلش ومتأكد بلي عجباتك لانك بقيتي ترجفي بين يديا ومحبيتيش تبعدي عليا _غلطة وصاي متبقاش تفكرني بيها _احلى غلطة ياريت ديما تغلطي هك ونشبعك بوس  _ناناك بوس عينيك لاتزيد تشوفها _ علبالك لوكان نحب ذوك نبوسك _ مش حاتكون برضايتي وراح نزيد نكرهك ، راي عندك مكانة صغرونة شويتح في حياتي مكلاه تغلط وتمحيها وتخلينا نرجعو كيما كنا غير المشاكل _ كوني متأكدة بلي مندير والو بلا رضايتك ومش حانجبرك على اي حاجة _ احسن حل هكا باش نبقاو متفاهمين _ علبالك شاتي نوض ذوك نروح لسماح نزيد نضربها في جرتها مستمتعتش بالبوسة _هذا الي هامك غير البوس _ والله لوكان نلقى عمري كامل نجيبو بوس معاك شكون كيفي عندو مرا شواربها عسل وزيد. ترجف بين يديه وباين عليها نية متعرف والو نعلمها كلش وتولي كيما نبغي بعد _هذا وش يهمكم انتوما رجال  كيما راكم كيف كيف جنس الكلب اهم حاجة تلبيو رغباتكم ولمرا بحر عليها، وش الفرق بينك وبين صاحبك خامج عند خوه يقولو مايتصاحبو حتى يتشابهو هكاك انت وياه_ ميرااال بلعيه وخلي الليلة الكلبة هذي تفوت على خيري _ وش غاضك الحال كي قولت الحق _مغاضنيش بصح كاين فرق بيني وبين صاحبي  وفرق كبير _وشنو هو تراه _ اولا انا مدرتش على اخت صاحبي وملعبتش بيها صح نعتارف اني غلطت ودرت هذاك الشي فيك بصح من ثم حبست مش كيفو فوق ماغدرني ومشا مع ختي دالها شرفها وقعد يلعب بيها يخرجها يديها لدارو ويزيد يقابلني ويحط عينو في عيني بوجه صحيح _ علاه حتى صاحبك غتا. صب ختك مسكينة _ تتمسكن بيها لرض ياريت يكون كيما قولتي بصح الحقيقة غير وانو هي تلاحت عليها وقعدت دور وتلف حتى مشات معاه وهي الي مدتلو شرفها وهو كأي راجل مقدرش يحكم روحو وغلط وهكاك مترباتش قعدت تروح ليه عام كامل وهي معاه اربي عام كامل وهوما في علاقة محرمة ويشوفو في وجهي عادي _ ناس كامل تغلط بصح مش لدرجة عام كامل وهوما يزنيو او حرام عليهم اصلا لوكان جا يحبها او من نهار غلطو يجي يخطبها ويتزوجو وميبقاش معاها فلحرام نستعرف بلي انت غلطت بصح كنت راجل وصححت غلطتك ياريت كامل كانو كيف بصح يقولو المسامح كريم حاول تسامحها _منقدرش.
#فريال