قدر مراهقة

الجزء 05

#قدر_مراهقة
الجزء 5
نضت على 17صليت العصر وروحت نعاون ماما كي يجيو هوما لازم كامل ندخلو للكوزينة وياربي نقدرو هوما ملي يجيو قاعدين كاس تاع الما ميهزوش. دخلت للكوزينة لقيت ماما حاصلة مع لعشا روحت عاونتها انا وختي ماجينا نكملو حتى ل20حطينالهم تعشاو غسلت انا وختي لماعن سيقنا الكوزينة وانا دخلت لشمبرة كشما نراجع شوي وهوما خليتهم يقصرو ماروحو حتى ل1نحير فيهم ولادهم صغار ويخليوهم يسهرو عادي عندهم واحد العقلية تعيف. بعد ماروحو روحت فرزت الصالة كي خلصت رجعت نكمل مراجعتي، لغدوا منو نضت بكري فطرت مع دارنا كامل حارو فيا غير ماما فاقتلي بلي راني ندير هكا باش متنحيليش تليفوني، نطق خويا لكبير عشنا وشفنا لالة ميرال ناضت بكري في الويكاند اليوم يصب الثلج ههههه_وعلاه تشوف فيا فنيانة حتى منوضش_لا ماشا انت كسولة برك_يابابا شوف ليه _وائل خلي ختك مسكينة تبات تعس فليل، طرطقو كامل بالضحك انا لعبتها زعما تغششت وشنفت عليهن_نطق خويا خليل خلاص خليولي ختي مدوروش بيها تحب ترقد ولا تنوض وش دخلكم فيها_متزيدوش تحكيو معايا _نطق وائل خلاص والله مانزيدو اصلا كي منتمسخروش معاك معامن نتمسخرو حتى ريتال راهي عند خالتي بقيتي غير انت نتمسخرو معاك حتى تتزوجي وصاي نحبسو_انا منتزوجش نقعد هنا مستحيل نخرج من عندكم، نطقت ماما وقالتلي قالوها قبلك وذوك راهم بولادهم _هوما بغاو يتزوجو انا مبغيتش_نخاف تتزوجي انت قبلهم كامل _بعيد الشر هذا ماخصني _نهار يجي مكتوبك ماتقدري ديري والو.خرج كلامها صح وانا الي خرجت لولى من الدار. نسيت نعرفكم على روحي وعلى عائلتي(انا ميرال عمري 17سنة بابا ادريس طبيب وماما سلمى استاذة في الجاميعة وعندي خويا لكبير وائل عندو26سنة محامي وخويا الي قل منو خليل 25سنة طبيب اسنان تبع بابا وبعدها ختي اسيل22سنة مزالها تقرا دارت علم النفس ومن بعد انا وبعدي ختي ريتال عندها7سنين) هذي هي عائلتي الصغيرة هي صح منتلموش ديما غير وقت لعشا اما نحبو بعض ومتمسكين ونحبو نضحكو ونتمسخرو هذا كامل بسبابي انا نظل نضحك فيهم ونهار منكونش ميحكيوش ڨاع مع بعض، نخطيهم انا يشتاقو الضحك.
#فريال