قدر مراهقة

الجزء 96

#قدر_مراهقة
الجزء 96
كوبيت كي ملقيت وش ندير رجعت ليهم ندي مخدتي ونروح نرقد مع ماما مخلاونيش قالولي عيب واي راقدة مع راجلها حرام عليك تحرمي عليهم ليلتهم انا مع لول مفهمتش وش يقصدو من بعد شرحتلي اسراء وش قصدهم مت صاي والله مايحشمو لحقو حتى يحكيو على ماما وبابا نضت كليتهم بلعتهم وش دخلكم فيهم يرقدو ولا يقعدو الهاو برواحكم متشحموش عيب عليكم واصلا راهم كبار يرقدو برك ميديرو والو ، نطقت اسيل قالتلي ابقاي في نيتك برك بغلة الي يجي يفوتها عليك _ علاه وش درت انا _ شوفي غبائك قالو راهم راقدين ميديرو والو _ ايه راقدين وش راح يديرو مثلا _ الشي الي درتيه انت وراجلك باش كبرت كرشك هك هو نفسو الي راهم يديروه ماما وبابا _ يا عيب عليكم والله متحشمي مستحيل يديروه راهم كبار عيب خلاص _ ايه مستحيل نسيت حنا جابونا بالبلوتوث وعلى سيرة كبار ياك ريتال جابوها وهوما كبار ولا جات هذيك من سما كادو فراس العام جابها بابا نويل وحطها قدام الباب _ روحي تقودي انت تعب تاع العرس آثر عليك روحي ترقدي غدوا عرسك وسكتينا _ منسكتش حتى نحيلك الغباء هذا الي معشش في راسك _ وش دخلك فيا _ كيفاه وس دخلك فيا اواه انت راجلك مسكين باين تغبن معاك من عقليتك هذي _ شكون قالك _ باينة عليك وباش يكون في علمك المتزوجين يبقاو يديرو هذاك الشي ديما غير كي يكبرو وترجع المرا غير صالحة بصح ماما وعجوزتك وخالاتي مزالهم يديرو فيه يظلو ضاربين الحطة رقبتهم مطراسية انت متولهتيش برك اما انا تولهت وعرفت كلش _ كلبة متحشميش نرقد خير بونوي. درت غطيت على راسي ورقدت اويلي وشنو هذا الخامجة متحشمش تحكيلي هك القدر الي كان بيناتنا راح. واقفين كامل نستناو في الكورتاج يوصل شوي هك سمعنا صوت البارود وصلو لبست عبايتي درت خماري غطيت كامل شعري هكا خير من المشاكل مناقصنيش . خرجت ختي تحت جناح بابا دارت مندبة تبكي تقول ماهي نفسها الي كانت تضحك وفرحانة كعاد رايحة تزوح حب قلبها كيف ماتقول هي. دارلها كورتاج يهبل بالطبع والشان انا ركبت مع مجد وديت معايا رنيم وريتال، طريق كامل وحنا نشطحو نغنيو وهو ثاني معانا فرحان ريتال لوكان ماجاتش وقعدت في حرجي راهي ماتت وكل دقيقة تقيسلي كرشي تقولي وش عندك هنا وليتي بقرة كي نقولها عندي بنوتة تضحك وتقولي كي تجي نديها انا تبقى معايا نلعب بيها _ وانا كيفاه ندير _ زيدي جيبي وحدة جديدة عادي ياك ساهلة، شاف فيا مجد وتبسم قالها هي صح ساهلة بصح ختك مصعبتها بزاف. انا هبطت راسي حشمت فهمت قصدو رنيم مش لاتية بينا قاعدة تصور وتشطح ولا على بالها. وصلنا لاصال ستقبلونا اهلو احسن استقبال قريب يحطونا فوق راسهم، فات العرس هبال فليل دخل لعريس مع صحابو ومجد ثاني خاوتي قعدو يشطحو وانا عينيا منحيتهمش منو قريب ناكلو وجداتو فاقتلي قعدت تضحك قالتلي كوليه خير حشمتني ناضت يماه ويما يضحكو قالولها الصغر وش يدير خليها راجلها حلالها ذوك يخلاص العرس ابنتي واشبعي منو يا أرض انشقي وابلعيني فهمت قصدهم نضت نجري من ثم. كمل العرس اسيل راحت مع راجلها تفاهمو ميديروش الصبوحي تروح ديراكت لفواياج وهي ماصدقت قالولها مكانش تهنات منو. رحت لدارنا لميت قشي ديتو وفتنا لدار اهل محد نقعدو يامات باش نبدلو الجو كنت متوقعة نفرح شوي وناهنى بصح ديما فرحتي متكملش وتصرا حاجة دمر كلش زهري ونعرفو  ننوي نصلح علاقتي بيه تصرا حاجة تحرب كلش.
#فريال