قدر مراهقة

الجزء 53

قدر_مراهقة
الجزء 53
مجد طلع لشومبرتو لفوق في الايطاج لول (هو عندو 4خاوتو ذكورة وهو الخامس كل واحد بدارو بصح يماه مدايرة لكل واحد شمبرتو كي يجيو يرقدو فيها وحتى من لبنات كل وحدة بشمبرتهتا دارهم الله يبارك كبيرة وواسعة) انا قعدت شوي معاهم من بعد لحقت ختو لكبيرة نرجس للكوزينة لقيتها حاصلة مع لعشا،كشما حابة نعاونك_علاه تعرفي تطبخي_ايه نعرف نسلك روحي خير من مكانش _قولي والله _والله علاه نكذب عليك _الله يبارك صغيرة وتعرفي تطبخي انا حسبتك متعرفي والو كيما خواتاتي تزوجو وهوما ميعروفش يقليو بيضة _اواه لوكان مكنتش نعرف نطبخ متزوجنيش سلمى _ايه صح سمعت على يماك بلي صعيبة شوي _ ماشي غير شوي بزاف _تعرفي ديري طعام _اسهل حاجة _هيا وريلي شطارتك _اجبديلي برك لحوايج باش نطبخ لانو منعرفش بلاصتهم وخليني نكمل الباقي _وتقدري توجدي كلش _هيه عادي والفت عند ماما. جابتلي الدوزان باش نطيب وقعدت فوق الطابلة بديت بالطعام طيبت المرقة وفورتو وزدت معاه غراتا لانو انا منحبوش وميني بيتزا وتحلية وماسيدوان ولمثوم وحميص وسلاطة. هذاك هو كملت في الوقت بعد هي بقات حالة فمها يبالها منعرفش نطيب،جيت نطيب كسرة مبغاتش قالتلي بزاف عليك ذوك نقول لمجد يجيبلنا خبز من برا، هي ذكرت اسمو وهو يدخل على بابا الكوزينة وياربي وشنو هذا كيما يقولو اذكر القط بيجي وينط شحال عمىو طويل. سمعت اسمي وش كنتو تمنشرو فيا_لا اخويا غير قولت لميرال مكلاه تخبزي الكسرة ذوك نقول لمجد يجيبلنا الخبز، كيلني تكيال من لتحت للفوق وانا ديجا نسيت بلي لابسة بيجامة ومع انا هازة الخير من لور جاتني البيجامة سوا سوا. قال لختو معليش اني خارج نجيبو. هو خرج وعيطلي مع لول قولت والله مانروح ليه يروح يقود من بعد حشمت ديجا رانا في دار باباه وعيب عليا نقلل من قيمتو قدامهم حتى ولول نكرهو ومنحملوش بصح قدام الناس نلعبها بلي متفاهمة معاه.خرجت لعندو تخنزرفيا وقالي ذوك نخرج كي نىجع منلقاش الزبل هذا عليك تنحيه ولا نقطعو عليك _علاه وش فيها _متهبلينيش ت*** خارجة وانت تقولي وش فيها طيري منشوفك قدام عيني لا نرتاكب فيك جريمة. هو خرج وانا طلعت لشومبرتو دوشت وشيحت شعري لميتو لفوق (على شكل كعكة مهملة) ولبست جبة شوي عريضة ومستورة فلغوج وهبطت لتحت نوجد الطابلة. كي هبطت لقيت يماه في الكوزينة تدابز مع نرجس قالتلها عروس جديدة علاه تعبيها وتخليها تطبخ واذا مكنتيش قادرة عيطيلي ليا، كي دخلت عليهم سكت يما ودارت ليا بهدلتني وعلاه تطبخي وراكي ضيفة _ياك قولتبلي نعيطلك يما وانت تعتابريني بنتك_ايه انت بنتي كيفك كيفهم _اخلاص امالا يما انك تقوليلي بنتي فمن حقي نطبخلك ومنيش ضيفة _ايه صح يابنتي بصح انا قولت متعرفيش ومحبيتش نحرجك _لا والله عادي حتى ومنعرفش حاجة نجي ليك تعلميني ياك_ايه نعلمك مكانش مشكل كيفك كيف بناتي ومعزتك من معزتهم _تعيشي يما ربي يحفظك. بديت نوحد فالطابلة انا ونرجس حطينا كلش دخل مجد وفي يدو الخبز، ايه وشنو هذا منين طاحت عليك الشطارة يانرجس _هذي شطارة مرتك انا خاطية _شكون مرتي_علاه انت قداش من مرا متزوج_وحدة وهاي قدامك _خلاص امالا انا ديجا راني نحكي عليها _قصدك ميرال طبحت كل هذا _ايه هي بعد علاه تفاجآت الي يشوفك يقول جامب لاطبختلك وقاتلاتك بالشر _ههههه والله مرتي مقلشتني وتظل تطبخلي لدرجة ماكلة برا نسيتها قالها هك وشاف فيا وغمزلي وااااه من غمزتو صاي احكموني حانطيح ياجماعة انا من بكري مهولمة وهو زاد غمزلي والله مجاتش ختو معانا غير نتلاح نبوسو وخلي تخلى بعد.
#فريال