قدر مراهقة

الجزء 67

#قدر_مراهقة
الجزء 67
اليوم ثاني فقت على صوتو وهو ينوض فيا افففف ياهذا تسمى حايبقى ديما هك كل صباح ينوض عزريني على لفجر ياخي حالة ياخي وكتاه نرتاح انا كي كنت في دار بابا كل صباح تصبح ماما تنوض فيا وكي تزوجت قلت زعما نتهنى جاني السردوك هذا نوضني  الي ميتعب ماوالو على العام يشوف ياخي زهر ياخي. افففف ذوك انت متحشمش على روحك وتخليني نصبح شوي حاديرها خدمة علاه عليك متعرفش حاجة اسمها احترام النائم _ بلعيه يرحم باباك اني درت الروطار على الخدمة في جرتك متزيديليش _علاه وش درتلك انا الي يشوفك يقول انا الي نحكمك منخليكش تروح تخدم _ ايه انت سبابي هيا بعدي عليا _ وش نبعد يرحم والديك صباح ربي تبدا تخلط فالهدرة تبان مهبول ياك راني بعيدة عليك بعد السما على الارض ولوكان نلقى لبلاصة الي تكون فيها مندورش خلاص عليها _افتحي عينيك وشوفي وين راكي _ مع فتحت عينيا لقيت روحي كي العادة ولعوايد مفروشة قدامو مبخوصة كرامتي تمسحت بيها لرض، لقيت روحي فوقو وزيد نشرك في فمي ونقولو لوكان نلقى نبقى بعيدة عليك وانا لاصقة فيه كي الڨرادة _ هيا نوضي عليا اني روطار واذا عاجبك حضني لدرجة هذي نزيد ندي كونجي على جالك ونشبعك منو. وقفت من فوقو وقولتلو كي نتعب انا نرقد منفيقش خلاص ووالفت في دارنا نحضن لمخدة عليها غلطت فيك كنت حاطاتك مخدة _انا كامل مخدة _لا حاشا انت حيط _اسكتي برك انا على الاقل عندي مشاعر مش كيفك فريجيدار ياو الرحمة فيه انت حجرة محطوطة الناس مدلها ربي نسا مشبعينهم وانا مدلي حيط ندخل مانلقى لا ماكلة سخونة ولا فراش وحتى من كلمة حلوة ورومانسية مكانش هكاك وراهم حاسديني _ اذا منيش عاجباتك طلقني وروح عند نوعك المفضل هذا لكان قبلو بيك _ من هاذ الناحية متخافيش عليا اشارة وحدة مني يجيو يجريو وانت علبالك من هاذ الشي النسا بقاو يطايشو ملقاوش الي يلمهم _ نعيك قالو يطايشو بالعكس ام قاعدين عند والديهم معززين مكرمين ياكلو يشربو يخدمو يحوسو مش كيفي محبوسة بين ربع حيوط _ علاه انا مانع عليك الخرجة _ ايه _وكتاه جيتي قولتيلي خرجني ومخرجتكش _ مبغيتش نخرج معاك نحب نخرج وحدي _ ولاية جديدة عليك مش حاتعرفيها لهذا مكلاه تخرجي كي نقعد اني نديك ونوريهالك مليح _ناناك اني نعرفها من صغري وانا نجيها وكل صيف يجيبنا بابا شهر نفوتوه هنا في دارنا _علاه عندكم دار هنا _ايه عندنا _اول مرة نسمع بيها كيفاش تجي هنا وانا مشفتكش خلاص، وين جاية داركم _ في ****_ ااا هذيك لبلاصة مندورش بزاف عليها _حاجة بانية مدورش لهيت مكانش نسا بزاف وق** وكباريات عليها _ ميراااال بلعيه خلاص دصرتي كل مرة نقول معليش ذوك تتسڨم وتعدل روحها واي صغيرة وانت والو تمشي وتطغاي بصح معليش جاي نهارك _ خفتك _ديري وش تحبس اني قولتلك نهار يوفى صبري نفرجك ونوريلك كيفاه تعودي تخافي مني. هيا راني خارج واذا حابة تخرجي من بعد عيطي قوليلي ودراهم تلقايهم فلخزانة ادي قد مابغيتي وبلا مانوصيك مكلاه تمشي وتتمهبلي في طريق كيما بكري ذوك راكي متزوجة وعيب عليك وفوق هاذ الشي الولاية هاذي ياك تعرفيها مليح وتعرفي وش فيها لهذا حاذري روحك ومطولوش برا بزاف _اوك ذوك نلبس ونخرج _ وين تخرجي لر** اي 7 ارجعي ترقدي ومن بعد واخرجي وادي معاك رنيم متخليهاش وحدها هنا عيب جبناها معانا ونحبسوها في دار _طبعا اكيد حاجة باينة نديها معايا كي منديهاش هي شكون ندي هي رفيقة دربي وصاحبتي ومهما يصرا بيناتنا مستحيل نتخلى عليها _ ايا مليح ظهر قلبك كبير وتسامحي انا قولت مستحيل تسامحيها وتردي ضربتك وتشبعيلها لمرار _ علاه انا سريرة لدرجة هذي اخلايا عليك مزية واحد ماكان معانا ولا يصدقو صح بلي انا حقودة وقلبي كحل _ هي صح انت حقودة بصح اطيب من قلبك ماشفتش ان شاء الله تبقاي بنفس الطيبة  _ ايه جايين ليام وتشوف طيبة قلبي كيفاه دايرة (وصح كيما قولتلو جاو ليام وصدمتو من طيبة قلبي لدرجة كبير هههههه ووريتلو كيفاه نقدر نسامح انا).
#فريال