قدر مراهقة

الجزء 92

#قدر_مراهقة
الجزء 92
جبت عشية كامل وانا نحاول نرضيها ومارضات غير كي جا وائل وخرجه شرات ألعاب. تلمينا على الطابلة نتعشاو وكيف العادة خاوتي يضحكو عليا وهاذ المرة كي عرفوني بالحمل واحد يقول صغرونة تجيب صغرون واحد يقول ربي يعين مجد راح يربي زوج صغار واحد يقول انت مكيش قد المسؤولية وخلي وخلي انا لوكان تفتحت الارض راني دخلت فيها من الحشمة عيت نحط عيني في عينهم خصوصا بابا. تعشينا خلصنا نضت نلم فلماعن مخلاتنيش ماما غسلتهم اسيل، سهرت شوي مع دارنا من بعد رحت لشومبرتي لقديمة كملت قصرتي مع اسيل من هدرة لهدرة قالتلي مزالك صغيرة على الحمل وكيفاه راح تقدري تربيه وصعيبة بزاف على هذيك السيرة دخلت ماما قالتلها عادي هاني انا جبت وائل وانا 17سنة وكنت نقرا وباباك عاوني في تربيتو اهم شيء الارادة كي تكون عندك كلش ساهل تربي حتى 4 ولاد _ امالا ميرال خرجت عندك زربانة تزوجت صغيرة ورفدت ليه ليه خايفة غير تولد من تزيد ترفد من سارفيس رابيد _ احشمي وبلعيه الهاي بروحك برك نهار عرسك يكرشك بتوام ونشوفو فهامتك وين توصل _ مستحيل مزالني صغيرة حابة نعيش حياتي منجيبش لولاد حتى يفوت عام من زواجنا هكا نتعرفو مليح على بعض _ قالتلها ماما كي يكون رايك من ليلتك ترفدي وقولي سلمى قالت واسكتي لا نقولك ترفدي توام _ مبغيتش يقلقني منمدلوش حقو وصاي _ علبالك او حرام عليك وتلعنك الملائكة لوكان يطلبك لفراش وترفضيه _ علاه حرام ياك لازم نتفاهمو في زوج وكلش بالتراضي _ علبالي كلش بتراضي بصح حقو فلفراش تمديهولو حتى وتكوني منايفاتو لانو اذا حرمتيه من حقو راح يديه برا وكل الذنوب تديهم انت _فعن أبي هريرةَ قَالَ: قالَ رسولُ اللَّه صلى الله عليه وسلم :«إِذَا دعَا الرَّجُلُ امْرأَتَهُ إِلَى فِرَاشِهِ فلَمْ تَأْتِهِ فَبَات غَضْبانَ عَلَيْهَا؛ لَعَنتهَا الملائكَةُ حَتَّى تُصْبحَ».
ماما تحكي وتعلم في اسيل وانا نخمم في علاقتي انا ومجد عندنا 3 شهر مع بعض وانا حارماتو من حقو يعني يكون داه برا وخاني اواه مجد ميديرهاش يحبني بزاف وهو قالي نصبر عليك بصح صبري قريب يفض لازم نلقى حل ونوجد روحي نعطيلو حقو منيش ناقصة ذنوب على روحي ونزيد ندخل لجهنم على جالو ونقابل فرعون ناس تدخل على جال جرائم وافعال شنيعة وانا ندخل في جرت مجد كعاد حرمتو من حقو وذوك طفرت صرا الي صرا فات وخلاص ذوك راح تجينا طفلة ولازم نخممو فيها وفي سعادتها ونوجدولها جو ملائم ليها.
#فريال