قدر مراهقة

الجزء44

#قدر_مراهقة
الجزء 44
نضت لميت الماكلة الي بقات حطيتها في لفريجيدار ورميت لابوبال وفت لشومبرة نفرز حوايجي ونلم وش ندي معايا.حطيت لفاليزات كامل وتربعت فالارض في نصهم وبديت نفتح فيهم، بديت بتاع تصديرة رفدتهم بيهم بالاكسسوارات حطيتهم في جيهة وزدت البيجامات حطيتهم بجيه والحجابات تاوعي ثاني كي درت ورايا لقيتو يتفرج ويكيل فيا متكي على الباب يد في الجيب الجاست هذي ديما يديرها. غير الخير وش جابك_داري اذا ناسية _علبالي دارك وشومبرتك ودراهمك وخدمتك سكتنا برك _نو مش هك كلش تاعي هو تاعك انا وياك واحد _لا انا وياك زوج عباد انت راجل وانا مرا _انت متفهميش _قود برك منيش قاعدتلك ياربي نفرز حوايحي _نعاونك_وتعرف_في رايك عايش وحدي هنا طرق قش منقدرش نفرزو_اوك هيا ازرب باش نكملو بكري ونروح نرقد تعبت _نهار كامل راقدة _حاسدني على نص ساعة رقاد_بصحتك مقلنا والو. بدينا نفرزو واصلا ساهلين كلش فليبواط تاعو ومغلف ملقيناش صعوبة، لحق لفاليزة الي فيها نويزات وملابس داخلية ولعفايس هذوك باعد يرفد ويفتح فيهم انا مفقتش حتى قالي هذو اديهم معاك اكي تحتاجيهم بزاف في شهر العسل اعمري، كي درت لقيتو رافد واحد الشرويقة زوج خيطو فرات فضيحة محطوطة زربت نحيتهالو من يدو وخبيتها ورايا _والله متحشم _وش درت جيت نعاونك فرات_وش داك تجبدهم_باش نفرزو _متقيسش الشراوق هذو من بعد نرميهم_مكلاه ترميه عجبوني وكي نخرجو نزيد نشريلك منهم انا مذابيا تلبسيلي هذو _بوس عينيك لانلبسلك لخماج هذا _راجلك حلالك البسيلو كلش وحتى اتعراي نورمال_رخيس متحشمش منحرف _معاك برك _اخرج عليا خليني نكمل _كملي شكون حكمك _يا اخرج عيب والله _صاي هاني خارج ظهرتي حشامة بزاف فيك غير الفم_ناناك_باينة خلاص ياالحشامة تاعي. هو خرج وانا لميت الشراوق هذوك كامل وخبيتهم في جيهة وكملت نفرز ماجيت نكمل ظهري تعوج رفدت قشي وفت ديراكت لدوش ندوش ونرقد تعبت بزاف. جبت ساعة ونص في الدوش مخليتش برودوي محطيتوش في جسمي وشعري الي جبتهم في جهازي كامل جربتهم خرجت نشعل شعيل تعب العرس كامل تنحى، لبست قشي في الدوش وروحت لشومبرة هكاك شعري مشمخ صليت العصر كان آذن خلصت رميت روحي على سرير ودخلت لعالمي الخاص والي هو رقاد طبعا. فقت على صوت آذان المغرب نضت كي سكرانة نتمايل بالسيف ماتوضيت صليت وروحت ندور في ديار مكان حتى واحد ومجد باين خرج برا تهنيت منو ومن شوفتو. دورت الديار كامل عجبوني واسعين وزيد يطلو على لبحر منظر يهبل يرتح النفس على الاقل فادني في حاجة وجابني هنا نرتاح شوي وكي يقلقني نهبط نقعد على الشط. تفتح الباب ودخل هو _فدواخيرا نضتي_لا مزالني راقدة خيالي الي راهو قدامك_فمك هذا جاي نهار ونمرمدك عليه_ناناك_هيا تتعشاي وروحي وجدي قشك على 22نروحو _علاه ياك قولتلي غدوا ونروحو_بطلت نروحو فليل خير هكا نوصلو بكري _ايه معليش. فتنا تعشينا جيت نلم الطابلة محبش قالي روحي لمي حوايجك ازربي وانا نظف من، الحاجة الي تعجبني فيه قافز يدير كلش وحدو ميستنى مزية حتى واحد. فت لميت قشي الي نديه ونحتاجو قيس شهر ديت زوج فاليزات وحدة كبيرة ووحدة قل منها بشوي، دخل هو راح لم قشو ياربي ماجاو قيس الفاليزة تاعي الصغيرة وزيد قشو كامل كحل حرت فيه كيفاه يقدر يفرق بيناتهم. هو رفد لحوايج هبطهم ورجع رفد فاليزتو ومفاتحو وخرجنا هبطنا لتحت قال للعساس بلي رانا رايحين منا على شهر باش نرجعو والي جا سقسى عليه يخبرو، ديمارينا في طريق عيطت لماما وقولتلها بلي رايحين لشرق مكلاه تتقلقي عليا اذا لقيتي تليفون طافي وزدت حكيت شوي معاها وصاتني وعطاتني نصائح وكوبات. طول طريق وانا نشوف عجبوني المناظر جبنا 3ايام وحنا نمشيو باش وصلنا لانو فليل نباتو في اوتال باش نرتاحو لزوج وزيد هو يتعب بزاف كعاد يسوق على عكسي انا جايبتها رقاد ليل ونهار مفهمتش علاه طاح عليا الرقاد هذا، خليها تعيا وتبان ونعرف السبب.
#فريال