قدر مراهقة

الجزء 76

#قدر_مراهقة
الجزء 76
مابعد عليا غير بطلوع الروح انا غير نبكي ونزعبت وجعني بزاف تقول كلب الي عضني مش عبد. بعد عليا بعد كلب هذا شوف كيفاه درتلي قتلتني حرام عليك _ تكبر بنتي وتنسى ماصرا والو هاكي انت عضيتيني ومسكت _كعاد انت حمار متحس بوالو عليها وزيد لحمك يابس عليها _ صح عندك الحق انت طرية بزاف واي حاجة توجعك _ اصبري نديرلك شوي ثلج على بلاصة العضة باش متزراقش. راح للفريجيدار جبد طرف ڨلاص وحطهولي فوق رقبتي انا لا إراديا دخلت فيه بارد بزاف طبع بوسة فوق العضة هذيك وزاد هبط لصدري وحطو انا لثم رتحت شوي وزاد باسني على بلايص العضات (هذا يجرح ويداوي احي على قلبي لوكانيبقى يعاملني كيما هك نذوب كيما الزبدة) ، جايرمي لڨلاص نحيتهولو وحطيتو على خدو انا من طبيعتي اي واحد يهتم بيا لازم نردلو خيرو منحبش الي يدير فيا مزية ونبقى مديونة ليه (درت فيا الخير نردهولك درت فيا الشر نردهولك اضعاف مضاعفة نخليه يندم على النهار الي خمم فيه انو يغلط معايا) ذاب لاڨلاص هذاك انا هبطت بويتو على خدو ورحت نجري لشومبرة هو خرج لبرا وانا تكيت على سرير وحاطة يدي على قلبي حاساتو حايخرج من بلاصتو. انا هكاك ورنيم طبطبت على الباب قلتلها ادخلي برك مكلاه تزيدي طبطبي. دخلت لقاتني متكية كي قعدت قدامي عدلت روحي ولميت رجليا وحطيت مخدة في حجري (هكا نحب نقعد كي نكون معاها تحلالي القصرة ونجيب سوايع على الحالة هذي). وش بيكي شكون دارلك هك _ وين _شوفي رقبتك وصدرك اخلايا يبان عضك كلب،  سكت شوي من بعد طرطقت بالضحك ايه عرفتو الكلب هذا مايكون غير خويا يعبر على حبو ويمدلم في حنانتو _ ايه شفنى لحنانة تاعو جلدتي قريب طير من بلاصتها _ ياختي الرجال هك يعبرو على حبهم مرة بوسة ومرة عضة وهي ماشية _ شوف الحلوفة شكون علمك لحوايج هذو الي يشوفك يقول متزوجة ومجربة _ وانت الي يشوفك يقول ماكي متزوجة زي الحطبة. خزرت فيا من بعد خبطت يديها مع بعض متقوليش الي في بالي صحيح _ وشنو الي في بالك _ متقوليش راكي حارماتو من حقو وبلي عايشة انت وياه كي الخاوة _ ايه حاجة باينة وش يبالك حاننسى ونعيش انا وياه كأي زوجيين عاديين _ بصح _ اسكتي عليا لا بصح لا عزرين _ ميرال شوفي هو _ اذا حاتبقاي تحكي في الموضوع هذا اخرجي عليا منيش حاملة روحي مكلاه تزيديلي لا نوض نتفك الليلة ونرد غشو فيك وانت حالتك متسمحش لهاذ الشي امالا بلعيه. هي كي شافتني قلقانة وزدت هددتها سكت مزادتش جبدتلي على الموضوع هذا تعرفني كي نتقلق ندير كلش والصباح برك بردتها بطريحة متأكدة حاتتفادى ضرباتي وتخلي لحمها يرتاح متقدرش تروح لدارهم هك يماها حاتسقسيها وش بيكي وشكون دارلك هك وراح تبقى تنشنش حتى تعرف كلش لهذا قررت تتجنبني باش تحافظ على وجها بصح للآسف وجها زاد تشوه من الضرب وهاذ المرة كان ضرب أقوى من ضربي لانو يد الراجل ثقيلة وتوجع بزاف كف واحد يجيبك راقدة.
#فريال