قدر مراهقة

الجزء 34

#قدر_مراهقة
الجزء 34
دخلت وهو جابلي لفاليزة الدوش كان كبير وواسع نحيت البرنوس وكي جيت نفتخ لاغوب مقدرتش نلحق تضاربت معاها بزاف من بعد استسلمت وخرجت ليه باش يفتحهالي وهو ماكانش من المعاكسين، فتحهالي وطبع بوسة على ظهري خلاني نتخطف من بلاصتي ونطير فيه _وش دير هبلت رخيس متحشمش ياك قولتلك متوشينيش متزيديش توشيني فهمت، انا نحكي معاه وهو مركز مع فرد نقطة كي هبطت راسي وشفت وين راهو مبلڨ عينيه لقيتو يشوف مع صدري الي نصو يبان كي هبطت لاغوب انا هنا حشمت ودخلت نجري مزدتش كلمة. دوشت وغسلت شعري لبست بيجاما ولميت شعري وتوضيت وزدت فوقها طقم الصلاة. خرجت عندو لقيت مفرش السجادات صلينا هو لقدام وانا وراه كي كمل حط يدو على راسي وقرا الدعاء كي خلص جبد روحو. اسمع بش نتفاهمو انا نرقد على السرير وانت فوق الفوتاي فهمت _قلة ادبك خليها ليك متحكيش معاها بنبرة الامر هذي لانو منيش حاب نحط يدي عليك _شوف اسيدي تحط يدك وتضربني جرب تراه لوكان منلمش عليك الناس الكل_ماشي شرط نضربك كاين طرق بزاف باش نريڨلك وليام بيناتنا _نشوفوها يا الك.._كمليها ونخليك الليلة تلمي سنيك _منيش خايفة منك_ايه علبالي انت متخافيش عليها قولتلك كمليها_اخطيني وجيبلي ناكل جعت وش نتوما ضيافكم تخليوهم بلا عشا _علاه متعشيتيش راهي الوحدة تاع ليل كيفاه خلاوك بلا عشا للوقت هذا_منعرف عليهم ميحسوش بالعبد راني من صباح بلا ماكلة منيش قادرة نوقف_اصبري ذوك نعيطلهم يجيبولك تتعشاي _وقولهم يجيبولي قرعة كوكا لكبيرة _اوك،(انا بدلت السوجي باش متكبرش لحكاية ونبات بطريحة ومكاتش الي يفكني منو لأنو حسب ماقالتلي رنيم عليه هو عصبي بزاف ويدو سابقاتو راني حايرة كيفاه حكم روحو ومضربنيش لانو بكل صراحة زودتها بزاف ومزال نزيد نخلطها). عيطلهم شوي هك طلعولنا لعشا طحت فيه كي الجيعان والله الي يشوفني يقول ماهي نفسها الي كلات قبيل قيس زوج عباد، ناكل ونشرب فالكوكا حتى خلصت كلش وبديت نكسل فرجليا ويديا، هو بقا مخلوع فيا ويشوف _غير الخير جامي شفت عبد ياكل قدامك_لا شفت بصح كيفك عمري مشفت _خمسة في عينيك وش تحسبلي فلقمات_بصحتك اذا مشبعتيش نقولهم يزيدولك_راك تتمسخر وتضحك عليا _لا حاشا وعلاه نضحك عليك قولتلك اذا مشبعتيش نقولهم يزيدولك_راك تقول بلي انا بقرة ومنشبعش هكا والله متحشم فوق ماخليتوني بالشر نهار كامل زدتو تتمسخرو بيا_يابنتي شكون ضحك عليك _انت _وين ضحكت هاه شوفي منيش نضحك_راك تضحك من لتحت لتحت _ياربي صبرني على المصيبة الي بليتني بيها عندها طرف عقل وزاد راح_شكون هي الي بنص عقل انا _لا انا _كعاد غير عرفت روحك باين في صغرك طحت على راسك عليها تضرب مخك ويلت تخلط برك _متتحليش بزاف وطيري ترقدي_رايحة هاي ليك.
#فريال