قدر مراهقة

الجزء 74

#قدر_مراهقة
الجزء 74
هوما خرجو وانا بقيت في شومبرة نطل على البالكو حتى شفتو ديمارا باللوطو باش حليت الباب رحت نجري للكوزينة ناكل شوي لانو جعت تاع الصح . قليت فريت وسكالوب وحطيت ناكل باطة تاع هريسة كليتها وحدي ناكل ونتبنن ومفقتش بهذوك الي واقفين على الباب يتفرجو فيا وانا ولا على بالي حكمت الهريسة ناكل فيها بالمغرف كي شغل نوتيلا مارفدت راسي حتى كملتها ،  مع جيت واقفة باش نلم الطابلة لقيتهم يشوفو فيا ومصدومين من حقهم اي واحد في بلاصتهم يتشوكا شكون العبد الي ياكل لهريسة بالمغرف وحدها ويكمل باطة كامل غير المهبول. مديتهاش فيهم رفدت لماعن غسلتهم وفت لدوش توضيت ورحت صليت ، تفكرت رنيم قولت نروح نسقسيها وش قالها الطبيب ( ماشي غاضتني ولا آنبني ضميري لا بالعكس كان لازم نديرلها هك من زمان باش يبرد قلبي) . رحت لقيتها تتعافر مع الماكلة الي جابها مجد باش تحطها ، عاونتها حطو ياكلو وانا بقيت نتفرج فيهم ولا نقولو نتفرج فيه كيفاه ياكل ويحرك فمو وبقيت نثبت مع ملامحو وبالخصوص خدودو منعرف كيفاه جا في بالي نعضو منهم. ستنيتهم خلصو لميت الطابلة رنيم مقدرتش راحت ترقد اصلا مابيها والو غير صربات صغار والطبيب عطالها دوا تاع السطر لانو ة الي في يدها كبيرة بزاف طيرتلها لحمها قالها الكلب الي عضك باين عليه جيعان (قولتلو في قلبي نهار نشدك. نوريلك الكلب كي داير اواحد الخامج انا تردني كلب اصبر يجي نهار وطيح في يدي ونوريلك وصح طاح في يدي وخرجتها من عينيه).  مجد جا خارج عيطتلو قولتلو ياك قبيل قلتلي احكيلي كلش وانا حكيتلك بشرط _ اهيه وشنو هو شرطك _ بغيضت نعضك على خدك _ وشنووو _ كيما سمعت _ انت مهبولة ولا تتمهبلي عليا انا ايا قودي من قدامي لا نفلعصك الليلة رخفتلك بزاف وليتي حابة تعضي من غدوا تجي تقوليلي حابة نضربك وهنا تكمل معايا _ دبر راسك تخليني نعضك انت قلتلي قابل بشرطك صاي متقدرش تتراجع دبر راسك _ وش بيك انت كلبتي _ حاشاك منيش كلبة حتى نكلب _شكون قالك بلي غير لكلاب الي يكلبو كاين عباد ويحكمهم داء الكلب كيما صرالك ذوك انت الصباح عصيتي رنيم وذوك يغيتي تعضيني وفليل تعصي الجيران _ لا مبغيتش نعض الجيران انت خير عجبوني خدودك تعيش خليني نعضك _ ايا قودي من وجهي جاياتك عادي تعضيني من خدي _ ايه عادي وش فيها خليني نعضك وعضني عادي _ مهبولة انت اني راجل ومجاياش نخرج لبرا معضوض وش يقولو الناس عليا _ عادي وش دخلهم كل واحد يلهى بروحو ويخلي غيرو بعيد عليه مفهمتش علاه الناس تعس غيرها تافهين _ انت تخممي هك بصح هوما لا كي يشوفو خدي معضوض حا يديروها حكاية كبيرة وانا مش ناقصني _ دبر راسك ياك قلتلي قابل بشرط والراجل ميرجعش في كلامو كي يمد كلمة صاي تتنفذ _ هاكي عضي يدي وسكتينا _ لا مبغيتش يدك يابسة حجرة خدك خير يهبل اصلا راني نتخيل فيك كي كنت صغيرة باين صغرون مدحدح وتهبل تصلم غير للعض _ يعني خليتي خدودك الطريين وجاية لخدي اليابس _ عادي ميهمنيش يكون يابس ولا طري انا تشهيت نعضو وانت دبر راسك _ مكانس غير مطمعيش هو قالي هك وانا طرطڨت بلبكا دمعة وخنونة ونغرد فوق راسو تقول عطاني طريحة حتى رنيم جات تجري يبالها ضربني ودخلت ديراكت بعدت مجد عليا وحضنتني قالتلو ياك حكيتلك كلش وهي ضربتني عادي نستاهل وصاي تصافينا علاه عليك تضربها _ والله مضربتها مدرتلها والو هي وحدها ناضت تندب _ علاه تكذب وتقول مدرتلها والو انت سبابي _ وش دارلك قوليلي حنونة _ قوليلها وش طلبتي مني وانا مقبلتش _ ياك الصباح قالي قابل بشرطك وانت كنتي شاهدة _ ايه صح _ وذوك او دار في كلامو محبش يقبل بشرطي _ قوليلها وش هو شرطك الغريب الي يخليي العبد مشوكي _ ميرال وشنو هو شرطك _ بغيت نعضو على خدو هذا ماكان (قلتلها وانا مزالني نبكي ونشهڨ حاسة بالحڨرة لانو كول حياتي الشي الي نطلبو يجيني يا بالتسيتيت يا بالغصب والمرة هذي محبش ينفذلي طلبي بغيت نعضو حاسة قلبي حا يخرج لوكان منعضوش).
#فريال