قدر مراهقة

الجزء 30

#قدر_مراهقة
الجزء 30
مع خرجت نلقى الحالة مهولة البارود القرقابو الغاشي عرام ولاد عمي وخاوتي وخاوتو وولاد عمومو وخوالو يشطحو مدايرين جو هبال. دارونا فالنص وقعدو يشطحو النسا يزغرتو مجد محبش نبقى واقفة في نصهم ركبني فلوطو وقالهم نديماريو راح الحال. ديمارا الكورتاج وش نقولكم دارلي كورتاج يهبل غاية انا صح كرهتو بصح عجبني كي دارلي عرس  بالقيمة وشان وخلى الناس كامل تحكي عليه. قعدو يلعبو بلوطوات هو وصحابو ودار اغينة (enfin ديت شتا تمنيت غير انا وهي والزغاريت نديرو لباق ياعمري ونتعاهدو على هموم الدنيا انايا نتاحدو 🎵🎶مبروك مبروك علينا صايي صايي تهنينا صافي بليزير فرحنا والدينا فالحلال ياعمري انايا تلاقينا 🎶🎵نبكو بالفرحة عمري ونستاهلو لابسة لبيض ودموعها يسيلو راكي في اسمي وقع الناس شاهدو ربي هنينا نفرحو ونزيدو. 🎶🎵مبروك مبروك علينا صايي صايي تهنينا صافي بليزير فرحنا والدينا فالحلال ياعمري انايا تلاقينا.🎵🎶تحقق حلمي وراكي مرتي الضحكة تاعك تورثها بنتي راه جاي الخير وربحتي عليا راني محظوظ وكي ديتك انتيا.🎶🎵مبروك مبروك علينا صايي صايي تهنينا صافي بليزير فرحنا والدينا  فالحلال ياعمري انايا تلاقينا.). انا كي شفتو فرحان وعاجبو الحال وانا نار ساعلة في قلبي قلت كيفاه هو غلط وراهو يضحك ويشطح وانا الي معندي حتى ذنب راني فشي الي صرا راني مهمومة ونخمم، خممت وقلت لازم نقلقو ونخربلو فرحتو نقصت لصوت لغنا وقولتلو ديت شاتمنيت امالا ديتو بالاغت. صاب والقوة الراجل يدي الي يحبها بلحلال ماشي بلحرام يصونها ويحافظ عليها وعلى شرفها لنهار الي تدخل دارو بالغنا وزغاريت وقدام ناس الكل لثم وين يتوشيها ماشي كيفك انت ديت وحدة مكسرة وش يقولو عليا الناس قح** حتى شبع منها باش داها. عيط عليا وخبط الفولا حتى لعبت بينا اللوطو مزية كان يسوق بلعقل ومدارش فيتاس ولا كانت تقلبت بينا للحظة تمنيتها تتقلب ونموتو او بالاحرى نموت انا ونتهنى جيت نلوح يدي للفولا نحركها باتجاه الثاني زرب حكملي يدي وعيط عليا_شبيه ر**هبلتي اليوم وش بغيتي ديري قوللللي_وووش دخلك فيا مدبرش_كيفاه هذي مندبرش راني راجلك اذا نسيتي _راجلي بالاسم برك مكلاه تصدق روحك وتبدا تتحكم فيا لانو نوريلك وجهي الثاني _قولي والله وريلي تراه وجهك الثاني ووش حاديري_ بلع برك_ميرااااال متجهلينيش وخلي النهار هذا يفوت بلا مشاكل_منخليهش يفوت عادي ماشي انت تغلط وفوق هاذ الشي فرحان وانا الي معندي حتى ذنب فشي الي صرا نتعذب لازم عليك تتعذب كيفي_شكون قالك منيش نتعذب كل ليلة نبات نخمم وندعي ربي يغفرلي على الغلطة الي درتها _مكلاه تعب روحك ربي مش راح يغفرلك الذنب هذا يالكلب_بلللعي بلعععي حرف منزيدش نسمعو انت مكيش تاع مسايرة انت ماتفهمي غير بالعين لحمرا_خفت منك راني نترعد _خافي مني وبزاف والله يافمك هذا غير مانكسرهولك_قيسني تشوف والله لانبقى دقيقة معاك_من بكري تحوسي عليها وانا مش راح نوصلك لبغيتيه _اليامات بيناتنا ونشوفو شكون يربح انا ولا انت. كمل يسوق وهو قلقان قريب يطرطق ويااا شحال نفرح كي نقلقو نحس روحي ملكت الدنيا ومافيها، يستاهل واحد ماقالو يغلط معايا خليه يتحمل نتيحة اعمالو باش يتربى وميزيدش يعاودها.
#فريال