قدر مراهقة

الجزء 48

#قدر_مراهقة
الجزء 48
بلع برك بزايد متضحك_ خلي نضحك ياك مش بفمك_ اضحك ولا اندب شرير _ والله هبلتيني مرة ترديني مشعوذ مرة مجرم مرة كلب وش بيك انت تبالي خدعوني ومدولي بيبي صغير يتآثر بالافلام _ناناك الي صغيرة _هيا برك لمي قشك ولميلي قشي معاك انا نشوف شكون يجي ينظف الخرابة هذي مخليتيش حاجة تصلح _تستاهل هذا وين برد شوي قلبي ومزال نزيد نكمل _اذا تكسار لحوايح يريحك فتفضلي كسري حتى تشبعي المهم ترتاحي _منين راك تجيب في دراهم _اكي علبالك هذا وين قولتيها _ يعني شكوكي طلعت صحيحة _ههههههه نية بزاف وش نقولك تصدقي مهبولة_ جاوبتي منين راك تجيب في دراهم وانت متخدمش _ شكون قالك منيش نخدم _تظل مقابلني وانت قولتلي ديت عطلة شهرين _ ايه ديت عطلة والسمانة الجاية نرجع نخدم _وش تخدم _منقولش _علاه عليك والله الفضول قتلنية_ انا مهندس معماري وعندي شركة خاصة بمواد البناء _منين جاوك الدراهم باش تأسس شركة وحدك باين شركة باباك هو الي آسسها وانت جيت بالراقدة حكمتها_هي صح دراهم بابا بصح انا الي درت كلش بديت من الصفر وحدي وطلعتها وكي بديت نربح رديتلو دراهمو _قول والله ظهرت قافز وانا الي كنت حاطاتك حمار متنفع لوالو _ميرال ريڨلي فمك خيرلتك وطيري وجدي روحك نروح ندي دراهم لراجل ونرجع نلقاك لميتي حوايجك _وش من دراهم _دراهم السلعة جبدتهم البارح من لابوست ومقعدتش باش نوصلهم لراجل  خبيتهم هنا نسيت نديهم الصباح ورجعت على جالهم_ متقوليش هذوك الي كانو فصاشي كحلة _ايه هوما شفتيهم_ ايه هاتيهملي امالا ازربي راني طولت عليه_مكانش _كيفاه هذي مكانش هذا وين قولتيلي شفتهم_ايه صح شفتهم وذوك مكانوش _وين راحو _حرقتهم _وشنو _كيما سمعت حرقتهم_وش داك اربي وش داك هبلتي حتى تحرقي الدراهم وش عندك  في دماغك حمار راقد ولا وش علاه تحرقي عزرينهم _حسبتهم دراهم حرام عليها_ناعل راستك هذا مانقولك بغلة ذوك انا كيفاه ندير مع راجل او يستنى _بلع برك بيك شوي دراهم ذوك نردهملك نقول لبابا يمدلي ونردلك نعيك_قولي والله _ايه نردهم اصلا منحبش نكون مديونة لاي شخص _وراكي واجدة تسلكي دينك _ايه ننسلكو كامل متخافش كي نوصلو لهيت نمدلم دراهمك كاملين _منحبش دراهم انا_وش تحب امالا_عندك حوايج اهم من الدراهم واذا راكي مصرة تعوضي وش حرقتي فراني قابل تمديلي  _وش نمدلك انا_حقي _وش من حق _ حقي الشرعي _راح تشكي بيا عادي ميهمش مش خايفة منك دير وش تحب_اربي وش المصيبة هذي الي عندي _وش درت _انا نقولك حقي الشرعي وانت تقوليلي راح تشكي بيا _هاو انت قولت وانا هذا وش فهمت _حقي الشرعي هو حقي فلفراش حقي نبوس ونحضن ونرقد مع مرتي هذا هو _بوس عينك متحشمش رخيس والله بوسة ماتديها مني وحقك غير انساه ومتزيدش تحط يدك عليا _نشوفوها ليام بيناتنا وانت الي راح تجي عندي وديريها _احلام سعيدة فيق برك اك بديت تخرط قالو نجي انا نبوسك ناناك والله مصرات (وخرجت هدرتو صح وانا الي درتها لولى)_اشفاي على كلامك مليح مليح _راني شافية عليه وشافية على نهار اغت.صبتني وديتلي شرفي وفي جرتك وليت نتخيط ونتوجع ويشوفو فيا بنظرة اشمئزاز وقرف كي شغل انا حاجة خامجة ولا فايحة وهذا كامل بسبابك انت _مش راح تنساي _مستحيل ننسى هذاك نهار كنت نترجى فيك ونبكي ونحلل وانت مرحمتنيش _ اسمحيلي هذا مانقدر نقول وراح ندير كل ما في جهدي باش نسيك فيها ونعوضك، قال كلامو وخرج وانا نضت نلم في قشي وزدت لميت قشو رفدت تريكوه وبقيت نشم فيه ريحتو هبلتني عشقتها اليامات هذو نخليه يخرج ونوض نشمها ولاتلي ادمان.
#فريال