قدر مراهقة

الجزء 58

#قدر_مراهقة
الجزء58
كيفاااه هذي نخيط كيفاه رايحة تهبليني ولا وش _اخطيني برك رحمة على ولديك ياك ضربتني على جال الق*** الي وراك _ مضربتكش على جالها ضربتك على تخسار الهدرة والتطياح الي كنتي طيحيه قدامنا وفوقها دزيتي يماك متحشميش _ايه انا منحشمش روح تقود وش حاديرلي تضربني ولا تحاوزني ولا تذلني وتعفسني قدام راجلي باش حتى هو يشمت فيا ويكمل _ مش حانزيد نضربك لانو انت هبلتي وعقلك طار وحتى ونبقى نضرب منا للعام الجاي حاجة متتغير يقولو الي فيه صنعة ماتتنحى وانت من صغرك هك وانا قولت بعد زواجك تترباي بصح صرا العكس وزدتي هجتي وفزدتي _ايه فزدت وعلبالك وعلاه بسبابك انت لانك وقفت مع صاحبك وخرجتني كذابة معليش انا غلطت وكامل نغلطو بصح كان واجب عليك توقف جنبي قدام الناس بصح انت درت العكس وخليت الي يسوا والي ميسواش يضحك عليا حياتي دمرت بسبابك انت وحدك وانا مش حانحبس حتى ندمرلك حياتك _ يمااااا احكمي بنتك ولا الليلة نقتلها وربي كبير مش ناقصني مهابل انا همي يكفيني واذا مش قادرة تشديها عيطي لراجلها يجي يروحها _ايه اصلا هذا فواش شاطر كلمة زوج تعيط لراجلي وتقولو ارواح ادي مرتك وهذاك يبقى شادهالي ونهار نتقابض معاه يخسر عليا زوج كلمات داركم حاوزوك وانا لثم نسكت منلقى مانقول لانو خويا لعزيز حاوزني وقدام راجلي بعد قالو احكم خماجك تشفى نهار عرسي كيفاه دزيتني ولا متشفاش كي جيت نخرج من دارنا وحبيت نحضنك دزيتني وقولتلي عمرك تعاودي ديريها ميشرفنيش ق*** كيفك تحضني ولا تكون ختي ولوكان غير قولتهالي كي كنت وحدي _ياك كنا انا وياك برك وواحد ماكان معانا _ لا كان فراس معانا صاحبك كان قدام الباب وسمع كلش وفليلة عرسي رخسني وعاودلي كلامك وكان مسجلو وطول فترة زواجنا يفكرني بيه حتى انو سجلو وديما يسمعني كلامك المسموم عليها حقدت عليك وكرهتك ونبقى نكرهك لآخر يوم بعمري صك انت كنت سندي وديما واقف معايا بصح من نهار غلطت انت تبدلت بزاف وجرحتني _ وش بغيتي ندير نبقى كيما كنت ونتصرف كأنو ماصرا والو اااه قولي كي شغل مدرتي والو ومش انت الي لقيناك في الاوتال معا صاحبي اربي صاحبي او كي خويا ملقيتي غير هو حتى تلصقي فيه انا فهذاك النهار خسرت خويا وختي وتحطمت ثقتي فيهم وفناس الكل اذا ختي من لحمي ودمي وغدرتني وش نستنى من البراني يديرلي ياو يقتلني وحلال عليه لانو نستاهل انا حمار نمشي بنيتي بصح خلاص مجد هذاك تاع زمان مات وصاي كات من 5سنين كي عيطولو وقالولو ارواح تشوف ختك وين لقيناها اي مع صاحبك لثم مصدقتش وكذبتهم بصح كي دخلت ولقيت فوق شريرو ومعاه لثم صاي عقل مابقا فيا وكي مذبحتكش اليوم هذاك راني مليح وبرغم من اني شفتك وكذبت وحتى كي قولتيلي او غتا. صبني صدقتك وروحت ليه شوهتو ولثم وين ورالي الحقيقة وكلش ليفوطو ليميساج وكيفاش انت بديتي دوري بيه ولصقتي.علبالي غلطت بصح كان لازم عليك توقف معايا  _ياااربي وشنو هذا مزالك تحلي في فمك مزالك برك ياووو راكي غالطة لوكان جات وحدة في بلاصتك اي راسها متهزوش من لرض _ وجهي صحيح كيما مرتك بعد _وشنو وش راكي تخرطي انت _منيش نخرط وش يبالك مفقتش بفضايحك معاها وانك توشيتها قبل الزواج عليها زربت خطبتها ودرت العرس تخاف يفيقولك. نطقت يماه سمااااح بلعيه والله وتزيدي كلمة غير انا الليلة الي نحاوزك من داري بلعيه متحشميش تحكي على شرف غيرك وانت اكثر وحدة تعرف قيمتو، دارت لمجد الي كان يغلي وحدو قريب يطرطق _ولدي اطلع لشومبرتك اي ختك مهبولة وانت علبالك بيها تحكي برك متوزنش كلامها وعلبالي ولدي ميغلطش ويديرها تربيتي ونعرفها مليح _اذا صح كيما تقولو ومجد مدارهاش خليه يوريلنا قطعة لقماش الي عليها دم عذرية عروستنا _سمااااااح والله اليوم موتك على يدي وربي كبير.
#فريال