قدر مراهقة

الجزء 93

#قدر_مراهقة
الجزء 93
بقيت نخمم كيفاه نعدل علاقتي بيه ونصلحها خصوصا ذوك موليتش وحدي وكاينة بنتي لازم نصلح علاقتي معاه باش كي تجي لدنيا هذي تلقى عائلة طبيعية بدون مشاكل تعيش في جو ملائم معبي حب وحنان وبإذن الله بنتي منقس عليها والو الي تطلبو يحضر نلعب معاها نمشطلها شعرها نلبسها نوكلها نخرجها لبرا معايا، متحمسة بزاف لنهار الي نرفدها فيه بين يديا ونبوسها منعرف لمن تشبه ليا ولا لباباها ياريت تجي تشبهلو خصوصا عينيه يهبلو توحشتو بزاف لازم نعيطلو. خرجت ماما راحت ترقد واسيل طلعت لسطح تحكي مع خطيبها انا جاتني على قلبي زي لعسل رحت قفلت الباب وبدلت قشي لبست شورط وبيستي جاوني مزيرين سمنت بزاف لبستي قبل الزواج كامل عادت تجيني مزيرة بصح خرجت عليا جيت نهبل احم احم حوحو يسكر في روحو. طلقت شعري وعدلتو ورحت عيطت لمجد رفد عليا ديراكت تقول كان ييتنى فيا، حكينا شوي قالي لباس لباس كنت ناوي نعيطلك ذوك هذا وين كملت الخدمة ياك راكي بخير _ رانا لباس في زوج متخافش علينا عيطتلك برك لانو انا احم بغيت نقولك _ قولي برك وش بغيتي _ غدوا رايحة نخرج مع ختي نشري شوي حوايج _ اوك براحتك اخرجي بصح متعبيش روحك بزاف لوكان جبتي كلش البارح خير راكي تهنيتي _ عولت على قشي الي خليتو هنا بصح لقيتو ضيق عليا سمنت بزاف وليت بقرة _ واحلى بقرة مسمنتيش بزاف غير كرشك خرجت شوي وهذا شي طبيعي _ ماشي غير كرشي الي زادت انا كولي زدت لوكان تشوفني ذوك وش لابسة تموت بالضحك عليا _ اي حاجة تلبسيها تجيك تهبل وحتى وتسماني راح نبقى نحبك _ احم مجد حابة بنتنا يخرجو عينيها كيفك _ خليتي عينيك الشابين وجيتي لعينيا لوكان غير تخرج بنتنا تشبهلك ليك _ لا ليك انت عينيك يهبلو بغيت نشوفهم توحشتهم _ توحشتي غير عينيا _ ايه بغيت نشوفهم ذوك لا نموت ونطرطق _ اوك ذوك نبعثلك فوطو لعينيا _ لا مبغيتش فوطو حابة نشوفهم وانت تحكي وتتحرك _ اوك الي يريحك افتحي لاكام  . فتحتها قابلي متكي على السرير صدرو عريان حاط يدو فوق راسو منظرو وهو هكاك يهبل _ شبعتي منهم ولا مزال _ مزال نحي يديك واقعد خليني نشبع من شوفتهم _ ربي يعيني عليك _ مش انا بنتك حبت تشوف عينيك _ ايه كلش يهون على جال بنتي. قعدت نشوف مع عينيه ونحاول نحفظهم عجبوني وهبلوني مام شعرو هابط على عينيه شوي تمنيت فاللحظة هذيك نعضو منعرف كيفاه زلقت وقولتلو حابة نعضك ناض يضحك عليا قالي نهار نحي عندك نديرو مسابقة تاع العض ونشوفو شكون الرابح _ طبعا انا نحكمك نعضك نطيرلك اللحمة خدودك نقلعهم _ انت عضي من الخد وانا نعضك من بلايص خير طرين بزاف.
#فريال