قدر مراهقة

الجزء 10

#قدر_مراهقة
الجزء 10
قعد يضرب في يديه ويقول علاش علاش درت هكا فطفلة الي نحبها كنت ناويها حلالي معولتش خلاص نكسرها ويعيط، هو هكاك ويطبطب الباب رنيم تعيط افتحو الباب وش صرا مجد افتح متقولش ضربتها والله وديرها لانزيد نحكي معاك انت قولتلي نحكي معاها مقلتش نضربها ممممممجد افتتتتح افتتتتح ولا نعيط لماما، راح فتحلها الباب دخلت وهو هبط راسو شافتني وشافت قشي يطايش فلرض كي شغل فهمت ومفهمتش _غير قولي مدرتهاش غير قولي مستحيل نديرها انا خوك وتعرفي تربيتي مستحيل ندير عفسة عيانة كيف هذي انطططططق احكي قول كلش كذب وش راني نشوف حلم كابوس مهوش واقع، راحت ليه وتخلخل فيه مجد قول بلي انت مدرتهاش انطق ياخويا احكي برر موقفك فهمني انت مستحيل دير هاذ الشي يااااااا مجججججد انطق تعيشي فهمني. بقا ساكت ومهبط راسو هي تبكي وتحلل فيه باش ينطق وهو ساكت، دارت ليا لقاتني نشوف قربت ليا شافت رقبتي وذرعيا مطراسيين ومخبوشين فهمت كلش ناضت تسب وتعاير فيه مخلات ماقالتلو اول مرة طيحلو _يارخيس الغدار هذا هو حبك ليها هكا دير لطفلة الي ناويها حلالك وتعشقها انطططق يالغدار انطق وعلاه درت هكا ياخي جيت عندي قولتلي جيبيها نحكي معاها برك منديرلها والو وحلفت وعلاه عليك هكا متخافش ربي يخرجها فيك وفي خواتاتك وعلاه وعلااااااااه درت هكا حطمت حياتها ، طاحت تبكي هو كلمة مقالهاش. انا فلحظة هذيك مقدرت ندير والو كي شغل راني في حلم ونستنى نفيق منو بصح للآسف كلش حقيقي ومعاناتي بدات اليوم ومنعرف وكتاه تخلاص، حياتي دمرت شرفي الي عندي سنين محافظة عليه ضاع ومش راح يرجع بساب فمي تدمرت حياتي ودفعت الثمن غالي ومزال نزيد ندفع بدمي وروحي..
#فريال