قدر مراهقة

الجزء 69

#قدر_مراهقة
الجزء 69
خرجنا من ريسطو وروحنا لواحد الجاردة كبيرة تهبل فيها تقريبا ليكوبل فرات اصلا قليل وين تلقاي عايلة برا ولا تحوس هنا كامل يروحو لولايات اخرى ويخليوها لانو في الصيف تتعبى بالسياح وتتخلط.  قعدنا نقصرو انا وياها ورجعنا كيف زمان انا اصلا نسيت وش دارت فيا ولا نقولو مش حابة نتفكر فاللحظة هاذي احسنلي ننسى ونعيش اللحظة ونشبع تحواس وكي نروح نتفاهم معاها ولا نخلي لغدوا خير نحسسها بالأمان ومن بعد نصدمها.  شفت الي يبيع شعر البنات (غزل البنات كل واحد كيفاه يقولو) روحت نجري جبت 3 منعرف علاه درت هك بصح كان احساسي في محلو تقول كنت عارفة لمن جبت الثالث. كليت انا زوج ورنيم واحد ليه ليه خلصتو وكانو زوح ليجان مڨابلينا يشوفو معانا واحد فسهم نطق قالي بلعقل على روحك متخافيش او ميهربش منك واذا هرب نزيد نشريلك جيت نرد عليه من بعد سكت علبالي حا تنوض كحلة بنياتنا وتكبر لحكاية ومجد وصاني على المشاكل قالي اخطيك منهم . قولت لرنيم هيا نروحو نروحو خير لا نبتلي في كاش واحد اليوم، نضنا نمشيو وهوما لاحقينا الكلاب والله ماحشمو اصلا من شكلهم باين بلي رخاس وتاع خامجين ، سمطتهم وكملت طريقي وهوما ماحشمو ماسكتو مكملين في هدرتهم الفايحة ويقولو واحد الالفاظ كارثية. شفت مع رنيم لقيتها تحكي في تليفون وتقولو رانا في السونتر فيل بعد قدام الجاردة الفلانية.. ايه معليش ذوك نستناوك.. لباس مصرا والو.. ايا اوك باي. دارت ليا قالتلي هذا مجد عيا يعيطلك مهزيتيش _ اي نسيت تليفوني في الدار _ معليش او جاي يروحنا ذوك راح الحال _ شحال الساعة _ راي 17 _ اخلايا محسيتش بالوقت فات ليه ليه _ قعدنا نستناو فيه وهذوك الكلاب جاو قعدو قدامنا بعدنا وزادو لحقو ، انا مصبرة روحي بالسيف باش منخلطش عزرينهم اليوم نخلي مجد يتولاهم.  ڨارا مجد قدامنا كي لقا الخامجين واقفين معانا كان يحسابلو بلي حنا الي بغينا نثصرو معاهم نزل دياركت جبدني من يدي جرجرني لطوموبيل قالي وش موقف ر** معاهم _ مش انا اي هوما تبلاونا وهاي رنيم شاهدة والله ماحكيت معاهم _ اركبي تشوفي نروح نربسهم ونجي نوريلهم كيقاه يتبلاو مرتي _ روح برك وانا نبقى نتفرج تعرفني نحب المشاكل والباڨارات _ والله غير مهبولة كل لبنات جايين خوافات غير انت عكسهم ياربي وش الطفلة الي بليتني بيها _ احمد ربي ليل ونهار كي طيحك فيا دور الدنيا كامل متلقاش كيفي انا استثنائية ومختلفة _ مطيريش بزاف اخرتك فلرض تمشي على رجليك. راح ليهم ديراكت ماحكاش كلمة دخل فالروجي المقود هذاك بدماغ جابو طايح اصلا كانت باينة تكمل كيما هك فيه غير الفم واليد ربي يجيب راجل شكلا وفالفعل رويجل ولا نقولو فرويتي،  زاد دار لوخر خبطو بكوتبي وطاح فيهم ييضرب بالدالة وهوما ثاني يضربوه واحد فيهم خبطو بونية جيهة عينو اويلي قلبي لثم طاح ( غير عينيه الي عجبوني وجا الكلب هذا فزدهم والله غير حرام عليه ذوك انا فواش نشوف ونغيص في نعيهم الله لا تربحهم كلاب)،  زادو لحق واحد صاحبهم انا غير شفتو خلعت بصحتو كيف الداب طول وعرض دخل في مجد بدماغ انا قلت قتلو صاي ورجعت هجالة على اول عمري،  مجد بعد مش ساهل ضربو بصك مقدرش لانو هوما في 3 وهو وحدو وصابحهم جاب معاه عصا كبيرة وغفلو وعطاه ليدو، كي شفت الدعوة تخلطت وراح يقتلولي راجلي مشتيتش عليه حتى ويكون دار فيا الشر بصح يبقى راجلي ناكلو انا ونعضو ومنسمحش لغيري يقيسو خلاص خلاص. رفدت حجرة من لرض وخبطتها على راس الداب هذاك الضخم كان جاي ليا حكمو مجد مرمدو والناس تلمت علينا دخلو فكوهم وصاي تفرقو هذوك الكلاب خافو من لابوليس اصلا باين من اشكالهم بلي تاع حباس ڨاع موشمين. ديمارينا ديراكسيو لدار وصلنا رنيم هزت لحوايج وفاتت لشومبرتها وانا لحقت مجد جبت علبة الاسعافات الاولية وداويتلو جراحو،  عندو جرح في شفتو التحتانية وجيهة جبهتو وعينو تنفخت درتلها شوي ثلج، بقيت نمس في عينو وشفتو مفقتش بروحي كيفاه بستو على شفتو وبعدت نبكي اليامات هذو وليت حساسة بزاف على ابسط حاجة نزعف ويغيضني الحال وحاجة داخلي تدفعني ليه تخليني نبوسو ونحضنو شكيت بديت نهبل ويورح عقلي.
#فريال