قدر مراهقة

الجزء 89

#قدر_مراهقة
الجزء 89
علبالك الي درتيه يسمى انتحار انت حاولتي تقتلي زوج رواح باش تحرقيلي قلبي رجعتي بلا قلب لدرجة هذي قلبك قساح ومولتيش تفرقي بين الغلط والصح قولييي انطقي ارب العالي متسكتيش سكوتك راهو يقتلني يخليني نزيد نجن _ اسمحلي والله غير ندمانة منزيديش نعاودها _ الي لازم تطلبي منها سماح هي هذي (حط يدو فوق كرشي) اطلبي السماح من بنتي الي آذيتيه وكانت راح تموت بسبابك _ طلبت السماح وندمت ومهيش بنتك وحدك راهي بنتنا لزوج واذا راك تخمم تديهالي غير احلم وزيد بنتي والله منمدهالك تبقى معايا منتخلاش عليها _ شكون قالك رايح نبعدك على بنتك _ باينة راح تبعدني عليها وطلقني ميهمنيش فيك حاب طلق ولا تقعد بصح بنتي منقدرش نبعد عليها صح حاولت نقتلها وندمت وكانت فاحظة غضب غرني الشيطان تعماو عينيا مكنتش نخمم كنت خايفة يفيقو والديا بيا ويكرهوني منقدرش نخسرهم _ وش راكي تخلطي راكي في عقلك شكون قالك ناوي نطلقك _ انت قولت _ وكتاه هذي سمعتيها من فمي قولتلك رايح نطلقك _ مسمعتهاش بصح كنت تمعني وتقولي كرهت منك ومن مشاكلك واليامات الي فاتو كامل كنت متجاهلني ومتحكيش معايا يعني صح كرهت مني _ ياربي على البغلة الي بليتني بيها وعلاه تتخيلي بزاف انا صح مكنتش نحكي معاك ونتجنبك باش منقلقكش انت بفمك قولتيلي راني نكرهك ومنحبش نشوفك قدامي ولا نسمع صوتك وانا نفذت وش بغيتي وبالنسبة لحكاية والديك يعرفو بحملك عادي واذا عرفو ياك رانا متزوجين وانت مدرتي حتى غلطة انا المذنب الوحيد واذا حبيتي نحكيلهم كلش وش درت فيك كامل وهوما اكيد راح يوقفو معاك _ لا متحكيلهم والو مبغيتش يعرفو الي فات مات الشي الي صرا خليه بيناتنا حنا في 3 انا وياك ورنيم ومكلاه يخرج ويسمعو بيه مش حابة بنتي تتقاس يالوكان بكلمة علبالي راك تقول شبيها هذي تبدلت ياك كانت تكرها وتتمنالها الموت وذوك ولات متعلقة بيها ندمت بزاف وعرفت قيمتها وراح ندير الي نقدرو باش نحافظ عليها ونربيها ونتمنى منك متبعدنيش عليها _ متخافيش مستحيل نبعدك على بنتك اصلا منقدرش نعيش بلا بيكم _ مجد _ وش بغيتي _ توحشت ريحتك _ وشنو _ معليش تقرب نشم ريحتك شوي _ عندك تعضيني كيف المرة الي فاتت اذا حابة تعضي هاي ليك يدي ولا صدري رقبتي متقيسيهاش _ لا منعضكش نشم ريحتك برك. قرب ليا طلعت يديا وحضنتو دخلت راسي في رقبتو وبقيت نشم فيه وهو يزير فيا عندو. بقيت على هذيك الحالة حتى بعدني عليه ومسحلي دموعي _ تجي تهبلي بالدموع بصح لخناين فزدوها عليك امشي اغسلي وجهك يالبكاية نهار كامل وانت تهرنني. ىحت غسلت وجهي وجيت لبيت حجابي هو رفد الكابة وحط حكملي يدي يمشي فيا بالشوي لحد الان منقدرش نمشي مليح فشلت ومع وحمي مزالو مخلصش تفابليت لوكان مش هو حاكمني راني طحت.
#فريال