قدر مراهقة

الجزء 26

#قدر_مراهقة
الجزء 26
ازرع ينبت_شوفي فيا اسع ونحكي _مكلاه منيش قادرة نشوف فوجهك_اوك براحتك علبالي غلطتي كبيرة ومش راح تنساي بسهولة كبيرة لازملك وقت _حتى ويفوتو سنين مش راح ننسى ولا نسامحك الشي الي درتو فيا منقدرش نغفرهولك_اولا مبروك عليك الحجاب جاك يهبل كعاد خير قبلتي ودرتيه_مدرتوش خوفا منك اصلا كنت ناوية نديرو مصلحتليش برك كلش جا ورا بعضو_المهم ثانيا انت علبالك بلي انا وياك اليوم عقدنا ووليتي مرتي قدام الناس كامل والسمانة الجاية تدخلي لداري _ايه علبالي بيها كاش جديد _علبالي بلي تكرهيني اما قدام دارنا حاولي تتصرفي بعكس مشاعرك ومتبينيلهمش وتخليهم يبداو يشكو فينا واذا شكو راح يحوسو يفهمو كلش ويعرفو _خايف يعرفو ولدهم شحال رخيس وبلا قلب واستغلالي للفرص_حتى وعرفو معندهم مايديرولي انت الي راح تنفضحي اما انا ولدهم وراح يوقفو معايا_ايه في هذي عندك الحق اصلا مجتمعنا ذكوري بزاف _المهم بعد الزواج راح نروحو منا كيما تعرفي انا نخدم فولاية*** وراح نديك لثم واصلا عندي دار وموجدها فيها كلش _وعلاه متخلينيش هنا وتروح انت تخدم _وين نخليك_مع داركم _لا مستحيل صح عندي طاج معاهم مخدوم من كلش بصح منقدرش نخليك هنا وانا لهيت منرتاحش_متخافش مش راح نهرب_علبالي متهربيش بصح نخليك قدام عيني خير وزيد انت متعرفيش عقليتهم وكيفاش مدايرين نخاف نخليك هنا ويحڨروك _وعلاه يحڨروني تشوف فيا بيبي صغير _ماشي هكاك بصح افهميني علبالي ماما مستحيل تقيصك بصح نخاف خواتاتي ولا وحدة من نسا خاوتي تغلط معاك وانا بعيد _كي شغل انا نسكتلها _منحبش المشاكل ولهذا من الاحسن نديك معايا ماتعاشريهم ماتتقابضي معاهم _خلاص فهمنا_وكي نوصلو لهيت نسجلك فايكول بريفي تكملي قرايتك_مكلاه منيش حابة نقرا بكل ولا نكملها من بعد عملتك فيا كرهت لقراية وكلش يتعلق بيها _انا مندخلش فيك حابة تكملي قرايتك كمليها وانا راح نوقف معاك ونساندك واذا محبيتيش اقعدي نهار تقرري ترجعي تقراي ارجعي براحتك_خلصت هيا خلينا نروحو راح الحال _نروحو نتغداو اسع _لا مكلاه منيش جيعانة. ديمارا طول الطريق وحنا ساكتين انا حاطة راسي على الكارو ونخمم فمستقبلي المجهول شوي هك وصلنا لدار انا نزلت طلعت ديراكت كاين مكاين حتى واحد كامل راحو لاصال، فت ديراكت نحيت قشي ودوشت لقيت ختي واسراء يوجدو فحوايجي تاع تصديرة باش يديوهم لاصال وانا تكيت شوي تعبانة نحب نرقد نضت الصباح بكري مع نحط راسي غمضت عينيا شوي ونوضتني ماما_هيا يالالة الناس تستنى فيك وانت راقدة نوضي راح الحال ياربي ماتوحدي روحك_خليني نزيد شوي_مكانش شوي هذي هيا_اففففف، لبست الحجاب تاعي وخرجت لقيت خليل هو الي وصلنا انا ولبنات وماما خليتها تلم فلحوايج باش تلحقنا. وصلنا لاصال فت ديراكت لشمبرة وين كانت تستنى فيا لاكوافوز والبنات الي يخدمو معاها، جبت 3سوايع باش كملت وحدة خدمتلي شعري ووحدة ظفاري ووحدة عقاب المكياج كي خلصو شفت روحي حرت قولتلهم شكون هذيناضو يضحكو عليا، بدلوني تاع صح المكياج شاغجي بزاف وبدلني 180درجة كامل حارو فيا، لبست تصديرتي بديت بالشدة التلمسانية هذاك هو ياربي ونكمل وديجا جاو اهل لعريس كانت18،خرجت بديت ندور كي عارضة الازياء الغاشي كامل مركز معايا تقول خارجة عريانة دورت شوي وتصورت وزدت عاودت دخلت نبدل لبست البلوزة الوهرانية وخرجت نمشي ونكركر فرجليا تعبت وزيد من صباح ماكليت والو تصورت مع لفامي تاعي وتاعو ورفدت السلة تاع القاطو وبديت نفرق عليهم ماجيت نكمل روحي خرجت، هكا وقالولي مزال تزيدي تكملي دخلت لشمبرة رتحت شوي وقولتلهم جيبولي نرهج آسع من بعد نكمل.
#فريال