قدر مراهقة

الجزء 15

#قدر_مراهقة
الجزء 15
فقت الصباح على 10وقفت بالسيف مزال عندي شوي حريق بصح خير من بكري روحت غسلت وجهي مع نخرج نلقا رنيم في وجهي_صباح الخير كيفاش صبحتي تنحى عليك شوي _وش دخلك فيا لوكان جيت نهمك راكي متغدريني_خلاص والله غير قلبي واجعني منقدرش نرقد من تآنيب الضمير _انت عندك قلب وانا لا انت تحسي وانا الي دمرت حياتي منحسش بوالو _مقصديش هكا _ووووش قصدك امالا _اسمحيلي _بهاذ البساطة تطلبي فالسماح بعد واش بعد ماتعاونتي انت والكلب هذاك ودمرتولي حياتي جاية تقوليلي اسمحيلي منسمحش روحي تقودي عليا _علبالي ذوك مجروحة كي يتنحى عليك ونحكيو_منحكيو لا ذوك لامن بعد ومذابيك وجهك متزيديش توريهولي لا نعطيك طريحة _بغيتي تضربي اضربي المهم اسمحيلي والله ماعولت يصرا هكا _منسمحش وهيا اعطيني كاش حاجة نلبسها نروح لدارنا ونتهنى من وجهك _تقدري تمشي وحدك ولا نوصلك_معندووو مدخلك فيا نمشي ولا نزحف شغلي هذا_خلاص متعيطيش. جبدت من خزانتها روبة طويلة لبستها وهزيت حوايجي وتليفوني شفتو مابقا فيه مايصلح ديتو وهبطت على الدروج هذوك بالسيف ماوصلت وهي من ورايا كل ماتجي تهاوني نضربلها يدها، جيت خارجة من دارهم لحقتني سبيتها طيحتلها والو مبغاتش ترجع وصلتني لباب الدار فتحتلنا ماما عيات فيها باش تدخل محبتش_بنتي رنيم فوتي اقعدي شوي _لا تعيشي خالتي سلمى زربانة ذوك يجي خويا يديني لدار عمي نقعدو لثم باش نوجدو معاهم تعرفي بناتو كامل تزوجو بقات غير وحدة صغيرة متعرف والو _ايه عندك الحق _باي خالتو واتهلاي في روحك. هي راحت وحنا دخلنا ماجيت نلطع الدروج بالسيف حتى ماما حارت فيا _شبيك بنتي _والو راني لباس _متكذبيش عليا وجهك صفر كي الحبة تاع القارص وبالسيف ماتمشي _عندي شوي سطر تاع مدام غوج _هيا نديك لطبيب_لا لا مكلاه ذوك نرقد يتنحى عليا _روحي بدلي قشك ذوك نجيبلك تيزانة بلاك يخف عليك شوي _مكلاه تعرفيني منحبهاش_قولتلك امشي لشمبرتك ومتناقشينيش بزاف. هبطت راسي وكملت لشمبرتي لقيت ختي مزالها راقدة اليوم متقراش بدلت قشي وتكيت دخلت ماما مدتلي التيزانة شربتها وتغطيت _ميرال بنتي عندي هدرة معاك_وش كان ماما غير الخير _متخافيش حاجة تاع خير وحنا مبغيناش نقررو حتى نسقسوك انت_وش كاين_مجد ولد $$$ _وش بغا_جا لعندك باباك خطبك وحنا مبغيناش نردولو حتى نشاوروك بالنهاية هي حياتك انت وكيما خلينا ختك تقرر وتتزوج الشخص الي تحبو حتى انت نخليوك تخيري شريك حياتك ومن رأي مكلاه تقلبي مزالك صغيرة والحياة قدامك وهو حسب ماقال لباباك حاب يهز منا على شهر زربان _وش رايك انت _والله تحبي نقول الصراحة الطفل والديه ماشاء الله الناس كامل تشهد بهاذ الشي وزيد هو صاحب خوك وديما يشكر فيه وحتى باباك مايقول فيه غير الخير وقالي نتمنى يبعثلي ربي راجل كيفو يناسبني _قابلة_خممي مليح ومن بعد اعطينا جوابك متنسايش الزواج عشرة عمر ماشي يوم واحد ولا شهر _بما انو كامل تحبوه وتحكيو عليه غير الخير فانا قابلة _ميرال ماشي انت وياه تحكيو مع بعض ولا _لا منحكيوش اما انا نحبو وقابلة نتزوجو_العرس منا على شهر ميطولش _ايه عادي مذابيا نتزوج باسرع وقت_متأكدة _ايه تعرفيني مانحيكش لوكان منيش متأكدة وين راح نلقى واحد كيفو الناس الكل تشكر فيه _امالا نروح نعيط لباباك باش يقولهم قابلبين. هي خرجت وانا قعدت نخمم وش مخبيتلي الدنيا قبل يومين كنت فرحانة وذوك راني مهمومة وراح نتزوج بالانسان الي نكرهو ومنحملوش الي خذا مني اااه يادنيا الغدارة وش مزالك مخبيتلي واش هذي هي بداية احزاني وآلامي.
#فريال