قدر مراهقة

الجزء 101

#قدر_مراهقة
الجزء 101
قعدت نطلع ونهبط في الفيس حكيت شوي مع رنيم قالتلي ممكن نجي نقعد عندك يامات ومنها نخرجو مع بعض باش نبدا نجهز خوك كل يوم براي مرة يقولي نديرو عرس في الصيف مرة في ربيع _ ارواحي مرحبا بيك في كل وقت والله كرهت وحدي عيت وش ندير _ علاه مجد وين راح _ هذاك يظل في الخدمة يروح من ليل لليل _ منعرف علاه حاسة بلي بيناتكم مشكل _ مكان حتى مشكل رانا لباس _ كي دخل للحبس انت متقلقتيش عليه شفتك ولا على بالك _ وش تحبيني ندير قولييي نوض نبكي عليه ولا نندب ولا نصفقلو كي راح جاب حق بنت خالتو ودافع على شرفها وننسى بلي هو اغت. صبني وذوك راهو عايش عادي تحت شعار صلحت غلطتي ويزيد يشوف في وجه خاوتي عادي كي شغل راهم طحانين ومدافعوش على ختهم اه قولي وش ندير _ صاي ميرال متقلقيش روحك انساي _ ايه انساي ساهلة عندكم كي تقولوها بصح باش تنفذوها متقدروش لوكان وائل يدير فيك  نفس الشيء الي دارو مجد فيا تتقبليه تقدري تسامحيه وتنساي عادي قولي _ منقدرش _ امالا بلعيه ايا باي خليني نرقد تعبت. كوبيت عليه الكلبة عليها حرام وعلى ناس حلال كامل جاهم نسيان ساهل بصح في تطبيق صعيب. غطيت على راسي ورقدت معندي ماندير والكلب هذاك مروحش خليه يروح يقود ولا على بالي. نضت اليوم روطار درت ورايا ملقيتوش حتى من قشو مكانش تبالي مروحش يكون بات برا يعني وين بات مع من بقيت نطلع ونهبط جيت نعيطلو من بعد تراجعت يروح يقود وش دخلني فيه الله لاروح خامج . نضت غسلت وجهي فت وجدت لفطور شهيتي مفتوحة على لخر ، فطرت شبعت لميت لماعن غسلتهم بديت نوجد فلغدا حطيتو يطيب ورحت صليت الظهر ديجا كان آذن رجعت حطيت تغديت شربت دوايا ورجعت رقدت اليامات معندي مندير ناكل نشرب نرقد وهو بحر عليه شادخلني فيه انا . فقت لعشية صليت درت لعشا انا هكاك والباب يطبطب حرت شكون حايجيني الوقت هذا مجد عندو مفتاح والجيران منيش مداصرتهم منعرف حتى واحد . فتحت الباب لقيتها رنيم وام مجد وخوه لكبير من حالتهم باين بلي صرات حاجة، سلمت عليهم فوتهم لصالو جيت نايضة نديرلهم قهوة قالتلي يماه مكلاه اقعدي برك جينا نحكيو معاك _ وش كان غير الخير _ الخير ان شاء الله يابنتي وش حانقولك _ وش صرا ايما ياك لباس . طرطقت بلبكا تقول ماتلها عزيز شفت في رنيم بمعنى وش صرا لقيتها مام هي تبكي نطق خوه قالي مجد البارح فليل دار آكسيدو وراهو ذوك في سبيطار  عيطولنا الصباح جينا عندو مخلاوناش نشوفوه محبيناش نخلعوك حتى تبان حالتو وذوك راهو خير من قبل تكسر من يدو وراسو تحل كامل حايحكموه سمانة عندهم باش يشوفو اذا عندو اضرار داخلية ومزال مبانتش حالتو قدقد .
#فريال