قدر مراهقة

الجزء 72

#قدر_مراهقة
الجزء 72
جيت نجاوبو دار عليا قلبي زربت جريت لدوش رديت مصارني لثم نتقيا وكلش فيا يرجف جا هو حكمني من لور وسندني خلاني كملت وغسلي وجهي وهزني لشومبرة،  انا بعد معيطت عليها ماقولتلو بعد عليا اصلا معنديش الجهد باش نحكي حطني فوق السرير وعيط لرنيم جابتلي كاس ماء شربتو وتغطيت كي شافني فشلانة خرج هو ورنيم وطفاو الضو ، انا ديراكت غطست في رقاد محسيت بوالو.
فقت الصباح على ريحة القهوة دخلت لخشمي زربت فت للكوزينة لقتي لثم تخنزرت فيها وفت لدوش غسلت ورجعت نفطر ونشوف ليها قلقتني بزاف وكرهتها منعرف علاه. هي هبطت راسها وكملت فطورها وزربت خرجت خافتني. لميت الطابلة وغسلت لماعن وفت لصالو لقتيها قاعدة لثم شفت فيها مليح ونروح نخبطها بكف جبتها فلرض ماجات تستوعب وش صرا حتى زدتلها الثاني وعطيتها ركل لفضخها هي مسكينة غير تبكي وااه مقالتهاش، طحت عليها نضرب ونجبد في شعرها ونخبطها حتى بردت قلبي باش بعدت خليتها مرمية فلرض وقعدت مقابلتها وننهج ومزال حابة نزيد نتفها قلقت منها ومن عينيها وشاتية نعضها . قعدت تبكي مسكينة شعرها منتوف وواقف حاكم الريزو نيفها ينزف بالدم خدها منفوخ يديها مخبوشين تقول كلب مرمدها ( الكلبة هذيك انا كلبت تاع الصح) قالتلي كلمة وجعني قلبي منها _ نوضي زيدي اضربيني وبردي قلبك وخلينا نرجعو صحابات كيما بكري علبالك والله مقصدت نديرلك هكاك انا كانت نيتي صافية بغيت نجمعكم مع بعض لانك قريبة ليا بزاف وانت ختي الي مجابتهاش ماما كي شفت مجد يحبك ويعشقك ويحوس غير على رضايتك قولت نحاول نجمعكم مع بعض لانو مستحيل تلقاي واحد كيفو محبيتش تضيعيه من يديك بسباب طيشك ومن بعد تندمي عليه _ الي فات مات ذوك مكلاه نجبدو الماضي وانا ضربتك للنو قلقتيني وبردت شوي من قلبي _ هيا نوضي كملي اضربيني وبردي قلبك مليح مليح وخلينا نرجعو كيف زمان _ عيت نوض والله طاقتي كامل راحت فيك والضرب الي ديتيه يكفيك ويوفيك عام كامل واذا على السماح راني مسامحاتك من نهار عرسي حبيت برك نشنف شوي عليك باش تعرفي غلطك _ صدقيني من نهار شفتك بهذاك المنظر وانا ندمانة وعارفة غلطي ياريت مت وماشفتكش فهذاك الموقف _ بعيد الشر عليك كي تموتي انت في من نفرغ غشي انا _ ها خويا _ لا هذاك صعيب منقدرلوش _ ذوك يعني سامحتيني _ ايه _ من قلبك _ لا من نعيك هاباينة من قلبي.  جات تزحف لعندي عيات توقف مسكينة دڨدڨتها ، حضنتني وتبوس فيا وجهي كامل رجع دم بسبابها  بعدت عليها قولتلها مزال كاينة حاجة _ وشنو هي _ حبيت نعضك _ وشنو _ بغيت نعضك والله تشهيتها _ هاكي عضي حتى تشبعي. حكمتها من يدها عضيتها وهي تعيط حتى خرج الدم من يدها. حنا هكاك ومجد دخل تشوكا من المنظر هذاك انا حاكمة يد رنيم ونعض فيها وهي تعيط وحالتها كارثية _باسم الله الرحمن الرحيم وشنو هذا شكون انتوما راني عايش مع وحوش انا.
#فريال