قدر مراهقة

الجزء 07

#قدر_مراهقة
الجزء7
روحت لدار نرجف وحدي العبد هذا راح يجيب اخرتي كل مانقول تهنيت منو يرجع يخرجلي من كاش قنط ويخربلي نهاري. دخلت دوشت لبست قشي ورقدت معندي مندير لعشية منقراش خلي نرتاح شوي، فقت على صوت آذان العشا ايه وش رقدت دخلت غيبوبة ديراكت نضت توضيت وقضيت صلواتي الي فاتو وروحت تعشيت طليت عليهم دارنا كامل راقدين تعبو بزاف كعاد كامل ينوضو بكري، راجعت شوي ورجعت رقدا طاح عليا واحد الرقاد قول راني نعوض فاليامات الجايين نبان راح نشتاق النوم ومش راح يزيد يزور عينيا (وخرجت صح كلش تبدل). غدوا نضت على 11وجدت روحي وقعدت ندور فدار راح عليا الحال مزية جا خويا وائل داني عيطت لرنيم قالتلي راني فليسي وينك انت _راح يوصلني خويا_وينى واحد فيهم_وائل_قولي والله _من وكتاه انا نكشب عليك _امالا راني نستناك قدام الباب_ايه معليش _باب، مهبولة الطفلة هذي صوتها وفرحتها فضحتها. وصلني خويا وكي شاف رنيم واقفة مع واحد يقرا معانا تقلق وقالي هذي ذوك متحشمش على روحها تظل تقصر مع نق&&_هذا يقرا معانا _واذا يقرا معاكم بصح يبقى طفل وناس وش تحكي كي تشوفها واقفة معاه هكا_والله عادي ياك تعرف رنيم خاطيها لعفايس هذو تحكي بنيتها_هي تحكي بنيتها بصح الناس متشوفش لنية تشوف للافعال _ايه صح عندك الحق هيا نخليك باي _نجي نروحك لعشية_من وكتاه _بلعي برك منخدمش اليوم قلت ندير فيك الخير بصح ظهرت متقبليهش _ارواح والله ماني قادرة نتحرك _معليش كي تخرجي عيطيلي، نزلت من اللوطو وروحت لرنيم هو ناض. سلمت عليها ودخلنا قولتلها كي شافك مع الكفل تقلق _شكون هذا_باين شكون _ااا وائل حبيب القلب_هههههه مهبولة وعلاه متثقليش روحك شوي _علاه وش درت _شوفي انت كي ذكرت اسمو عينيا ولاو قلوبة وضرسة لعقل بانت_وش ندير الله غالب نحبو نعشقو منقدرش نخبي_ايه يالمذلولة _منيش مذلولة نحب برك مدرت حاجة عيب مادرت لحرام هذو مشاعري منيش قادرة نحكم فيهم_ربي يهديك_آمين آمين وربي يبليك وطيحي في الحب ونشوقو الذل كيفاش _بعيد الشر وحتى ونطيح فيه راح نعرف كيفاش نمشي ماشي كيفك قريب تتلاحي عليه_لوكان صلحتلي راني حضنتو_هيا ندخلو راح الحال لوكان نبقى معاك نسوطك. دخلنا فوتنا طبعا مع التمهبيل تاعنا والتنمر دار حالة مخليني استاذ مخلينا مراقب وحتى المدير وضحكنا عليه ههههه الله غالب يقتل بالضحك على العام ديخان. خلصنا لولين خرجت انا وعيطت لخويا شوي هكا لحقت رنيم _هيا اتحركي_اصبري راح يجي خويا يروحنا_ايا باي نخليك غدوا ان شاء الله _وين رايحة اقعدي نوصلوك في طريقنا_لا مكلاه نحشم منو_وجه الحشمة اقعدي برك، ماجيت نكمل كلامي وصل طلعت ركبت وهي محبتش عيط عليها_حتى نعرضوك_لا خليني نروح وحدي _تبالي مسقسيتكش على رايك قولتلم اطلعي وصاي، خلعها مسكينة طلعت ترجف هههه قد ماتحبو قد ماتخافو علاقتهم واحد مايفهمها ملي كنا صغار هو يديرلها هكا يهتم بيها يعيط عليها وحتى الغيرة يغير بزاف نهار تجي عندنا وتقعد تقصر مع خليل يهبل هو يتسبب باش يخرج خليل من الدار. ىوحنا وقبل ماتنزل قالنا في زوج وكتاه يهديكم ربي وتسطرو رواحكم، نطقت انا وعلاه تشوف فينا عريانين حتى تقولنا اشطرو رواحكم ياخي لبستنا عادي كيفنا كيف لبنات_نحكي على الخيمار وكتاه ديروه _مستحيل نديرو _ماشي رايك السنة لخر تاعك العام الجاي ديريه انت وياها، نطقت رنيم وعلاه انا وش دخلني فلحكاية واصلا منديروش _نشوفوها ديريه وفمك مبلع_وش دخلك فيا هاي ختك احكم فيها وانا ابقى بعيد عليا _نديرو لختي وليك _شكون انت حتى تدخل في حياتي _بلعي متقلقينيش انا قلت كلمة ومش راح تتعاود وهيا انزلي قبل مانفرشخك بطريحة هنا_وعلاه تشوفها سايبة هنا حتى تضربني _رنييييييم بلعي متقلقينيش اصلا راني معمر من جيهتك من الصباح متزيديليش ذوك. سكتت حرف مزادتوش هي اصلا خوافة كبيرة ههههه هبطت وراحت تجري دخلت لدارهم خلاها حتى دخلت باش ديمارا وصلني لدار وناض.
#فريال