قدر مراهقة

الجزء 35

#قدر_مراهقة
الجزء 35
طلعت لسرير وتغطيت _طفي الضو معاك ومكلاه دير الحس منحب نسمع حتى صوت_كشما عندك اوامر خرين _لا حاليا هذا ماكان _والله ومتسكتيش الليلة غير نعطيك سلخة الليلة راني نشوف جلدك يحكك _انت الي راني نشوف في شعرك مقلقك بزاف _وش دخل شعري في نص، هز يدو وبدل يلعب بيه وانا متبعاتو بعينيا للحظة تمنيت نشد شعرو ونلعب بيه شعرو راطب على شعري هههه. طفا الضو وراح رقد فوق الفوتاي شوي هك تقطع صوتو وانا بقيت نتقلب عيت نرقد كعاد بدلت لبلاصة موالفة الوقت هذا نكون في غيبوبة. تقلبت حتى كرهت من بعد نضت نمشي بالشوي قربت ليه لقيتو راقد وشعرو هابط على عينيه وضوء تاع فيوزة خفيف يضرب فيه الصراحة تشهيت نبوسو من بعد تفكرت وش دار فيا جات فكرة في راسي دخلت لدوش لقيت مقص في علبة الاسعافات هزيتو ورجعت عندو. حكمت طرف من شعرو مع جيت نقصو ويحل عينيه انا جمدت في بلاصتي _كملي علاه حبستي_وش نكمل _جيتي تقصيلي شعري هيا كملي_لا مش نقصو شفت صرصور فوق راسك حبيت نقتلو برك_صرصور وتقلتليه بلمقص _هيه_وهاذ الصرصور جا فوق شعري وانت باش تقتليه لازم تقصيه_ايه هكا بعد باش مينتاشرش الميكروب تاعو ولاقدر الله يمرضك ولوكان غير تموت تتهنى تقعد تعاني بزاف ممكن حتى تحكم لفراش 20سنة ومكانش الي يرفدك _لمرا هي الي ترفد راجلها كي طيح بيه _والمرا نهارطيح بيها يروح راجلها يبدلها ويرميها لدارهم _كاين وكاين مش كامل كيف كيف_الهدرة كامل قادرين عليها بصح الافعال ربي يجيب _انا عند كلمتي _صح عند كلمتك قولتلي بلي راج تندمني عليها وصح ندمت اما مبكيتش نستنى يجي نهارونرد ضربتي_وبعدها تسامحيني_منعرف_يعني كاين امل،قوليلي برك وش كنتي ناوية ديري بلمقص_نقتل برك الصرصور_ تشوفي فيا بغل حتى تستغبيني _كعاد غير عرفت روحك_ميرااال راني نشوف فيك بديتي تدخاصي وتسبي فيا وكي شفتيني ساكت تفرعنتي طيري ترقدي وخلي الليلة الكلبة تفوت على خير راني بالسيف حاكم روحي عليك متخلينيش نغلط فيك_كونك راجل واغلط فيا لوكان منقتلكش _شوف اسيدي وتهددي ثاني طييييري ترقدي _انا _لا جنون الي وراك هيا طيري وهاتي لمقص هنا_علاه وش دير بيه_هاااتيه، مديتلو المقص وروحت حكمت بلاصتي غطيت راسي ورقدت من التعب تاع العرس والقلقة دخلت في غيبوبة محسيت بوالو لوكان يقتلوني ومنفيقش.
#فريال