قدر مراهقة

الجزء 13

#قدر_مراهقة
الجزء 13
دخل الرخيس هذاك ومن وراه رنيم جا قعد قدامي جيت نوقف بعد قالي متحركيش راني بعدت راح جر كرسي وقعد عليه رنيم جات قعدت قدامي، حسيتهم بغاو يقولو حاجة ومترددين قعدنا ساكتين شوي هكا نطق هو_علبالي غلطت معاك وغلطتي كبيرة بزاف ومكانش حاجة تغفرلي وش درت تصرفي كان تاع واحد رخيس عندك الحق تسبيني وتضربي ديري وش تحبي اما متسكتيش اهدري حاسبيني سكوتك راهو يعذبني. نطقت رنيم خليها مزالها مشوكية كي يتنحى عليها وتنطق متضغطش عليها _معليش براحتك وقت ماتحبي تحاسبيني راح تلقايني قدامك، انا غلطت معاك وراح نصلح غلطتي كيما تعرفي انت من البارح راقدة مفقتيش خلاص وانا في المدة هذي بعثت بابا يحكي مع باباك ويتفاهمو على كلش. هنا انا نطقت مقدرتش نسكت وخفت يكون حكا لبابا كلش وكشما يصرالو مع هو مريض بالضغط وزيد بعد مايسمع بلي شرفي ضاع واني هبطلو راسو بين ناس نعرف بلي مكانش ذنبي بصح هدرة الناس مترحمش (في بلادنا ديما يحطو اللوم على الطفلة ويقولو هي الي تعرات الي راحت الي دارت واحد مايوقف معاها ويحاول يواسيها ويعاونها ويفهم وش صرا كامل يجيو ضدها ويوقفو مع الراجل حسب قولهم هوما الراجل وش يدير يبقى راجل ميتوسخش ماشي كيما لمرا اذا راح شرفها تولي موسخة وق$$ وعا&& ويخرحو حكايات عليها جامي صراو للآسف هذا هو المجتمع تاعنا) كيفاش اه روحت تجري وخبرت بابا بكلش وعندك الجرأة وتحكي على عمايلك فيا _لا ماشي كيما فهمتي والله ماخبرتو بلي صرا بعثت بابا اليوم باش يحكي معاه ونجيو نخطبوك _وشنوووو_ايه كيما سمعتي بعد الي صرا لازم نصحح غلطتي ونتزوجو_يعني انت من قبل كنت مخطط ديرلي هكا باش تجبرني نتزوج بيك والكلبة الي قدامي عاوناتك تفاهمتو كامل على راسي وانا كي الحمارة في وسطكم ماني فاهمة والو. نطقت رنيم والله ماكان علبالي بلي ناوي يدير فيك هكا هو جا عندي قالي نحب نحكي معاها ونتفاهمو جيبيهالي هذا ماكان_ايه وانت كي القح&& درتيها بيا وش نسيتي بلي هو راجل وممكن يدير فيا اي شيء ولا كعاد خوك وقفتي معاه ضدي _والله ماعولت تصرا هكا ولا مانخليكش وحدك معاه طول _بلعي فمك متزيديش تحكي معايا من اليوم كرهتك ومذابيك وجهك منزيدش نشوفو _ميرال والله ماكن علبالي بلي راح يدير هكا تعيشي اسمحيلي، تحكي وتبكي حسيتها صح صادقة ومكانش علبالها بصح فاللحظة هذبك قلبي قساح ومغاضتنيش خلاص كل تخمامي كيفاش نرد ضربتي ونبرد قلبي الي النار شاعلة فيه.
#فريال