قدر مراهقة

الجزء 28

#قدر_مراهقة
الجزء 28
غدوا منو فطنت على 20 تاع ليل ايه رقدت بزاف تقول عندي عام ماغمضت عينيا، غسلت وروحت للكوزينة لقيتهم يتعشاو قولت لماما كيفاش اليوم منوضتينيش وخليتيني نرقد للوقت هذا قالتلي كي شفتك تعبانة خليتك وزيد مبقاش وتروحي من هاذ الدار وناضت تبكي، روحت حضنتها وقولتها خلاص منزوجش نبقى معاك _ذوك خلاص طفرت عرسك السمانة الجاية مبقالوش وكلش راح يتبدل التمهبيل هذاك وتمسخير خليه عندنا متديهش معاك_ايه نخليه كي نجي نلقاه هنا نخاف نديه معايا يسرقوهولي ، ناضو كامل يضحكو قالي وائل قولي خفت مجد ينحيهولي بكل ويردني نمشي كيف الرافاي هههه _وعلاه وش يكون هو حتى يردني رافاي هذا لامرديتوش مهبول كيف _ممكن تهبيله سمانة يدخل لسبيطار تاع لمهابل_ممكن، نطقت ريتال اذا حكمك يوم راهو يهبل ياالمهبولة انا حرت وش عجبو فيك لوكان داني انا خير نتوالم معاه وزيد هو بوقوص يليقلو وحدة كيفي ماشي كيفك انت، قعدت حالة فمي هذي طفلةصغيرة وتحكي هكا ايه يازهري الجيل المكشوف، عيطت عليها ماما وقالتلها ماما احشمي وش هاذي هدرة تقوليها لختك عيب منين تعلمتيها، سكتت مزادتش حرف تخاف ماما تضربها. قعدت تعشيت معاهم خلصنا غسلت لماعن انا واسيل وروحت لشمبرة هزيت تلفوني لقيت بزاف ميساجات وليزابال من الكلب هذاك(حاط اسمو عندي الكلب المجروب) حلتي الفيس تاعي لقيتو باعثلي آنفيت وميساج معاه (مبقاش وتولي مرتي ونوريلك خشونية الراس تاعك وكيفاش مترفديش عليا وتسمطيني) بوه عليه وجهو مقزدر ومزالو يهدد، بعثتلو ميساج (روح تقود مش خايفة منك) 5دقايق عيطلي كوبست عليه زاد عاود وانا نكوبي شي 8مرات هكاك حتى بعثلي ميساج ترفدي ولا نجي لدار نوريلك اللعب كيفاش. زاد عاود عيط رفضت عليه دياركت بدا _شبيه ر** وش يبالك فيا كلب عندك حتى مسمطتني وانا نعيط من الصباح وانت مترفديش وتزيدي تكوبي في وجهي وانا الي رخفتلك حتى طلعتي فوق راسي تحبي تتفرعني ولوكان منريڨلكش منيش مجد ووو، قعد ينبح كي الكلب حتى قلقني عيطت عليه_بلع عليا وش تحتاج وعلاه عيطت _وتزيدي تقوليلي بلع اواه انت لازملك طريحة باش تتريڨلي _كونك راجلك وقيسني لوكان منوريلكش _وش راح ديري قولي تراه _روح تقود برك اخطي جدي الحلوف باي _تكوبي نجيك لدار ديراكت وانت تعرفيني نديرها ومنخافش_وش بغيت علاه عيطت قول_عيطت لمرتي نسقسي عليها ونقولها كشما خصها _مبغيت والو اخطيني برك _وعلاه مرفدتيش عليا من الصباح ومخليتني كيف الكلب نعيط ونعاود_كعاد غير عرفت روحك وش تسوا_ميرااااال متقلقينيش كثر من هك احشمي على روحك _شوف شكون يحكي على الحشمة وش نسيت وش درت قيا _بلعي خلاص اربي علبالي غلطت ودرت تصرف تاع حيوان وراني ندمان جيتك طالب السماح وراح نصحح غلطتي ونخليك تسامحيني _منسمحش ومستحلي ننسهالك_براحتك الوقت كفيل وراح يشفي كلش_يشفي جروح الجسم بصح تاع القلب مستحيل يرتاحو_وين كنتي من صباح _راقدة وهذا وين نضت_اووو تتمسخري بيا _منيش نتمسخر كنت راقدة وحبيت تصدق ولا تقعد حاجتك هذيك_معليش بصحتك النوم، كشما خصك _مخصني والو نحب نرقد باي _باي عمري _منيش عمرك فهمت متزيدش تقولي الكلمات هذو نكرهم اسمي ميراااال قولي ميرال وصااااي _خلاص متتقلقيش منزيدش نقولك. كوبيت عليه الكلب لازم يخربلي نهاري حكمت بلاصتي وغطيت على راسي ورقدت الهروب من الواقع لنوم احسن حل ليا.
#فريال