قدر مراهقة

الجزء 56

#قدر_مراهقة
الجزء 56
مع بدا صوتها يزيد يقوا انا بديت نفطن وتآثير بوستو بدا يروح جيت نبعدو عليا محبش بقا حاكم في شعري وفمو قريب لفمي لوكان نحكي حرف يتلاصقو مع بعض. سمعنا صوت باباه ويماه يعيطو وش كاين وش صرا خلعتينا غير الخير _ارواحو تشوفو ولدكم المدلل الي ديما تفتاخرو بيه وحاطينو هو عزرين في دار هذي وكلمتو الي تمشي وجامي يغلط _وش كان علاه راكي تعيطي هك تبان خلات عليك_طلو تشوفو وش راهو يدير ولدكم في دروج _يابنتي شبيك وش دار خوك حتى راكي تندبي هك _طلي تشوفي بعينيك ولدك لمتربي العاقل الواعي وش راهو يدير. هوما يحكيو وانا نحاول نبعدو عليا وهو كي الحيط محبش يتحرك قابضني بزوج يدين وحدة على رقبتي وثانية فمسلاني ومزير عليا دخلت فيه ومحبيتش ننطق لانو حا نقيس فمو وحشمت بزاف منو لحد الان منيش فايقة بواش درت وانو انا تلحت عليه وبوستو ياربي وين نحط وجهي ذوك وكي يزيدو يطلعو والديه ويشوفنا في الموقف هذا وش حايقولو عليا باين حايسبوني ويردوني منسواش. طلعو والديه ومن وراهم خواتاتو لبنات باباه جيست شافنا في الوضع هذاك دار هبط ويستغفر اما يماه وجها حمار وخواتاتو ناضو يتضاحكو لتحت لتحت نسا خاوتو قعدو لتحت وخاوتو اصلا مطلعوش مداوهاش فيها الكلبة تاع سماح قتلت روحها تعيط وتندب وها العار وهالبخايص ويا الي ميحشموش ويالمكبوتين ويالخامجين، مخلات ماقالت علينا ومجد حاكمني بنفس الوضعية ويشوف في عينيا انا غاضتني عمري وبديت ندمع هو جيست شاف دموعي هبط جريا لتحت وخبط ختو بكف ماجات تستوعب الكف لول حتى زادلها الثاني وارواحو واحكموها لثم زعزعت الدار بصوتها. يالحڨار الكلب الرخيس ويا الي تبع في مرتك وتضربني على جالها وجايب عرة لبنات بنت الشارع ومقنطها في الدروج لوكان جات بنت اصل ماتبوسك في وسط داركم وخاوتك لتحت  ، مخلات ماقالت تسب فيا وفيه ويماها تحاول تسكتها وهي تقول داب ميفهمش غير ماتزيد في عياطها تلمو خاوتها ونساهم وباباهم مجاش. كملت تسب لقدر طاح خلاص خاوتها رجال كبار بولادهم وهي تسب قدامهم عيات يماها اسكتي ابنتي عيب عليك احشمي وش الهدرة هذي هي والو، مجد عيا صابر وهي والو مسكتتش مع تقول عليا ق*** من واحد لواحد وشابعين مني وهو يتلاح يحكمها من شعرها ودارها تحتو دڨدڨها وتفاجأت من خاوتها خلاوه يضربها ومدخلوش يفكوها ودارو خرجو لصالة، انا كي شفتو حايقتلها هبطت نجري حكمتو وحاولت نبعدو عليها. مجد تعيش اطلڨها رح تقتلها تعيش بعد، بالسيف مابعد عليها انا نجبد من جيهة ويماه من جيهة تبكي وتحلل فيه، كي طلڨها وقفت وتلاحت عليا حكمتني من شعري وانا كلش كلش وواحد يقيسلي شعري ناكلو عادي، عطيتها بونية لخشم طاحت فلرض ديراكت الكلبة يبالها فيا صغيرة منعرف والو وانا من صغري نلعب كراتي وزدت تعلمت فنون الدفاع عن النفس ضربة وحدة نجيبها راقدة. مجد بقا حال فمو فيا وخواتاتو فاسخين بالضحك ونسا خاوتو ثاني باين واحد مايحملها الكلبة المجروبة تتبلى بزاف خلي نكسرلها خسمها باش تتربى وخلي يكرهوني على روحهم يروحو يقودو انا المهم عندي نرد ضربتي وخلي تخلى بعد ميهمنيش.
#فريال