قدر مراهقة

الجزء 21

#قدر_مراهقة
الجزء 21
بعد مافرزو الحالة قعدو تعشاو خالتي وعمتي روحو وجداتي قعدت تبات. جيت فشمبرتي وتكيت واسيل كل دقيقة تقولي نفتح نشوف وش جابلك افتحي ووريلي هيا ازربي خليني نرقد تعبت قلقتني قولتلها افتحيه وبلعي عليا راسي راح يطرطق منك، فتحت الصاشي لقات كوفر تاع بارفا وساعة وتلفون وشيكولا ومعاه ورقة عطاتهالي مقراتهاش (الحاجة لمليحة فيها متقيسش صوالح غيرها)  _ايه ياميرال ظهر فارس احلامك يعرف يخير وعندو ذوق شباب وفوق هاذ الشي كامل باين يحبك وراح يتهلى فيك _ايه باين_انا نرقد تعبت _بونوي. هي رقدت وانا قعدت قلبي ياكلني حابة نعرف وش كان فالورقة (الله غالب فضولية)، فتحتها لقيتو عتاذر وعتارفلي بحبو(علبالي غلطت ولوكان نبقى نطلب السماح منا لآخر عمري مش راح تسمحيلي الشي الي درتو فيك صعيب تنسايه وتغفريلي، حنا ذوك راح نتزوجو ونعيشو مع بعض في فرد دار نتشاركو الحلوة والمرة الزواج عشرة عمر ماشي يوم واحد، هيا نفتحو صفحة جديدة ونبداو من جديد وخلي الماضي ورانا. نحبك نموت عليك ياو نت$$عليك، مبقاش بزاف وتجي لعندي وراح نخليك تسمحيلي). بعد ماقريت وش كتبلي زدت كرهتو الكلب معول نعيشو انا وياه عادي كأي زوجين بعد مادمرني ياو والله ومنخرجهاش من عينيك منيش ميرال ع##. غطيت راسي ورقدت من التعب هذاك ودمار الكلب مفقتش خلاص حتى ل12تاع صباح، ايه وش رجعت نرقد بزاف هكاك وحابة نزيد. نضت غسلت وجهي وروحت فطرت ملقيت حتى واحد فدار كل مين يخدم من غير ختي ريتال كانت راقدة ونوضتها الطفلة هذي شكارة تاع رقاد فطرت انا وياها هي خرجت تلعب مع بنت جارتنا وانا بقيت ندور فدار وزيد معنديش تلفون قلقت خلاص لعشية يجي بابا نقولو يشريلي واحد جديد مبغيتش نخدم بلي جابو الكلب هذاك منحب والو من عندو. قعدت ندور فديار ودرت لعشا الفيد قاتلني ماجا يوجد روحت ماما وختي يجيو مع بعض. ايه عشنا وشفنا ميرال توجد لعشا قبل بوقت وبلا مانقولولها_ملقيتش وش ندير عليها_موالفة ديما عڨاب التلفون وعندك يومين مهزيتيه وينو _تكسرلي_ااا عليها وعلاه مقولتيش لباباك ولا واحد من خاوتك يديوه يتعدل_تفتت مش راح يتعدل _وش كسرو_طاح من البالكو. نطقت اسيل ياخي جابلك مجد تلفون وعلاه متستعمليهش _منحبش ندي حتى حاجة منو _وعلاه راهو راجلك_حاجة متخصكش متدخليش_براحتك ياخي جربة. راحت لشمبرة وماما قالتلي معليش لعشية يلحڨك تلفون جديد والي جابهولك مجد رديهولو ولا خليه عندك كيما تحبي. هي ثاني راحت بدلت قشها وجات درنا قهوة وحليب وقعدنا نقصرو ونتفاهمو وش ندير فالفاتحة، تفاهمنا على كلش وغدوا نخرجوا نشريو. لحقت 19دخل بابا فالباب بعد قالتلو ماما جيب تلفون لميرال راهو تكسر خرج هكاك بعد مارتاح ماوالو راح جابهولي ورجع انا عزيزة عليه بزاف. روحت بستو وحضنتو بابا لحنين هو خير من ماما مام نغلط يسامحني على عكس نبع الحنان ديما تشوطني بالبشماق هههههه.
#فريال