قدر مراهقة

الجزء 98

#قدر_مراهقة
الجزء 98
قالهم ذوك تفهموني وش راهو صاري هنا. كامل سكتو واحد مابغا ينطق ويحكيلو وهو طيرتو وجنتو واحد يسمطو يولي ميضويش، عاود قالهم فهمووووو ر** وش راه صاري هنا وش لعياط هذا صباح ربي وهذي دار لدانيا قالهم شبيها وش صرالها شكون دار فيها هك طابس عندها وسقساها وش بيك ، هي طرطقت بلبكا مابغات تسكت نطقت سماح اختو كانت جات البارح حضرت فيونصاي تاع رنيم وباتت هنا الطفلة هذي منعرف منين جابة صحانية لوجه ماتحشم ماوالو وجها صحيح تحكي قدام خاوتها كلش. ناضت رعتلو الي كاين من الالف للياء بأدق التفاصيل بداتهالو من علاقة دانيا وحبيبها وبواش يديرو وبلي موالفة تبات عندو وعايشين كيف المتزوجين وبلي مفتحهاش بصح شابع منها والبارح راحت ليه خبراتو بحملها وهو مصدقهاش وقالها مش ولدي وروحي شوفي شكون فتحك وكرشك وهي قالتلو بلي مزالها فيارج بصح بالحمل وهذا وليدك ايا ناض حبيب قلبها باش يتأكد من عذريتها توشاها وفتحها وفورصاها نزفت داها رماها فالغابة وراح ولا نقولو اصلا كانو قراب للغابة كانت عندهم دار لثم ومن بعد هي عيطت ليما باش تلقالها حل وكي سمعو خاوتي ناضو يتعايطو وهاي قدامك شوف حالتها كيفاه ولات تستاهل يعني بمختصر المفيد ماشي غدوة انا الي غلطت هاهي ختك الصغرونة الي ديما تعايرني بيها تقولي خير منك في كلش شوف وش دارت. هي تحكي وكامل مهبطين ريوسهم  محشمت من حتى واحد تحكي عادي وهذاك ماصدق كملت كلامها راح لدانيا شدها من شعرها ووقفها خبطها بكف زادلها الثاني يضرب ويعيط عليها وش داااك ديري هك هذي هي تربيتك قولي يماك وباباك خلاوك أمانة عندنا دارو فيك الثقة خلاوك وراحو وانت هك تجازيهم تخذليهم تروحي تع** مع الخامج محشمتيش كلبة، طيشها فلرض جا يضربها بركل لمت روحها وغطات كرشها قالتلو تعيش متضربنيش على كرشي نستاهل كلش بصح ولدي معندو حتى ذنب انا صح غلطت ومستعرفة بغلطتي بصح متوقعتهاش تكبر لحكاية هك وهو رماني وراح خلاني انا وولدي فليل نتعذبو _ شكون هذا الرخيس الي غلطتي معاه وهبطتيلنا ريوسنا في جرتو شكون الكلب هذااا انطقي _ صح انا غلطت بصح مسلمتلوش شرفي هو اغت. صبني دار كلش بالعنف انا مكنتش قابلة _ شكون هو _ اسمو توفيق ### _ ولد صاحب باباك _ ايه هو _ معليش اليوم نوريلو كيفاه يلعب ببنات الناس ويرميهم وفوقها يغتا. صبهم نوريلو بلي شرف بناتنا ميروحش باطل. قال كلامو وخرج يجري خاوتو لحقوه ويماه ولبنات عاونوها داوها لشومبرة وانا بقيت مصدومة عيت نتحرك الشي الي صرا فكرني بواش عشت والي زاد شوكاني كثر ردة فعل مجد وكيفاه غاضاتو وراح يجيبلها حقها عندو الحق هذا شرفهم وحتى ولو راح نتيجة اغت. صاب الا انو غاضهم وانا الي دالي شرفي وكرشني وفوقها جاتو عادي حاب نسامحو اصلا عندو الحق شافني حمارة سكت مخبرت حتى واحد اكيد يتمادى ويزيد وفوقها قررت نسامحو ونكمل نعيش معاه كأنو ماصرا والو. يحلم بيها الشي الي صرا ليوم خلاني نحقد عليه ونكرهو ونتمنالو الموت نشوفو يعاني وميغيضنيش دعيت عليه حتى كرهت وكأنها كانت ساعة استجابة.
#فريال