قدر مراهقة

الجزء 52

قدر_مراهقة
الجزء 52
دخلت لقيت بابا ووائل وخليل واقفين روحت سلمت عليهم ونحضن وتبوس خصوصا وائل قريب ليا بزاف هو صديقي مش غير خويا ويحكيلي كلش خصوصا على الكلبة تاع رنيم انا أول وحدة قالي بلي عجباتو وعينو فيها. الرجال فاتو لصالو تاع رجال جاية مع دخلة وحنا نسا فتنا لصالة الصغيرة لقيت ماما واسيل وخالتي وبنتها اسراء وجداتي وعمتي سلمت عليهم كامل وزادو رحبو باهل مجد اكم تعرفو يبداو يسقسيو وش حوالكم لباس بخير ووو. ريتال مزالها في حجري قاتلة روحها بالبكا ومرة على مرة تبوسني مسكينة والله منحشم عيطت عليها اصلا منيش فاهمة سبب عياطي والله تبالي صح بديت نهبل. روحت لشمبرتي نحيت الحجاب ولبست بيجامة من الي عندي وفت للكوزينة نعاون فيهم لقيتهم موجدين كلش خص غير نحطو وصاي، كملنا اسراء توصل لباب الصالة وخليل يحكم عليهت ويحط ويخزر فيها من لتحت لتحت هذا كامل وهو حاط في بالو واحد مافاقلو بصح كامل كشفناه وماما وخالتي يتغامزو عليهم. حطينا لغدا تغداو كامل وانا كليت في الكوزينة مع لبنات مزالني نحشم منهم وزيد اليامات هذو نبلع برك نخاف نخلصلهم الماكلة. خصلنا لمو لبنات لماعن جيت نغسل معاهم مخلاونيش قالولي مزالك عروس وعيب وانا جاتني على خاطري روحت قعدت مع عجوزتي ههههه ايما خيتي كي نتفكر بلي تزوجت وولا عندي عحوز وراجل نفسخ بالضحك وين كنت ووين وليت. كملنا قصرتنا ل15هذيك حطولنا القهوة والضيافة وكلش انا لاعبتها حشامة ومناكلش كي روحت للكوزينة بلعت كلش وزدت فوقها قرعة كوكا نبرد قلبي ولبنات فوق راشي يسقسيو على حوالي وزواج وديري هك وهك والبسي واعدلي وووو نفخولي قلبي لوكان كنا وحدنا اني عطيتهم طريحة قلقوني  . لحقت 17 دخلو الرجال من برا كانو في القهوة عيطلي مجد قالي هيا وجدي روحك نروحو عيت نحاول فيه باش يخليني نبات قالك ممنوع وحتى من ماما قالتلي متصلحش المرة الجاية إن شاء الله سكت وبلعتها روحت لبست حجابي هكاك فوق البيجامة ورفدت صاكي جات ماما مدتلي كادو ونصحتني شوي هابنتي شدي فمك وارزاني وقومي براجلك وش يتشهى ديريلو( هي معلبالهاش بلي انا حبة بيضة منقليهالوش ههههه)، ودعت دارنا وريتال تبكي وتندب حابة نبات عندهم بالسيف ماسكتت داها وائل وخرجها لبرا باش تسكت شوي. رجعنا لدارهم دخلنا ملقينا حتى واحد قالتلي يما (عجوزتي قالتلي عيطيلي ماما وانا قررت نعيطلها يما اصلا ماشفت منها غير الخير ملي كنت صغيرة وانا نعرفها تهبل وناس ملاح عكس وليدها الشرير). قالتلي بلي هي الي عيطت وقالتلهم ميجيوش اليوم باش يخليوك ترتاحي وغدوا كامل حايجيو يشوفوك وبعدو راح يبداو العرضات عند عمومو وخاوتو وخوالو وخالاتو يعني سمانة كامل راح تروح في دوران من دار لدار. اويلي وش يفوتلي السمانة هذي ومع انا وليت غير نرقد خلات عليا، خايفة غير من ختو سماح لا تزيد ديرلي كاش مشكل ونتلاح نتفها والله المرة هذي مانسكت وتخلط فيا غير تشوف نجوم الظهر في نهار يبالها فيا عاقلة معلبالهاش بلي حقي نجيبو يالوكان نموت بعد.
#فريال