قدر مراهقة

الجزء 17

#قدر_مراهقة
الجزء 17
هوما خرجو وانا رجعت رقدت اصلا الرقاد ملجأي الوحيد نهرب من الواقع ليه باش منتفكر بوالو، فقت على صوت ريتال تعيط عليا ومع صوتها هي الله يبارك ينوض الميت من قبرو_نوضييي ميييرال نووووضي جعت اعطيني ناكل اصبري شوي ذوك نوض نمدلك تاكلي نقصي صوتك شوي طرشتيني _منقصش هيا ازربي باش نخرج_وين تروحي الالة وشكون شاورتي _شاورت راسي وهو قالي اخرجي تلعبي_شوف الكلبة كبرت وتعلمت ترد الصرف_شوفي شكون ختي _ياخي ستوتة ارواحي نبوسك شوي توحشتك يومين ماشفتك ماقولتي نبوس ختي ونحضنها ديراكت جاية على جال كرشك_كرشي اهم منكم تخطيني هي نضيع اصبري نحضنك باش متزعفيش وتنوضي تبكي ومكانش حتى راجلك باش يسكتك _شكون هو راجلي_مجد البوقوص والله مسكين ربي يعينو على وحدة كيفك لوكان داني انا خير _ياواحد الكلبة صغيرة ومحاينك كبار كي كنت كيف منعرف والو الجيل المكشوف _سكتيني برك وهاتي نبوس توحشتك. جات باستني وحضنتي الطفلة هذي تضحك وتقلق هي المهرج تاع دارنا اخر العنقود. نضت غسلت وحطيتلها تاكل مواقلة نوكلها وناكل معاها المرة هذي محبيتش عيات فيا كي مقدرتش تقنعني قلبتها بكا الستوتة ودمع صح وتقولي وعلاه متوكلينيش وكرهتيني وروحتي يومين نسيتي بلي عندك ختك صغيرة متاكل غير من يدك وبدلتيني بالسنفورة هذيك تاع لخلا (رنيم تعيطلها ريتال سنفورة وهي وياها ميتحاملوش يغيرو من بعض هههه)_خلاص هاتي نوكلك واسكتي صدعتيني نهار كامل وانت تبكي مكرهتيش من النديب _يقولو الطفلة كي تبكي تزيد تزيان عليها راني نبكي باش نزيان ونحرحر العديان_شكون العديان هذو الي عندك _بزاف واولهم السنفورة هذيك تاع صاحبتك_هههه تحكي على رنيم_وشكون غيرها عدوتي السراقة _وش سرقتلك _سرقاتك انت _ايه يالالة الي يشوف فمك يقول هذي عندها 20سنة ماشي 7سنين _والي يشوفك تلعبي مع لولاد الصغار يقول هذي طفلة صغيرة مهيش مرا عندها 17سنة_خلاص اسكتي انت ميقدر عليك غير الي خلقك _وانت ميقدر عليك غير مجد. كنت نضحك عادي هي ذكرت اسمو وانا حوالي تقلبو لوكان نلقى اسمو ومنسمعوش كرهتو لواحد الدرجة نلقاه يموت ومنرحموش. احشمي منيش ڨدك حتى تحكي معايا هكا كولي وبلعي هيا_متضربيناش برك _ بقيت نوكل فيها ونخمم في حياتي كيفاش راح تكمل وفشي الي صرالي في هاذ لعمر الصغير صراولي حوايج ميتحملهم.
#فريال